31  ಡಿಸೆಂಬರ 2014 

 ಜೀವ ವಿಮಾ ಖರೀದಿಯಲ್ಲಿ ಗ್ರಾಹಕನು ವಿರೋಧ ವ್ಯಕ್ತಪಡಿಸುವಾಗ, ಏಜೆಂಟನು ಜಾಗ್ರತೆ ವಹಿಸಬೇಕಾದ ಸಂಗತಿಗಳು ಯಾವುವು?

• ವಿರೋಧದ ಹಿಂದೆ  ಇರುವ ವಾಸ್ತವಿಕ ಕಾರಣ (real reasons)ಗಳನ್ನು ಪತ್ತೆ ಹಚ್ಚಬೇಕು.
• ವಿರೋಧಗಳಿಗೆ ಗ್ರಾಹಕನಿಗಿರುವ ಹಕ್ಕನ್ನು ಮನ್ನಿಸಬೇಕು.
• ವಿರೋಧ ಕಾರಣ ಅರಿಯಲು ಸರಿಯಾದ ರೀತಿಯಲ್ಲಿ ಪ್ರಶ್ನೆ ಕೇಳಬೇಕು.
• ಗ್ರಾಹಕನ ಉತ್ತರವನ್ನು ಲಕ್ಷಗೊಟ್ಟು ಮನಸಾ ಕೇಳಬೇಕು( you must listen). ನಂತರ ನಿಜವಾದ ಸಮಸ್ಯೆಗೆ ಪರಿಹಾರ ನೀಡಬೇಕು.

30 ಡಿಸೆಂಬರ 2014 

ಜೀವ ವಿಮಾ ಖರೀದಿಗಳಲ್ಲಿ ಕಂಡು ಬರುವ ಸಾಮಾನ್ಯ ವಿರೋಧಗಳು ಯಾವುವು?

ಜೀವ ವಿಮಾ ಸರಕುಗಳ ಖರೀದಿಗಳಲ್ಲಿ ಕಂಡು ಬರುವ ವಿರೋಧಗಳು ಕೆಳಗಿನಂತಿವೆ.
• ವಿಮಾ ಪಾಲಿಸಿಗಳು ತನ್ನ ಬೇಡಿಕೆಗಳನ್ನು ಪೂರೈಸುವದಿಲ್ಲಾ ಎನ್ನುವ ಭಾವನೆ.
• ಬೇರೆ ಕಂಪನಿಗಳ ಸರಕುಗಳು ಇನ್ನೂ ಹೆಚ್ಚಿನ ಸೌಲಭ್ಯಗಳನ್ನು ಒದಗಿಸುತ್ತವೆ ಎನ್ನುವ ಭಾವನೆ.
• ಪಾಲಿಸಿ ಕೊಳ್ಳಲು ತನ್ನ ಬಳಿ ಹಣವಿಲ್ಲಾ, ಎನ್ನುವ ಭಾವನೆ.

   

29 ಡಿಸೆಂಬರ 2014 

ಗ್ರಾಹಕನ ವಿರೋಧಗಳ ರೀತಿ ಹೇಗಿರುತ್ತದೆ?
 ಜೀವ ವಿಮಾ ಸರಕುಗಳ ಖರೀದಿಗೆ ವಿರೋಧಿಸುವ ಕಾರಣಗಳು.
• ಗ್ರಾಹಕನು ಜೀವ ವಿಮೆಯನ್ನು ಅರ್ಥ ಮಾಡಿಕೊಂಡಿರುವದಿಲ್ಲಾ.
• ಸಾವಿನ ಸಮಯದ ಬಗ್ಗೆ ಚರ್ಚಿಸಲು ಗ್ರಾಹಕನ ಮನ ಒಪ್ಪುವದಿಲ್ಲಾ.
• ಸಾವಿನ ನಂತರ ಅವಲಂಬಿತರಿಗೆ ಉಂಟಾಗಬಹುದಾದ ಕಷ್ಟಗಳನ್ನು ಚರ್ಚಿಸ ಬಯಸುವದಿಲ್ಲಾ.

28 ಡಿಸೆಂಬರ 2014 

ಮನಃಪೂರ್ವಕವಾಗಿ  ಕೇಳುವ ರೀತಿ (Listening) ಹೇಗಿರುತ್ತದೆ?

• ಗ್ರಾಹಕನು ಹೇಳುವದನ್ನು ಗಮನವಿಟ್ಟು ಕೇಳುವದು. ಅವನು ಹೇಳುವದರಲ್ಲಿ ನಿಮಗೆ ಆಸಕ್ತಿ ಇದೆ ಎಂದು       
       ತೋರಿಸಿಕೊಳ್ಳುವದು.
• ಗ್ರಾಹಕನ ಉತ್ತರಗಳನ್ನು ಒಂದೆಡೆ ಬರೆದುಕೊಳ್ಳುವದು, ಅವನ ಹಾವಭಾವಗಳನ್ನು ಗಮನಿಸುವದು.
• ಗ್ರಾಹಕನ ಆರ್ಥಿಕ ಯೋಜನೆಯನ್ನು ಕಾರ್ಯಗತಗೊಳಿಸಲು ತನಗಿರುವ ಆಸಕ್ತಿಯನ್ನು ತೋರಿಸುವದು.

27 ಡಿಸೆಂಬg 2014 ಡಿಸೆಂಬರ 2014 

 ಪ್ರಶ್ನೆ ಕೇಳುವ ರೀತಿ ಹೇಗಿರುತ್ತದೆ?

• ಗ್ರಾಹಕನ ಉತ್ತರ ಏಜೆಂಟನ ಮುಂದಿನ ಪ್ರಶ್ನೆಯನ್ನು ರೂಪಿಸುತ್ತದೆ.
• ಪ್ರಶ್ನೆ ಸರಳವಾಗಿರಬೇಕು, ಆರ್ಥಪೂರ್ಣವಾಗಿರಬೇಕು, ಗೊಂದಲರಹಿತವಾಗಿರಬೇಕು. 
• ಪ್ರಶ್ನೆಗಳು ವ್ಯಕ್ತಿಗತವಾಗಿರಬೇಕು, ಜನಸಮೂಹಕ್ಕೆ ಅನ್ವಯವಾಗುವ ಸಾಮಾನ್ಯ ಪ್ರಶ್ನೆ ಕೇಳಲಾಗದು.

26 ಡಿಸೆಂಬರ 2014 

ಪ್ರಶ್ನೆ ಕೇಳುವ ಉದ್ಯೇಶಗಳೇನು?

• ಮಾಹಿತಿ ಕೋರಿಕೆ ಪ್ರಶ್ನೆ             : ಬೇಕಾದ ವಿವರ ಕಲೆ ಹಾಕಲು. 
• ಹೆಚ್ಚಿನ ಮಾಹಿತಿ ಕೋರಿಕೆ ಪ್ರಶ್ನೆ        : ಹೆಚ್ಚಿನ ವಿವರ ಕಲೆ ಹಾಕಲು. 
• ಮಾಹಿತಿ ಸ್ಪಷ್ಟೀಕರಣ ಪ್ರಶ್ನೆ           : ಉತ್ತರಗಳ ಮೇಲೆ ಸ್ಪಷ್ಟೀಕರಣ ಕೇಳಲು. 
• ಒಪ್ಪಿಗೆಗೆ ಖಾತ್ರಿ ಮಾಡಿಕೊಳ್ಳುವ ಪ್ರಶ್ನೆ    : ಒಪ್ಪಿಗೆಯ ಸಂದಿಘ್ನತೆಯನು ತೊಡೆದು ಹಾಕಲು.
• ಒಪ್ಪಿಗೆ ಕಾರ್ಯಗತಗೊಳಿಸಲು ಪ್ರಶ್ನೆ     : ಒಪ್ಪಿಗೆಯನ್ನು ಕಾರ್ಯಾಚರಣೆಯಲ್ಲಿ ತರಲು.

25 ಡಿಸೆಂಬರ 2014 

ಪ್ರಶ್ನೆ ಕೇಳುವ ಕೌಶಲ್ಯ (Questioning  Skills) ವೆಂದರೇನು?

ಪ್ರಶ್ನೆ ಕೇಳುವ ಕೌಶಲ್ಯವೆಂದರೆ,
• ವಿವಿಧ ರೀತಿಯಲ್ಲಿ ಪ್ರಶ್ನೆಗಳನ್ನು ಕೇಳುವ ಕಲೆ,
• ತೆರೆದು ಕೊಳ್ಳುವ ಪ್ರಶ್ನೆ (Open ended questions) ಕೇಳುವದು - ಅಂದರೆ ವಿವರಗಳನ್ನು ಕಲೆ ಹಾಕಲು ಕೇಳುವ 
          ಪ್ರಶ್ನೆ.
• ಮುಚ್ಚಿ ಕೊಳ್ಳುವ ಪ್ರಶ್ನೆ (Close ended questions) ಕೇಳುವದು– ಅಂದರೆ ಸಮ್ಮತಿಯನ್ನು ಪಡೆಯಲು ಕೇಳುವ 
       ಪ್ರಶ್ನೆ. 

24 ಡಿಸೆಂಬರ 2014 

 ಸಂಪರ್ಕ ಕೌಶಲ್ಯ (Communication Skills) ವೆಂದರೇನು?

ಸಂಪರ್ಕ ಕೌಶಲ್ಯವೆಂದರೆ,
• ಗ್ರಾಹಕನ ಸ್ಥಳೀಯ ಭಾಷೆ (local language) ಮೇಲೆ ಗಾಢವಾದ ಪ್ರೌಢಿಮೆ.
• ಸ್ನೇಹಪರ ವ್ಯವಹಾರ ಹಾಗೂ ಅಪ್ಪಟ ವಿಶ್ವಾಸ ಪ್ರದರ್ಶನ.
• ಗ್ರಾಹಕನ ಪ್ರಶ್ನೆಗೆ ಪ್ರಾಮಾಣಿಕ ಉತ್ತರ ನೀಡಿ, ಸಂಭಾಷಣೆಯನ್ನು ಮುಂದುವರೆಸುವದು.

23 ಡಿಸೆಂಬರ 2014 

ಗ್ರಾಹಕನ ನಿಜವಾದ ಬೇಡಿಕೆ (Real needs) ಗಳನ್ನು ಗುರುತಿಸುವಲ್ಲಿ ಏಜೆಂಟನ ಪಾತ್ರವೇನು?

• ಗ್ರಾಹಕನ ಜೀವನದ ವಾಸ್ತವಿಕ ಬೇಡಿಕೆ (Real needs) ಗಳನ್ನು ಪತ್ತೆ ಹಚ್ಚಿ ತಿಳಿಸುವದು.
• ಸಧ್ಯದ ಹಾಗೂ ಭವಿಷ್ಯದ ಬೇಡಿಕೆ (Present & Future  needs) ಗಳನ್ನು ಪ್ರತ್ಯೇಕವಾಗಿ ಬಿಡಿಸಿ ತಿಳಿಸುವದು.
• ಬೇಡಿಕೆಗಳನ್ನು ಆದ್ಯತಾ ಕ್ರಮ (prioritization of needs) ದಲ್ಲಿ ಹೊಂದಿಸಿ, ಎಲ್ಲಾ ಬೇಡಿಕೆಗಳ ಈಡೇರಿಕೆಗೆ ಬೇಕಾಗುವ ಹಣ (Quantification of needs) ವನ್ನು ಲೆಕ್ಕ ಮಾಡಿ ಹೇಳುವದು.
• ನಿಯಮಿತ ಕಾಲಾವಧಿಗಳ ನಂತರ, ಬೇಡಿಕೆಗಳನ್ನು ಪುನಃ ಪರಿಶೀಲಿಸಿ, ಮತ್ತೆ ಕೈಕೊಳ್ಳಬೇಕಾದ ಕ್ರಮಗಳ ಬಗ್ಗೆ ತಿಳಿಸಿ ಹೇಳುವದು. 

22 ಡಿಸೆಂಬರ 2014 

ಆರ್ಥಿಕ ಯೋಜನೆ (Financial Planning), ಗಳನ್ನು ಕೈಕೊಳ್ಳುವಾಗ ಜನರು ಹೇಗೆ ಎಡವುತ್ತಾರೆ?

   
1) ಮೋಜು ಮಸ್ತಿ ಚಟುವಟಿಕೆಗಳನ್ನು ಬಿಡಲಾಗದ್ದಕ್ಕೆ, ಬಹಳಷ್ಟು ಜನರು ನಿಯಮಿತವಾಗಿ ಉಳಿತಾಯ ಮಾಡಲು ಹಿಂದೆ ಮುಂದೆ ನೋಡುತ್ತಾರೆ.
2) ಈವತ್ತಿನ/ಭವಿಷ್ಯದ ವಾಸ್ತವಿಕ ಅವಶ್ಯಕತೆ (Real needs) ಗಳನ್ನು ತಿಳಿದುಕೊಳ್ಳದೇ, ಇಂದು ಬೇಕೆನಿಸಿದ ಅವಶ್ಯಕತೆ (perceived needs)ಗಳಿಗೆ ಅನವಶ್ಯಕ ವೆಚ್ಚ ಮಾಡುತ್ತಾರೆ. (ಉದಾ : ಗಳಿಸುವವನ ಜೀವದ ಮೇಲೆ ಪಾಲಿಸಿ ಖರೀದಿಸದೆ, ಮಗನ ಜೀವದ ಮೇಲೆ ಪಾಲಿಸಿ ಖರೀದಿಸುವದು.)

21 ಡಿಸೆಂಬರ 2014 

ಜೀವನದ ವಿವಿಧ ಹಂತಗಳ ಅವಶ್ಯಕತೆಗಳನ್ನು ಈಡೇರಿಸಲು ಏನು ಮಾಡ ಬೇಕಾಗುತ್ತದೆ?

         1) ಆರಾಮದ ಸಮಯ (Leisure Time), ವನ್ನು ತ್ಯಾಗ ಮಾಡಬೇಕಾಗುತ್ತದೆ.
         2) ನಿಯಮಿತವಾಗಿ ಉಳಿತಾಯ (Regular Savings),  ಮಾಡ ಬೇಕಗುತ್ತದೆ. 
         3) ಉಳಿತಾಯದ ಹಣವನ್ನು ಸಮರ್ಥವಾಗಿ ಹೂಡಿಕೆ (Efficient Investment)     
          ಮಾಡಬೇಕಾಗುತ್ತದೆ.

20 ಡಿಸೆಂಬರ 2014 

 ವಾಸ್ತವಿಕ ಅವಶ್ಯಕತೆಗಳು (Real needs), ಹಾಗೂ ಬೇಕೆನಿಸಿದ ಅವಶ್ಯಕತೆಗಳು (Perceived  needs),   ಎಂದರೇನು?

ವಾಸ್ತವಿಕ ಅವಶ್ಯಕತೆ (Real needs) ಗಳೆಂದರೆ ತಳ್ಳಿಹಾಕಲಾರದ ಅವಶ್ಯಕತೆಗಳು. 
ಉದಾ : ಹಸಿವೆಗೆ ಅನ್ನ, ಬಾಯಾರಿಕೆಗೆ ನಿರು, ಸುರಕ್ಷತೆಗೆ ಗುಡಿಸಲು ಮನೆ,ಇತ್ಯಾದಿ. ಅವುಗಳನ್ನು ಈಡೇರಿಸದೇ ಹೋದರೆ ಸಂಕಷ್ಟಗಳಿಗೆ ಈಡಾಗುತ್ತಾರೆ.

ಬೇಕೆನಿಸಿದ ಅವಶ್ಯಕತೆಗಳೆಂದರೆ ತಳ್ಳಿಹಾಕಬಹುದಾದ/ ಉಪೇಕ್ಷಿಸಬಹುದಾದ ಅವಶ್ಯಕತೆಗಳು.
ಉದಾ : ಹಸಿವೆಗೆ ಹೋಳಿಗೆ, ಬಾಯಾರಿಕೆಗೆ ಬಾದಾಮಿ ಹಾಲು, ಸುರಕ್ಷತೆಗೆ ತಾರಸಿ ಮನೆ,ಇತ್ಯಾದಿ. ಅವುಗಳನ್ನು ಈಡೇರಿಸದೇ ಹೋದರೆ ಸಂಕಷ್ಟಗಳೇನು ಉಂಟಾಗುವದಿಲ್ಲಾ.  ಇಲ್ಲಿ ಹೋಳಿಗೆಗೆ ಬದಲಾಗಿ ಅನ್ನ, ಬಾದಾಮಿ ಹಾಲಿಗೆ ಬದಲಾಗಿ ನೀರು, ತಾರಸಿ ಮನೆಗೆ ಬದಲಾಗಿ ಗುಡಿಸಲು ನೀಡಿದರೆ ನಡೆಯುವದು.

19 ಡಿಸೆಂಬರ 2014 

ಆಸ್ತಿ ಹಾಗೂ ಹೊರೆ (Asset & Liability) ಗಳೆಂದರೆ ಏನು?

• ಆಸ್ತಿಯಲ್ಲಿ ಎಲ್ಲಾ ಹಕ್ಕುಗಳು ಸ್ವಂತದ್ದಾಗಿರುತ್ತವೆ, ಹೊರೆಯಲ್ಲಿ ಎಲ್ಲಾ ಹಕ್ಕುಗಳು ಪರರದ್ದಾಗಿರುತ್ತದೆ.
• ಎಲ್ಲಾ ಆಸ್ತಿಗಳ ಮೌಲ್ಯ ಎಲ್ಲಾ ಹೊರೆಗಳ ಮೌಲ್ಯಕ್ಕಿಂತ ಹೆಚ್ಚಾಗಿದ್ದರೆ ಹೂಡಿಕೆಗೆ ಹಣ ಹೊಂದಿಸಬಹುದು.   
• ಎಲ್ಲಾ ಆಸ್ತಿಗಳ  ಮೌಲ್ಯ ಎಲ್ಲಾ ಹೊರೆಗಳ ಮೌಲ್ಯಕ್ಕಿಂತ ಕಡಿಮೆಯಾಗಿದ್ದರೆ ಸಾಲ ತೀರಿಕೆಗೆ ಹಣ ಹೊಂದಿಸ ಬೇಕಾಗುತ್ತದೆ.
ಆದಾಯ ಗಳಿಸದ, ಕ್ಷೀಣ ಆದಾಯದ, ಸಮಯಾನುಸಾರ ಬೆಲೆಕಳೆದುಕೊಳ್ಳುವ ಆಸ್ತಿಗಳನ್ನು ಮಾರುವದು ಒಳ್ಳೆಯದು.
ಸಾಲ ಹೊಂದಿದ ಆಸ್ತಿಗಳ ಬೆಲೆಗೆ ಸಮನಾದ ಮೊತ್ತದ ಮೇಲೆ ವಿಮೆಯನ್ನು ತಪ್ಪದೇ ಮಾಡಿಸಬೇಕು. ಆಗ ಸಾವಿನ ಜೊತೆಗೆ ಸಾಲವೂ ಸಾಯುತ್ತದೆ.

18ಡಿಸೆಂಬರ 2014 

 ಆಸ್ತಿ ಸಂಪಾದನೆ (Asset Creation) ಗಳ ವಿಧಾನ ಹೇಗೆ?

 ಕೆಳಗಿನ ವಿಧಾನಗಳ ಮೂಲಕ ಆಸ್ತಿ ಸಂಪಾದನೆಯಾಗುತ್ತದೆ.
• ಉಳಿತಾಯದ ಮೂಲಕ.         – ಉಳಿಸು
• ವ್ಯಾಪಾರ ಚಟುವಟಕೆಗಳ ಮೂಲಕ. - ಬೆಳೆಯಿಸು.
• ಆನುವಂಶಿಕತೆಯ ಆಧಾರದ ಮೂಲಕ.- ಬಳುವಳಿಯಾಗಿ ಪಡೆ.

17 ಡಿಸೆಂಬರ 2014 

 ಉಳಿತಾಯದಲ್ಲಿ ಜೀವನದ  ಯಾವ ವಿವಿಧ ಅವಸ್ಥೆಗಳು ಪರಿಣಾಮ ಬೀರುತ್ತವೆ?

   
1) ವಯಸ್ಸು (age):
• ಚಿಕ್ಕ ವಯಸ್ಸಿನಲ್ಲಿ ಸಾಮಾನ್ಯವಾಗಿ ಪರಿವಾರದ ಹೊಣೆ ಇರುವದಿಲ್ಲಾ.
• ದೊಡ್ಡವನಾದಂತೆ ಗಳಿಕೆ ಹಾಗೂ ಪರಿವಾರದ ಹೊಣೆ, ಎರಡೂ ಹೆಚ್ಚುತ್ತ ಹೋಗುವವು,
• ಮಧ್ಯಮ ವಯಸ್ಸು ದಾಟಿದ ಮೇಲೆ, ಆರೋಗ್ಯದ ಮೇಲೆ ಒತ್ತಡ ಹೆಚ್ಚಾಗುತ್ತದೆ,
• ನಿವೃತ್ತಿಯ ನಂತರ ದುಡಿಮೆಯ ಗಳಿಕೆ ನಿಮತು ಹೋಗುತ್ತದೆ. 

2) ವೈವಾಹಿಕ ಸ್ಥಿತಿ (Marriage Status)  :
• ಪರಿವಾರದ ಹೊಣೆ  ದಂಪತಿಗಳಿಬ್ಬರ ಒಟ್ಟು ಗಳಿಕೆಯ ಮೇಲೆ ನಿರ್ಧಾರವಾಗುತ್ತದೆ.
• ಪರಿವಾರದ ಉಳಿತಾಯ ಸಾಮಥ್ರ್ಯ  ದಂಪತಿಗಳಿಬ್ಬರ ಒಟ್ಟು ಗಳಿಕೆಯ ಮೇಲೆ ನಿರ್ಧಾರವಾಗುತ್ತದೆ.
• ಜೀವನ ಸಂಗಾತಿ/ಮಕ್ಕಳು/ಅವಲಂಬಿತರ ಭವಿಷ್ಯ ಪ್ರಥಮ ಆದ್ಯತೆ ಪಡೆಯುತ್ತದೆ. 
• ಸ್ವಂತ ಮನೆ/ಕಾರು/ಕೌಟುಂಬಿಕ ಪ್ರವಾಸ/ನಿವೃತ್ತಿಜೀವನ ನಿರ್ವಹಣೆಯ ಚಿಂತೆಗಳಿಗೆ  ನಂತರದ ಆದ್ಯತೆ.

3) ಉದ್ಯೋಗ (employment) ರೀತಿ. 
• ಸರಕಾರೀ/ಸಾರ್ವಜನಿಕ ಕ್ಷೇತ್ರ (Government/public sector) ದ ನೌಕರಿ.
ಜೀವನದ ಆರ್ಥಿಕ ನಿರ್ವಹಣೆಯ ಬಹುದೊಡ್ಡ ಜವಾಬ್ದಾರಿಯನ್ನು, ನೌಕರಿಯ ಮಾಲಿಕನೇ ಮಾಡಿರುತ್ತಾನೆ. ಅವಧಿ ವಿಮೆ/ಆರ್ಥಿಕವಿಮೆ/ವರ್ಷಾಶನಗಳಿಗೆ ಅವರು ನೀಡಿದ ಸೌಲಭ್ಯಗಳಗಿಂತ ಇನ್ನೂ ಹೆಚ್ಚಿನ ಸೌಲಭ್ಯಗಳು ಬೇಕೆನಿಸಿದರೆ, ಅವಶ್ಯಕ ಉಳಿತಾಯಗಳನ್ನು ಮಾಡಬೇಕು. ಮಕ್ಕಳ ಶಿಕ್ಷಣ, ಮದುವೆ, ಮನೆ, ಕಾರು, ಇತ್ಯಾದಿಗಳಗಾಗಿ ಎಲ್ಲರಂತೆ ಉಳಿತಾಯ ಮಾಡಬೇಕು.
• ಖಾಸಗೀ ಕ್ಷೇತ್ರದ (private  sector)  ನೌಕರಿ.
ತುರ್ತು ನಿಧಿ, ವಿಮೆಯ ಜರೂರತೆ, ಮಕ್ಕಳ ಶಿಕ್ಷಣ, ಮದುವೆ, ಮನೆ, ಕಾರು, ನಿವೃತ್ತಿ ಜೀವನಕ್ಕಾಗಿ ಎಲ್ಲಾ ವ್ಯವಸ್ಥೆಗಳನ್ನು ತನ್ನ  ಸ್ವಂತದ ಉಳಿತಾಯಗಳಿಂದಲೇ ಪೂರೈಸಿಕೊಳ್ಳ ಬೇಕು.
• ಚಿಕ್ಕ ಕಾಲಾವಧಿ (small period) ಯ ನೌಕರಿ.
ತುರ್ತು ನಿಧಿ, ವಿಮೆಯ ಜರೂರತೆ, ಮಕ್ಕಳ ಶಿಕ್ಷಣ, ಮದುವೆ, ಮನೆ, ಕಾರು, ನಿವೃತ್ತಿ ಜೀವನಕ್ಕಾಗಿ ಎಲ್ಲಾ ವ್ಯವಸ್ಥೆಗಳನ್ನು, ಚಿಕ್ಕ ಕಾಲದ ಉಳಿತಾಯಗಳಿಂದಲೇ ಪೂರೈಸಿಕೊಳ್ಳಬೇಕು. ಒಂಟಿ ಕಂತಿನ/ನಿಯಮಿತ ಕಂತಿನ ವಿಮೆ ಹಾಗೂ ವರ್ಷಾಶನಗಳಿಗೆ ಮೊರೆ ಹೋಗಬೇಕಾಗುವದು.
• ಸ್ವಂತ ದುಡಿಮೆ (Self  employed). 
ದುಡಿಮೆಯಲ್ಲಿ ಏರು ಪೇರುಗಳಾಗುವದರಿಂದ, ತುರ್ತು ನಿಧಿ, ವಿಮೆಯ ಜರೂರತೆ, ಮಕ್ಕಳ ಶಿಕ್ಷಣ, ಮದುವೆ, ಮನೆ, ಕಾರು, ನಿವೃತ್ತಿ ಜೀವನಕ್ಕಾಗಿ ಎಲ್ಲಾ ವ್ಯವಸ್ಥೆಗಳನ್ನು ಒಂಟಿ ಕಂತಿನ ವಿಮೆ ಹಾಗೂ ವರ್ಷಾಶನಗಳಿಗೆ ಮೊರೆ ಹೋಗಬೇಕಾಗುವದು. 
• ನಿರುದ್ಯೋಗ (Un employed).  
ತುರ್ತುನಿಧಿಯಿಂದ ಜೀವನ ನಿರ್ವಹಿಸಬೇಕಾಗುವದು. ಪಾಲಿಸಿಗಳಮೇಲೆ ಸಾಲ ತೆಗೆದುಕೊಳ್ಳ ಬಹುದು. ವಿಮಾ ಕಂತುಗಳನ್ನು ನೀಡಲಾಗದಿದ್ದರೆ, ನಿಂತು ಹೋದ ಪಾಲಿಸಿಗಳನ್ನು ರಿವೈವಲ್ ಮಾಡಬಹುದು. ಅವಧಿ/ಆರೋಗ್ಯವಿಮೆ ಪಾಲಸಿಗಳನ್ನು ಲ್ಯಾಪ್ಸ್ ಆಗದಂತೆ ನೋಡಿಕೊಳ್ಳ ಬೇಕು.
4) ಆರೋಗ್ಯ ಸ್ಥಿತಿ (Health issues).
• ವಯಸ್ಸು ಹೆಚ್ಚಾದಂತೆ ಆರೋಗ್ಯದ ಅಪಾಯ ದೊಡ್ಡದಾಗುತ್ತ ಹೋಗುತ್ತದೆ.
• ವಯಸ್ಸು ಹೆಚ್ಚಾದಂತೆ ಆರೋಗ್ಯ ವಿಮೆ ಖರೀದಿಸುವದು ಕಷ್ಟಕಕರವಾಗುತ್ತದೆ..
• ವೃತ್ತಿಯ ರೀತಿ, ಒತ್ತಡ, ಇನ್ನಿತರ ಕಾರಣಗಳೂ ಆರೋಗ್ಯದ ಮೇಲೆ ಪ್ರಭಾವ ಬೀರುತ್ತವೆ.

5) ಆದಾಯ ಹಾಗೂ ವೆಚ್ಚ (Income & Expenditure).
• ಆದಾಯ ಹಾಗೂ ವೆಚ್ಚಗಳು ಉಳಿಕೆ ಹಣವನ್ನು ನಿರ್ಧರಿಸುತ್ತದೆ.
• ಆದಾಯ ಹೆಚ್ಚಳಕ್ಕೆ ವೃತ್ತಿ ಕೌಶಲ್ಯಗಳನ್ನು ಹೆಚ್ಚಿಸಿ ಕೊಳ್ಳಬೇಕು.
• ವೆಚ್ಚ ವ್ಯಕ್ತಿಯ ಜೀವನ ಶೈಲಿಯ ಮೇಲೆ ಅವಲಂಬಿತವಾಗಿದೆ.
• ವೆಚ್ಚಗಳ ಆದ್ಯತೆಯು ವ್ಯಕ್ತಿಯ ಮಾನಸಿಕತೆಯ ಮೇಲೆ ನಿರ್ಧಾರವಾÀಗುತ್ತದೆ.
• ಭವಿಷ್ಯದಲ್ಲಿ ಆದಾಯ ಹೆಚ್ಚಿಸಿಕೊಳ್ಳಲು ಮಾಡುವ ವೆಚ್ಚಕ್ಕೆ ಹೂಡಿಕೆಯೆಂದೇ ಕರೆಯಬೇಕು.

6) ಸಾಲ ಹಾಗೂ ಸೊತ್ತುಗಳು (Assets & Liabilities).
• ಸಾಲ ಬಡ್ಡಿಯ ವೆಚ್ಚಕ್ಕೆ ಕಾರಣವಾದರೆ, ಸಾಲದಿಂದ ಗಳಿಸಿದ ಆಸ್ತಿ ಆದಾಯತರುತ್ತದೆ.
• ಆದಾಯ ಗಳಿಸುವ ಸಾಲಗಳು ತೊಂದರೆ ನೀಡುವದಿಲ್ಲ..
• ಆದಾಯ ಗಳಿಸದ ಆಸ್ತಿ ನಿರುಪಯೋಗಿ. 
• ಆಸ್ತಿ/ಸಾಲಗಳ ಗುಣಮಟ್ಟವನ್ನು ಕಾಲಾನುಕಾಲಕ್ಕೆ ಪರಿಶೀಲಿಸುವದು ಅತ್ಯವಶ್ಯಕ.
• ಸಾಲದ ಆಸ್ತಿಯ ಮೇಲೆ, ಸಾಲದ ಹಣದ ಮೊತ್ತಕ್ಕೆ ವಿಮೆ ಅತ್ಯವಶ್ಯವಾಗಿದೆ.

7) ವಿವಾಹ ವಿಚ್ಛೇದನ (divorce). /ಜೀವನ ಸಂಗಾತಿಯಿಂದ ಪ್ರತ್ಯೇಕವಾಗಿ ವಾಸಿಸುವದು(seperation). /ಜೀವನ ಸಂಗಾತಿಯ ಮರಣ (death of spouse).
• ಪರಿವಾರದ ಆರ್ಥಿಕ ಧ್ಯೇಯಗಳು ಬದಲಾಗುವವು. 
• ಪ್ರಸಕ್ತ ಹೂಡಿಕೆಗಳನ್ನು ಮರುಪರಿಶೀಲಿಸಬೇಕಾಗುತ್ತದೆ.
• ಅವಲಂಬಿತ ಮಕ್ಕಳ ಸಂರಕ್ಷಣೆಗೆ ಹೆಚ್ಚಿನ ವೆಚ್ಚ ತಗಲಬಹುದು.
• ಆದಾಯ ವೃದ್ಧಿ ಕಠಿಣವಾಗುವದು.
• ಹೂಡಿಕೆಯ ಸಾಮಥ್ರ್ಯ ಕುಗ್ಗುವದು.
• ಸಂಗಾತಿಯ ಮರಣದಿಂದ, ಸಂಗಾತಿಯ ಆಸ್ತಿಗೆ ಒಡೆತನ ದೊರಕುವದರಿಂದ, ಆಸ್ತಿ ನಿರ್ವಹಣೆಯ ಹೊಣೆ ಹೊತ್ತುಕೊಳ್ಳಬೇಕಾಗುತ್ತದೆ.

16 ಡಿಸೆಂಬರ 2014 

 ನಿವೃತ್ತಿ ನಂತರದ ಜೀವನಘಟ್ಟ (post  retirement) ದಲ್ಲಿರುವ ವ್ಯಕ್ತಿಯ ಅವಶ್ಯಕತೆಗಳನ್ನು ಗುರುತಿಸುವಾಗ ಯಾವ ಸಂಗತಿಗಳನ್ನು ಗಣನೆಗೆ ತೆಗೆದುಕೊಳ್ಳಬೇಕು?

ನಿವೃತ್ತಿ ನಂತರದ ಜೀವನಘಟ್ಟದಲ್ಲಿರುವ ವ್ಯಕ್ತಿಯ ಅವಶ್ಯಕತೆಗಳನ್ನು ಗುರುತಿಸುವಾಗ ಕೆಳಗಿನ ಸಂಗತಿಗಳನ್ನು ಗಣನೆಗೆ ತೆಗೆದುಕೊಳ್ಳಬೇಕು.
• ಹಣ ಹೂಡಿಕೆಗೆ, ಖಚಿತವಾದ ಆದಾಯಕ್ಕೆ, ಹೂಡಿಕೆಯ ಭದ್ರತೆಗೆ ಮೊದಲ ಆದ್ಯತೆ ನೀಡಬೇಕು.
       (ಕೂಡಲೇ ಪ್ರಾರಂಭವಾಗುವ ವರ್ಷಾಶನದಲ್ಲಿ ಹಣ ತೊಡಗಿಸ ಬೇಕು.)
• ಆಶ್ರಿತರ ಯೋಗ ಕ್ಷೇಮಕ್ಕಾಗಿ ತನ್ನ ಜೀವದ ಮೇಲೆ ಮೊದಲು ಸಾಕಷ್ಟು ಅಪಘಾತ ವಿಮೆ/ ಆರೋಗ್ಯ ವಿಮೆ 
       ಪಡೆಯಬೇಕು. (ಫ್ಯಾಮಿಲಿ ಫ್ಲೋಟರ್ ಪಾಲಿಸಿ ಪಡೆಯಬೇಕು)
• ತದ ನಂತರ ಕಾರು/ಮನೆ ಮುಂತಾದ ಆಸ್ತಿಗಳ ರಕ್ಷಣೆಗೆ ಆದ್ಯತೆ ನೀಡಬೇಕು. 
      (ಕಾರು/ಮನೆ ವಿಮೆಯ ಪಾಲಸಿ ಪಡೆಯಬೇಕು) 
• ಹಣದುಬ್ಬರದ ಪರಿಣಾಮ ಎದುರಿಸಲು ಉಳಿತಾಯ ಮುಂದುವರೆಸಬೇಕು. 
      (ಪೋಸ್ಟ ಆಫೀಸ ಯುಳಿತಾಯಗಳಲ್ಲಿ ಬ್ಯಾಂಕ್, ಮ್ಯೂಚುವಲ್ ಫಂಡಿನ ಸಾಲ ನಿಧಿಗಳಲ್ಲಿ ಉಳಿಸ ಬೇಕು.)

15 ಡಿಸೆಂಬರ 2014 

ನಿವೃತ್ತಿ ಪೂರ್ವ ಜೀವನಘಟ್ಟ (pre retirement) ದಲ್ಲಿರುವ ವ್ಯಕ್ತಿಯ ಅವಶ್ಯಕತೆಗಳನ್ನು ಗುರುತಿಸುವಾಗ ಯಾವ ಸಂಗತಿಗಳನ್ನು ಗಣನೆಗೆ ತೆಗೆದುಕೊಳ್ಳಬೇಕು?

 ನಿವೃತ್ತಿ ಪೂರ್ವ ಜೀವನಘಟ್ಟದಲ್ಲಿರುವ ವ್ಯಕ್ತಿಯ ಅವಶ್ಯಕತೆಗಳನ್ನು ಗುರುತಿಸುವಾಗ ಕೆಳಗಿನ ಸಂಗತಿಗಳನ್ನು ಗಣನೆಗೆ  ತೆಗೆದುಕೊಳ್ಳಬೇಕು. 
• ಆಶ್ರಿತರ ಯೋಗ ಕ್ಷೇಮಕ್ಕಾಗಿ ತನ್ನ ಜೀವದ ಮೇಲೆ ಮೊದಲು ಸಾಕಷ್ಟು ವಿಮೆ/ಅಪಘಾತ ವಿಮೆ/ ಆರೋಗ್ಯ ವಿಮೆ          
       ಪಡೆಯಬೇಕು.    (ಫ್ಯಾಮಿಲಿ ಫ್ಲೋಟರ್ ಪಾಲಿಸಿ ನೀಡಬೇಕು)
• ತದ ನಂತರ ಕಾರು/ಮನೆ ಮುಂತಾದ ಆಸ್ತಿಗಳ ನಿರ್ಮಾಣಕ್ಕೆ / ರಕ್ಷಣೆಗೆ ಆದ್ಯತೆ ನೀಡಬೇಕು.. (ಕಾರು/ಮನೆಗಳ   
          ವಿಮೆಯನ್ನು ಮಾಡಿಸ ಬೇಕು)
• ನಿವೃತ್ತಿ ಜೀವನದ ಉಳಿತಾಯದ ಬಗ್ಗೆ ವಿಶೇಷ ಧ್ಯಾನ ನೀಡಬೇಕು.
    (ಪೋಸ್ಟ ಆಫೀಸ ಯುಳಿತಾಯಗಳಲ್ಲಿ ಬ್ಯಾಂಕ್,/ ನಿರಂತರ ಆರ್.ಡಿ./ ಮ್ಯೂಚುವಲ್ ಫಂಡ/ಬಂಗಾರ/ನಿವೇಶನಗಳಲ್ಲಿ,   
     ಉಳಿತಾಯ ಮಾಡಬೇಕು.)   

14 ಡಿಸೆಂಬರ 2014 

 ದೊಡ್ಡ ಮಕ್ಕಳನ್ನು ಪಡೆದ ವಿವಾಹಿತ (married with grown up children) ನ ಅವಶ್ಯಕತೆಗಳನ್ನು ಗುರುತಿಸುವಾಗ ಯಾವ ಸಂಗತಿಗಳನ್ನು ಗಣನೆಗೆ ತೆಗೆದುಕೊಳ್ಳಬೇಕು?

ದೊಡ್ಡ ಮಕ್ಕಳನ್ನು ಪಡೆದ ವಿವಾಹಿತನ ಅವಶ್ಯಕತೆಗಳನ್ನು ಗುರುತಿಸುವಾಗ ಕೆಳಗಿನ ಸಂಗತಿಗಳನ್ನು ಗಣನೆಗೆ ತೆಗೆದುಕೊಳ್ಳಬೇಕು. 
• ಆಶ್ರಿತರ ಯೋಗ ಕ್ಷೇಮಕ್ಕಾಗಿ ತನ್ನ ಜೀವದ ಮೇಲೆ ಮೊದಲು ಸಾಕಷ್ಟು ವಿಮೆ / ಆರೋಗ್ಯ ವಿಮೆ ಪಡೆಯಬೇಕು.            
        (ಫ್ಯಾಮಿಲಿ ಫ್ಲೋಟರ್ ಪಾಲಿಸಿ ಪಡೆಯಬೇಕು)
• ಮಕ್ಕಳ ಉನ್ನತ ಶಿಕ್ಷಣಕ್ಕೆ ಉಳಿತಾಯ ಕೈಕೊಳ್ಳಬೇಕು.
        (ಚಿಕ್ಕ ಕಾಲಾವಧಿ ಉಳಿತಾಯಗಳಲ್ಲಿ ಉಳಿತಾಯ ಮಾಡಬೇಕು)
• ತದ ನಂತರ ಕಾರು/ಮನೆ ಮುಂತಾದ ಆಸ್ತಿಗಳ ನಿರ್ಮಾಣಕ್ಕೆ / ರಕ್ಷಣೆಗೆ ಆದ್ಯತೆ ನೀಡಬೇಕು. 
          (ಕಾರು/ಮನೆಗಳ ವಿಮೆಯನ್ನು ಮಾಡಿಸ ಬೇಕು)

ಹೂಡಿಕೆಯ ಅಪಾಯ ಸಹಿಸುವ ಶಕ್ತಿ(Ability to take risk and withstand investment losses) ಇಲ್ಲದಿದ್ದರೆ :
  (ಎಂಡೋಮೆಂಟ್/ಮನೀಬ್ಯಾಕ್ ಪಾಲಸಿಗಳಲ್ಲಿ,/ ನಿರಂತರ ಆರ್.ಡಿ./ ಮ್ಯೂಚುವಲ್ ಫಂಡ/ಬಂಗಾರ/ನಿವೇಶನಗಳಲ್ಲಿ,ಉಳಿತಾಯ ಮಾಡಬೇಕು.)   

ಹೂಡಿಕೆಯ ಅಪಾಯ ಸಹಿಸುವ ಶಕ್ತಿ(Ability to take risk and withstand investment losses) ಇದ್ದರೆ :
 (ಯುಲಿಪ್ ಎಂಡೋಮೆಂಟ್ ಪಾಲಸಿ/ ಮ್ಯೂಚುವಲ್ ಫಂಡಿನ ಶೇರು ನಿಧಿಗಳಲ್ಲಿ ಯುಳಿತಾಯ ಮಾಡಬೇಕು.                
• ನಿವೃತ್ತಿ ಜೀವನದ ಬಗ್ಗೆ ವಿಶೇಷ ಧ್ಯಾನ ನೀಡಬೇಕು.
(ಮುಂದೂಡಿದ ವರ್ಷಾಶನ ಪಾಲಿಸಿ/ಪಿ,ಎಫ್,/ನಿವೃತ್ತಿ ನಿಧಿಯಲ್ಲಿ ಉಳಿಸ ಬೇಕು.)

13 ಡಿಸೆಂಬರ 2014 

 ಚಿಕ್ಕ ಮಕ್ಕಳನ್ನು ಪಡೆದ ವಿವಾಹಿತ (Young  married with small children) ನ ಅವಶ್ಯಕತೆಗಳನ್ನು ಗುರುತಿಸುವಾಗ ಯಾವ ಸಂಗತಿಗಳನ್ನು ಗಣನೆಗೆ ತೆಗೆದುಕೊಳ್ಳಬೇಕು?

 ಚಿಕ್ಕ ಮಕ್ಕಳನ್ನು ಪಡೆದ ವಿವಾಹಿತನ ಅವಶ್ಯಕತೆಗಳನ್ನು ಗುರುತಿಸುವಾಗ ಕೆಳಗಿನ ಸಂಗತಿಗಳನ್ನು ಗಣನೆಗೆ          
  ತೆಗೆದುಕೊಳ್ಳಬೇಕು
• ಆಶ್ರಿತರ ಯೋಗ ಕ್ಷೇಮಕ್ಕಾಗಿ ಆದ್ಯತೆ ನೀಡಬೇಕು. 
     (ಸಾಕಷ್ಟು ಅವಧಿ /ಅಪಘಾತ/ಆರೋಗ್ಯ ವಿಮೆ ಪಡೆಯಬೇಕು.)

• ವಿದ್ಯಾಭ್ಯಾಸಕ್ಕೆ, ಮದುವೆಗೆ, ಹೊಸ ಜೀವನದಲ್ಲಿ ನೆಲೆಯೂರಲು, ಮಕ್ಕಳಿಗೆ ಸರಿಯಾದ ಸಮಯದಲ್ಲಿ ಹಣ ಸಿಗುವoತೆ           ಉಳಿತಾಯ ಮಾಡಬೇಕು.
       (ಇದಕ್ಕಾಗಿ ಮ್ಯಾರೇಜ್/ಎಜ್ಯುಕೇಶನಲ್ ಎನ್ಯೂಟಿ ಪಾಲಸಿ ಪಡೆಯಬೇಕು)
• ಪೋಷಕನು ಅಕಸ್ಮಾತ್ ನಿಧನನಾದರೆ, ವಿದ್ಯಾಭ್ಯಾಸಕ್ಕೆ, ಮದುವೆಗೆ, ಮಕ್ಕಳ ಸಲುವಾಗಿ ಪ್ರಾರಂಭಿಸಿದ ಉಳಿತಾಯ    
         ಮುಂದುವರೆಯುವ ವ್ಯವಸ್ಥೆ ಕೈಕೊಳ್ಳಬೇಕು.  
       (ಇದಕ್ಕಾಗಿ ಕಂತು ವಿನಾಯತಿ ಹೆಚ್ಚುವರಿ ಸೌಲಭ್ಯ ಪಡೆಯಬೇಕು.)
• ತದ ನಂತರ ನಿವೇಶನ/ಮನೆ/ಕಾರು ಸೌಲಭ್ಯಗಳಿಗಾಗಿ ಉಳಿಸಲು ಪ್ರಯತ್ನಿಸಬೇಕು. 

ಹೂಡಿಕೆಯ ಅಪಾಯ ಸಹಿಸುವ ಶಕ್ತಿ/ಧೈರ್ಯ (Ability to take risk and withstand investment losses) ಇಲ್ಲದಿದ್ದರೆ :
(ಎಂಡೋಮೆಂಟ್/ಮನೀಬ್ಯಾಕ್ ಪಾಲಸಿಗಳಲ್ಲಿ,/ ನಿರಂತರ ಆರ್.ಡಿ./ ಮ್ಯೂಚುವಲ್ ಫಂಡ/ಬಂಗಾರ/ನಿವೇಶನಗಳಲ್ಲಿ,  ಉಳಿತಾಯ ಮಾಡಬೇಕು.)   
   
ಹೂಡಿಕೆಯ ಅಪಾಯ ಸಹಿಸುವ ಶಕ್ತಿ/ಧೈರ್ಯ(Ability to take risk and withstand investment losses) ಇದ್ದರೆ : 
ಯುಲಿಪ್ ಎಂಡೋಮೆಂಟ್ ಪಾಲಸಿ/ ಮ್ಯೂಚುವಲ್ ಫಂಡಿನ ಶೇರು ನಿಧಿಗಳಲ್ಲಿ ಯುಳಿತಾಯ ಮಾಡಬೇಕು.

• ಸ್ವಲ್ಪ ಹಣವನ್ನು ಮುಂದೂಡಿದ ವರ್ಷಾಶನ ಪಾಲಸಿಯಲ್ಲಿ ತೊಡಗಿಸಬೇಕು.
         (ಮುಂದೂಡಿದ ವರ್ಷಾಶನ ಪಾಲಿಸಿ/ಪಿ,ಎಫ್,/ನಿವೃತ್ತಿ ನಿಧಿಯಲ್ಲಿ ಉಳಿಸ ಬೇಕು.)

12 ಡಿಸೆಂಬರ 2014 

ವಿವಾಹಿತ ತರುಣ (Young  married) ನ ಅವಶ್ಯಕತೆಗಳನ್ನು ಗುರುತಿಸುವಾಗ ಯಾವ ಸಂಗತಿಗಳನ್ನು ಗಣನೆಗೆ ತೆಗೆದುಕೊಳ್ಳಬೇಕು?

ವಿವಾಹಿತ ತರುಣನ ಅವಶ್ಯಕತೆಗಳನ್ನು ಗುರುತಿಸುವಾಗ ಕೆಳಗಿನ ಸಂಗತಿಗಳನ್ನು ಗಣನೆಗೆ ತೆಗೆದುಕೊಳ್ಳಬೇಕು. 

ಜೀವನ ಸಂಗಾತಿಯೂ ಗಳಿಸುತ್ತಿದ್ದರೆ,
• ಯಾರೊಬ್ಬರೂ  ನಿಧನನಾದರೂ  ಆರ್ಥಿಕ  ಆಘಾತಕ್ಕೆ ಒಳಗಾಗುತ್ತಾರೆ. 
    (ಸಂಯುಕ್ತ ಜೀವ ಪಾಲಸಿಯನ್ನು ಪಡೆಯಬೇಕು. ಇಬ್ಬರಿಗೂ ಅಪಘಾತ/ಆರೋಗ್ಯ ವಿಮ್ಯೆ ಅತ್ಯವಶ್ಯವಾಗಿದೆ.).
• ತದ ನಂತರ ಮನೆ/ಕಾರು ಸೌಲಭುಗಳಿಗಾಗಿ ಉಳಿಸಲು ಪ್ರಯತ್ನಿಸಬೇಕು.

ಹೂಡಿಕೆಯ ಅಪಾಯ ಸಹಿಸುವ ಶಕ್ತಿ/ಧೈರ್ಯ (Ability to take risk and withstand investment losses) ಇಲ್ಲದಿದ್ದರೆ :

(ಎಂಡೋಮೆಂಟ್/ಮನೀಬ್ಯಾಕ್ ಪಾಲಸಿಗಳಲ್ಲಿ,/ ನಿರಂತರ ಆರ್.ಡಿ./ ಮ್ಯೂಚುವಲ್ ಫಂಡ/ಬಂಗಾರ/ನಿವೇಶನಗಳಲ್ಲಿ,ಉಳಿತಾಯ ಮಾಡಬೇಕು.)   

ಹೂಡಿಕೆಯ ಅಪಾಯ ಸಹಿಸುವ ಶಕ್ತಿ/ಧೈರ್ಯ (Ability to take risk and withstand investment losses) ಇದ್ದರೆ :
 (ಯುಲಿಪ್ ಎಂಡೋಮೆಂಟ್ ಪಾಲಸಿ/ ಮ್ಯೂಚುವಲ್ ಫಂಡಿನ ಶೇರು ನಿಧಿಗಳಲ್ಲಿ ಯುಳಿತಾಯ ಮಾಡಬೇಕು.)

• ಸ್ವಲ್ಪ ಹಣವನ್ನು ನಿವೃತ್ತಿ ಜೀವನ ಸೌಲಭ್ಯ (ಡಿeಣiಡಿemeಟಿಣ beಟಿeಜಿiಣs) ಕ್ಕಾಗಿ ತೊಡಗಿಸಬೇಕು.
        (ಮುಂದೂಡಿದ ವರ್ಷಾಶನ ಪಾಲಿಸಿ/ಪಿ,ಎಫ್,/ನಿವೃತ್ತಿ ನಿಧಿಯಲ್ಲಿ ಉಳಿಸಬೇಕು.)

    ಜೀವನ ಸಂಗಾತಿ ಗಳಿಸದಿದ್ದರೆ :
• ಆಶ್ರಿತರ ಯೋಗ ಕ್ಷೇಮಕ್ಕಾಗಿ ಆದ್ಯತೆ ನೀಡಬೇಕು. 
    (ಸಾಕಷ್ಟು ಅವಧಿ /ಅಪಘಾತ/ಆರೋಗ್ಯ ವಿಮೆ ಪಡೆಯಬೇಕು.)
• ತದ ನಂತರ ನಿವೇಶನ/ಮನೆ/ಕಾರು ಸೌಲಭ್ಯಗಳಿಗಾಗಿ ಉಳಿಸಲು ಪ್ರಯತ್ನಿಸಬೇಕು. 

ಹೂಡಿಕೆಯ ಅಪಾಯ ಸಹಿಸುವ ಶಕ್ತಿ/ಧೈರ್ಯ (Ability to take risk and withstand investment losses) ಇಲ್ಲದಿದ್ದರೆ :  
(ಎಂಡೋಮೆಂಟ್/ಮನೀಬ್ಯಾಕ್ ಪಾಲಸಿಗಳಲ್ಲಿ,/ ನಿರಂತರ ಆರ್.ಡಿ./ ಮ್ಯೂಚುವಲ್ ಫಂಡ/ಬಂಗಾರ/ನಿವೇಶನÀಗಳಲ್ಲಿ, ಉಳಿತಾಯ ಮಾಡಬೇಕು.)

ಹೂಡಿಕೆಯ ಅಪಾಯ ಸಹಿಸುವ ಶಕ್ತಿ/ಧೈರ್ಯ (Ability to take risk and withstand investment losses) ಇದ್ದರೆ :
ಯುಲಿಪ್ ಎಂಡೋಮೆಂಟ್ ಪಾಲಸಿ/ ಮ್ಯೂಚುವಲ್ ಫಂಡಿನ ಶೇರು ನಿಧಿಗಳಲ್ಲಿ ಯುಳಿತಾಯ ಮಾಡಬೇಕು.

• ಸ್ವಲ್ಪ ಹಣವನ್ನು ಮುಂದೂಡಿದ ವರ್ಷಾಶನ ಪಾಲಸಿಯಲ್ಲಿ ತೊಡಗಿಸಬೇಕು.
(ಮುಂದೂಡಿದ ವರ್ಷಾಶನ ಪಾಲಿಸಿ/ಪಿ,ಎಫ್,/ನಿವೃತ್ತಿ ನಿಧಿಯಲ್ಲಿ ಉಳಿಸ ಬೇಕು.)

11 ಡಿಸೆಂಬರ 2014 

 ಅವಿವಾಹಿತ ತಾರುಣ್ಯಾವಸ್ಥೆ  (Young  unmarried) ಯ ವ್ಯಕ್ತಿಯ ಅವಶ್ಯಕತೆಗಳನ್ನು ಗುರುತಿಸುವಾಗ ಯಾವ ಸಂಗತಿಗಳನ್ನು ಗಣನೆಗೆ ತೆಗೆದುಕೊಳ್ಳಬೇಕು?

 ಅವಿವಾಹಿತ ತರುಣನ ಅವಶ್ಯಕತೆಗಳನ್ನು ಗುರುತಿಸುವಾಗ ಕೆಳಗಿನ ಸಂಗತಿಗಳನ್ನು ಗಣನೆಗೆ ತೆಗೆದುಕೊಳ್ಳಬೇಕು.  
ಅವಲಂಬಿತರನ್ನು ಪೋಷಿಸುವ ಜವಾಬ್ದಾರಿ ಇದ್ದರೆ, 
• ಆಶ್ರಿತರ ಯೋಗ ಕ್ಷೇಮಕ್ಕಾಗಿ ಆದ್ಯತೆ ನೀಡಬೇಕು. 
    (ಸಾಕಷ್ಟು ಅವಧಿ /ಅಪಘಾತ/ಆರೋಗ್ಯ ವಿಮೆ ಪಡೆಯಬೇಕು.)
• ತದ ನಂತರ ನಿವೇಶನ/ಮನೆ/ಕಾರು ಸೌಲಭ್ಯಗಳಿಗಾಗಿ ಉಳಿಸಲು ಪ್ರಯತ್ನಿಸಬೇಕು. 
    ಹೂಡಿಕೆಯ ಅಪಾಯ ಸಹಿಸುವ ಶಕ್ತಿ ಇಲ್ಲದಿದ್ದರೆ, 
   (ಎಂಡೋಮೆಂಟ್/ಮನೀಬ್ಯಾಕ್ ಪಾಲಸಿಗಳಲ್ಲಿ,/ ನಿರಂತರ ಆರ್.ಡಿ./ ಶೇರು ಮಾರುಕಟ್ಟೆ ಆಧಾರಿತ ಉಳಿತಾಯ ಮಾಡಬೇಕು.)   
    ಹೂಡಿಕೆಯ ಅಪಾಯ ಸಹಿಸುವ ಶಕ್ತಿ ಇದ್ದರೆ, 
    ಯುಲಿಪ್ ಎಂಡೋಮೆಂಟ್ ಪಾಲಸಿ/ ಮ್ಯೂಚುವಲ್ ಫಂಡಿನ ಶೇರು ನಿಧಿಗಳಲ್ಲಿ ಉಳಿತಾಯ ಮಾಡಬೇಕು.
• ಸ್ವಲ್ಪ ಹಣವನ್ನು ನಿವೃತ್ತಿ ಜೀವನ ಸೌಲಭ್ಯ (retirement benefits)  ಕ್ಕಾಗಿ ತೊಡಗಿಸಬೇಕು.
(ಮುಂದೂಡಿದ ವರ್ಷಾಶನ ಪಾಲಿಸಿ/ಪಿ,ಎಫ್,/ನಿವೃತ್ತಿ ನಿಧಿಯಲ್ಲಿ ಉಳಿಸ ಬೇಕು.)

ಅವಲಂಬಿತರನ್ನು ಪೋಷಿಸುವ ಜವಾಬ್ದಾರಿ ಇಲ್ಲದಿದ್ದರೆ, 
• ನಿವೇಶನ/ಮನೆ/ಕಾರು ಸೌಲಭ್ಯಗಳಿಗಾಗಿ ಉಳಿಸಲು ಪ್ರಯತ್ನಿಸಬೇಕು. 

ಹೂಡಿಕೆಯ ಅಪಾಯ ಸಹಿಸುವ ಶಕ್ತಿ/ಧೈರ್ಯ (Ability to take risk and withstand investment losses) ಇಲ್ಲದಿದ್ದರೆ,  (ಎಂಡೋಮೆಂಟ್/ಮನೀಬ್ಯಾಕ್ ಪಾಲಸಿಗಳಲ್ಲಿ,/ ನಿರಂತರ ಆರ್.ಡಿ./ ಶೇರು ಮಾರುಕಟ್ಟೆ ಆಧಾರಿತ ಯುಳಿತಾಯ ಮಾಡಬೇಕು.)   

ಹೂಡಿಕೆಯ ಅಪಾಯ ಸಹಿಸುವ ಶಕ್ತಿ/ಧೈರ್ಯ (Ability to take risk and withstand investment losses) ಇದ್ದರೆ,ಯುಲಿಪ್ ಎಂಡೋಮೆಂಟ್ ಪಾಲಸಿ/ ಮ್ಯೂಚುವಲ್ ಫಂಡಿನ ಶೇರು ನಿಧಿಗಳಲ್ಲಿ ಯುಳಿತಾಯ ಮಾಡಬೇಕು.
• ಸ್ವಲ್ಪ ಹಣವನ್ನು ನಿವೃತ್ತಿ ಜೀವನ ಸೌಲಭ್ಯ (retirement benefits)  ಕ್ಕಾಗಿ ತೊಡಗಿಸಬೇಕು.
    (ಮುಂದೂಡಿದ ವರ್ಷಾಶನ ಪಾಲಿಸಿ/ಪಿ,ಎಫ್,/ನಿವೃತ್ತಿ ನಿಧಿಯಲ್ಲಿ ಉಳಿಸ ಬೇಕು.) 
• ವಿಮೆಗಾಗಿ ಕೊನೆಯ ಆದ್ಯತೆ ನೀಡಬೇಕು. 
    (ಅವಧಿ /ಅಪಘಾತ/ಆರೋಗ್ಯ ವಿಮೆ ಪಡೆಯಬೇಕು.)

10 ಡಿಸೆಂಬರ 2014 

ಬಾಲ್ಯಾವಸ್ಥೆ (Chilhood)ಯ ಮಕ್ಕಳ ಅವಶ್ಯಕತೆಗಳನ್ನು ಗುರುತಿಸುವಾಗ ಯಾವ ಸಂಗತಿಗಳನ್ನು ಗಣನೆಗೆ ತೆಗೆದುಕೊಳ್ಳಬೇಕು?

ಬಾಲ್ಯಾವಸ್ಥೆ (Chilhood) ಯ ಮಕ್ಕಳ ಅವಶ್ಯಕತೆಗಳನ್ನು ಗುರುತಿಸುವಾಗ ಕೆಳಗಿನ ಸಂಗತಿಗಳನ್ನು ಗಣನೆಗೆ ತೆಗೆದುಕೊಳ್ಳಬೇಕು.
1. ವಿದ್ಯಾಭ್ಯಾಸಕ್ಕೆ, ಮದುವೆಗೆ, ಹೊಸ ಜೀವನದಲ್ಲಿ ನೆಲೆಯೂರಲು, ಮಕ್ಕಳಿಗೆ ಸರಿಯಾದ ಸಮಯದಲ್ಲಿ ಹಣ ಸಿಗುವoತೆ ಉಳಿತಾಯ ಮಾಡಬೇಕು.
(ಇದಕ್ಕಾಗಿ ಮ್ಯಾರೇಜ್/ಎಜ್ಯುಕೇಶನಲ್ ಎನ್ಯೂಟಿ -marriage endowment/ educational annuity, ಪಾಲಸಿ ಪಡೆಯಬೇಕು)
2. ಪೋಷಕನು ಅಕಸ್ಮಾತ್ ನಿಧನನಾದರೆ, ವಿದ್ಯಾಭ್ಯಾಸಕ್ಕೆ, ಮದುವೆಗೆ, ಮಕ್ಕಳ ಸಲುವಾಗಿ ಪ್ರಾರಂಭಿಸಿದ ಉಳಿತಾಯ ಮುಂದುವರೆಯುವ ವ್ಯವಸ್ಥೆ ಕೈಕೊಳ್ಳಬೇಕು.  
    (ಇದಕ್ಕಾಗಿ ಕಂತು ವಿನಾಯತಿ ಹೆಚ್ಚುವರಿ ಸೌಲಭ್ಯ - Premium waiver benefit rider,  ಪಡೆಯಬೇಕು

9 ಡಿಸೆಂಬರ 2014 
 ಗ್ರಾಹಕನ  ಜೀವನದ ವಿವಿಧ ಘಟ್ಟ (life stage) ಗಳು ಯಾವುವು?

 ಗ್ರಾಹಕನ  ಜೀವನದ ವಿವಿಧ ಅವಸ್ಥೆ (ಟiಜಿe sಣಚಿge) ಗಳು ಕೆಳಗಿನಂತಿವೆ. 

1) ಬಾಲ್ಯಾವಸ್ಥೆ (childhood),                  
2)ಅವಿವಾಹಿತ ತಾರುಣ್ಯಾವಸ್ಥೆ (Young  unmarried),    
3) ವಿವಾಹಿತ ತಾರುಣ್ಯಾವಸ್ಥೆ (Young  married),                                     
4) ಚಿಕ್ಕ ಮಕ್ಕಳನ್ನು ಪಡೆದ ವಿವಾಹಿತ ತಾರುಣ್ಯಾವಸ್ಥೆ (Young  married with small children),        
5) ದೊಡ್ಡ ಮಕ್ಕಳನ್ನು ಪಡೆದ ವಿವಾಹಿತ (Young  married with grownup children),           
6) ನಿವೃತ್ತಿ ಪೂರ್ವ ಜೀವನಘಟ್ಟ (Pre Retirement),  
7) ನಿವೃತ್ತಿ ನಂತರದ ಜೀವನಘಟ್ಟ (Post Retirement),                             .

8 ಡಿಸೆಂಬರ 2014 

 ಗ್ರಾಹಕನ  ಅವಶ್ಯಕತೆಗಳ ವಿಶ್ಲೇಷಣೆ (analysis of needs) ಯ ಸಮಯದಲ್ಲಿ,  ಆತನ ಬಳಿ ಈಗಾಗಲೇ ಕೆಲವು ವಿಮಾ ಪಾಲಿಸಿಗಳು ಇದ್ದರೆ, ಏನು ಮಾಡಬೇಕು?

  ಈಗಿನ ವಿಮಾ ಪಾಲಿಸಿಗಳು ಗ್ರಾಹಕನ ಯಾವ ಅವಶ್ಯಕತೆಗಳನ್ನು ಎಷ್ಟರ ಮಟ್ಟಿಗೆ ಪೂರೈಸುತ್ತಿವೆ ಎಂಬುದನ್ನು ತಿಳಿದು ಕೊಳ್ಳಬೇಕು.
1) ಈಗಿನ ವಿಮಾ ಪಾಲಸಿಗಳಿಂದ, ಪೂರ್ತಿಯಾಗಿ ಈಡೇರಿಕೆಗೊಳ್ಳುವ ಅವಶ್ಯಕತೆಗಳನ್ನು ಪಟ್ಟಿಯಿಂದ ಹೊರಗಿಡಬೇಕು.
2) ಸಂಪೂರ್ಣವಾಗಿ  ಈಡೇರಿಕೆಗೊಳ್ಳದ/ ಅಪೂರ್ಣವಾಗಿ ಈಡೇರಿಕೆಗೊಂಡ ಅವಶ್ಯಕತೆಗಳನ್ನು ಆದ್ಯತೆಯ ಆಧಾರದ ಮೇಲೆ ಕೈಗೆತ್ತಿಕೊಂಡು ಅವಶ್ಯಕ ಪಾಲಿಸಿಗಳನ್ನು ನೀಡಲು ಪ್ರಯತ್ನಿಸಬೇಕು.
3) ಯಾವ ಅವಶ್ಯಕತೆಗಳನ್ನು ಪೂರ್ಣವಾಗಿ ಇಲ್ಲವೇ ಅಪೂರ್ಣವಾಗಿ ಈಡೇರಸಲಾಗದ ಪಾಲಸಿಗಳ ಬಗ್ಗೆ ಸರಿಯಾದ ತಿಳುವಳಿಕೆ ನೀಡಿ: ಅವಗಳನ್ನು  ಮುಂದುವರೆಸುವ, ನಿಲ್ಲಿಸುವ, ರದ್ದುಗೊಳಿಸುವ ನಿರ್ಣಯವನ್ನು ಗ್ರಾಹಕನ ವಿವೇಚನೆಗೆ ಬಿಡಬೇಕು.

7 ಡಿಸೆಂಬರ 2014 

ಗ್ರಾಹಕರ  ಅವಶ್ಯಕತೆಗಳ ಆದ್ಯತೀಕರಣ (priortisation of  needs) ವನ್ನು ಯಾಕೆ ಕೈಕೊಳ್ಳ ಬೇಕು? 

ಗುರುತಿಸಲಾದ ಎಲ್ಲಾ  ಅವಶ್ಯಕತೆ (needs)ಗಳನ್ನು ಒಮ್ಮಲೇ ಈಡೇರಿಸುವದಕ್ಕೆ ಬೇಕಾದ ಆರ್ಥಿಕ ಸಾಮಥ್ರ್ಯ ಗ್ರಾಹಕನ ಬಳಿ ಈಗ ಇರಲಿಕ್ಕ್ಕಿಲ್ಲ. ಈ ಹಿನ್ನೆಲೆಯಲ್ಲಿ ಗುರುತಿಸಲಾದ ಎಲ್ಲಾ ಅವಶ್ಯಕತೆಗಳಲ್ಲಿ, ಯಾವುಗಳನ್ನು ಮೊದಲು, ಯಾವುಗಳನ್ನು ನಂತರ, ಯಾವುಗಳನ್ನು ಕೊನೆಗೆ ಈಡೇರಿಸಲು ಕೈಗೆತ್ತಿಕೊಳ್ಳಬೇಕೆಂಬುದನ್ನು ನಿರ್ಧರಿಸಲು, ಅವಶ್ಯಕತೆಗಳ ಆದ್ಯತೀಕರಣ (priortisation of  needs)  ವನ್ನು ಮಾಡ ಬೇಕಾಗುತ್ತದೆ.

 6 ಡಿಸೆಂಬರ 2014 

ಗ್ರಾಹಕರ  ಅವಶ್ಯಕತೆಗಳನ್ನು  ಈಡೇರಿಸುವಲ್ಲಿ ಗಮನಿಸಬೇಕಾದ ಸಂಗತಿಗಳು ಯಾವುವು?

ಗ್ರಾಹಕರ  ಅವಶ್ಯಕತೆಗಳನ್ನು  ಈಡೇರಿಸುವಲ್ಲಿ  ಗಮನಿಸಬೇಕಾದ ಸಂಗತಿಗಳು ಕೆಳಗಿನಂತಿರುತ್ತವೆ.
• ಗ್ರಾಹಕನ ಆದಾಯ(Income), ವೆಚ್ಚ (expenditure), ಉಳಿಕೆ (saving) ಗಳ ವಿವರಗಳನ್ನು ಪಡೆಯುವದು. 
• ಗ್ರಾಹಕನ ಆಸ್ತಿ (asset), ಹೊರೆ (liability), ಸಾಲ (loan) ಗಳ  ವಿವರಗಳನ್ನು ಪಡೆಯುವದು.
• ಅವಲಂಬಿತ ಕುಟುಂಬ ಸದಸ್ಯ (dependent members ), ರ ವಿವರಗಳನ್ನು ಪಡೆಯುವದು.
• ಅವಲಂಬಿತರ ಆರ್ಥಿಕ ಬೇಡಿಕೆಗಳನ್ನು (financial needs), ಪೂರೈಸಲು ಆತನ ಆರ್ಥಿಕ ಗುರಿಗಳನ್ನು (financial 
         goals) ನಿರ್ಧರಿಸುವದು.
• ಭವಿಷ್ಯದಲ್ಲಿ ಉಳಿತಾಯ ಮಾಡಬಹುದಾದ ಹಣದ ಗಾತ್ರವನ್ನು ಗುರುತಿಸುವದು.
• ಸ್ವಂತ ಹಾಗೂ ಅವಲಂಬಿತರ ಆರೋಗ್ಯ ಸ್ಥಿತಿಯನ್ನು ಕಂಡುಕೊಳ್ಳುವದು,
• ನಿವೃತ್ತಿಯ ನಂತರದ ಪ್ರಸಕ್ತ ಜೀವನ ಶೈಲಿ ಮುಂದುವರೆಸಲು ಬೇಕಾಗುವ ಹಣವನ್ನು ಗುರುತಿಸುವದು.

5 ಡಿಸೆಂಬರ 2014 

 ಗ್ರಾಹಕರ  ಅವಶ್ಯಕತೆಗಳನ್ನು  ಈಡೇರಿಸುವಲ್ಲಿ ವಿಮಾ ಏಜೆಂಟನ ಹೊಣೆ (Responsibility) ಗಳು ಯಾವುವು?

 ಗ್ರಾಹಕರ  ಅವಶ್ಯಕತೆಗಳನ್ನು  ಈಡೇರಿಸುವಲ್ಲಿ ವಿಮಾ ಏಜೆಂಟನ ಹೊಣೆ (Responsibility) ಗಳು ಕೆಳಗಿನಂತಿರುತ್ತವೆ.
• ಭಾವೀ ಗ್ರಾಹಕ (prospect) ನ ಅವಶ್ಯಕತೆ (needs) ಗಳನ್ನು ಪತ್ತೆ ಹಚ್ಚುವದು.
• ಈ ಅವಶ್ಯಕತೆಗಳನ್ನು ಪೂರೈಸಲು ಈ ದಿನ ಬೇಕಾಗುವ ಹಣದ ಗಾತ್ರವನ್ನು ಲೆಕ್ಕಮಾಡುವದು.
• ಗ್ರಾಹಕನ ಆರ್ಥಿಕ ಸಾಮಥ್ರ್ಯದ ಹಿನ್ನೆಲೆಯಲ್ಲಿ, ಆದ್ಯತಾ ಕ್ರಮದಲ್ಲಿ ಅವಶ್ಯಕತೆಗಳನ್ನು ಪೂರೈಸಲು ವ್ಯವಸ್ಥೆ ಮಡುವದು.

4 ಡಿಸೆಂಬರ 2014 

ಭಾವೀ ಗ್ರಾಹಕ (Prospect) ರ ಅವಶ್ಯಕತೆ (need) ಗಳು ಯಾವುವು ಆಗಿರುತ್ತವೆ?

 ಭಾವೀ ಗ್ರಾಹಕರ ಅವಶ್ಯಕತೆಗಳು ಕೆಳಗಿನಂತರುತ್ತವೆ.
ಮೊದಲ ಆದ್ಯತೆ  :  ತುರ್ತು ನಿಧಿ (Emergency Fund) ಯನ್ನು ನಿರ್ಮಿಸುವದು. ಹಟಾತ್ತನೆ ಉದ್ಭವಿಸುವ 
                          ಆದರೆ ತಪ್ಪಿಸಿ ಕೊಳ್ಳಲಾಗದ ಆರ್ಥಿಕ ಬೇಡಿಕೆಗಳ ಈಡೇರಿಕೆಗಾಗಿ, (ಅನಾರೋಗ್ಯ/  
                          ಅಪಘಾತ/ ನಿರುದ್ಯೋಗ/ಇತ್ಯಾದಿ.)
ಎರಡನೆಯ ಆದ್ಯತೆ  : ವಿಮೆಯನ್ನು ಖರೀದಿಸುವದು, ಅಕಸ್ಮಿಕ ಮರಣ/ಅಪಘಾತ/ಗಂಭೀರ    ಕಾಯಿಲೆಗಳಿಂದ ರಕ್ಷಣೆ  
                            ಪಡೆಯಲು.           
ಮೂರನೆಯ ಆದ್ಯತೆ :  ಮಕ್ಕಳ ಶಿಕ್ಷಣ/ಮದುವೆಗೆ ಉಳಿತಾಯ ಮಾಡುವದು.
ನಾಲ್ಕನೆಯ ಆದ್ಯತೆ  :  ಮನೆ/ವಾಹನ/ಸಾಲಗಳಿಂದ ಕುಟುಂಬಕ್ಕೆ ದೊರೆಯುವ ಪ್ರಯೋಜನಗಳನ್ನು 
                                    ಉಳಿಸಿಕೊಳ್ಳುವದು.
ಕೊನೆಯ ಆದ್ಯತೆ   :  ವರ್ಷಾಶನ ಸೌಲಭ್ಯಗಳಿಗೆ ಉಳಿತಾಯ ಮಾಡುವದು. (ಆದಾಯ  ನಿಲುಗಡೆಯಾದಾಗ  ಆರ್ಥಿಕ 
                                 ಸ್ವಾವಲಂಬನೆಯನ್ನು ಪಡೆಯಲು.)
ಮೇಲಿನ ಕ್ರಮಾಂಕಗಳಲ್ಲಿಯೇ ಆರ್ಥಿಕ ಅವಶ್ಯಕತೆಗಳನ್ನು ಪೂರೈಸಿಕೊಳ್ಳಲು ಉಳಿತಾಯಕ್ಕೆ ಆದ್ಯತೆಗಳನ್ನು ನೀಡಬೇಕು.

3 ಡಿಸೆಂಬರ್ 2014

ವರ್ಷಾಶನ ವಿಮಾ ಸೌಲಭ್ಯ ಯೋಜನೆ (Annuity Insurance Plan Benefit)  ಗಳ ಲಕ್ಷಣ (features)  ಗಳು, ಶರ್ಯತ್ತು (conditions) ಗಳು ಯಾವುವು?

ಉತ್ತರ : ವರ್ಷಾಶನ ವಿಮಾ ಸೌಲಭ್ಯ ಯೋಜನೆಗಳ ವಿಶೇಷತೆಗಳು,
1) ವಿಮಾಕಂತನ್ನು, ಒಂಟಿ/ವಾರ್ಷಿಕ/ಅರೆವಾರ್ಷಿಕ/ತ್ರೈಮಾಸಿಕ/ಮಾಸಿಕ ಕಂತುಗಳ ರೂಪದಲ್ಲಿ ನೀಡಬಹುದು.
2) ವರ್ಷಾಶನವನ್ನು ವಾರ್ಷಿಕ/ಅರೆವಾರ್ಷಿಕ/ತ್ರೈಮಾಸಿಕ/ಮಾಸಿಕ ಕಂತುಗಳ ರೂಪದಲ್ಲಿ ಪಡೆಯಬಹುದು.
3) ಹೆಚ್ಚುವರಿ ವಿಮಾ ಸೌಲಭ್ಯ(Rider Benefit) ಗಳನ್ನು ಮುಂದೂಡಿದ ವರ್ಷಾಶನ ಪಾಲಿಸಿಗಳಲ್ಲಿ, ಮುಂದೂಡಿದ ಅವಧಿಗೆ ಪಡೆಯಬಹುದು.
4) ಮುಂದೂಡಿದ ಅವಧಿ (Deferment Period) ಯಲ್ಲಿ ಪಾಲಸಿದಾರ ಮರಣಿಸಿದರೆ, ಅಲ್ಲಿಯ ವರೆಗೆ ನೀಡಲಾದ ವಿಮಾಕಂತುಗಳನ್ನು ಘೋಷಿತ ದರದ ಬಡ್ಡಿಯೊಂದಿಗೆ ಮರಳಿಸುವರು. ಹೆಚ್ಚುವರಿ ಮಾಸೌಲಭ್ಯಗಳ 
ಪರಿಹಾರವನ್ನು ಕೊಡುವರು.
5) ಮುಂದೂಡಿದ ಅವಧಿ (Deferment Period) ಯಲ್ಲಿ ಪಾಲಿಸಿಧಾರಕ ಪಾಲಿಸಿಯನ್ನು ಸರಂಡರ ಮಾಡಬಹುದು.
6) ಮುಂದೂಡಿದ ಅವಧಿ (Deferment Period) ಯ ಕೊನೆಗೆ ಬೆಳೆದು ನಿಂತ ವರ್ಷಾಶನ ನಿಧಿಯನ್ನು ಅದೇ ಕಂಪನಿಯಲ್ಲಿ ಅಥವಾ ತನಗಿಷ್ಟವಾದ ಬೇರೆ ಯಾವುದೇ ವಿಮಾ ಸಂಸ್ಥೆಯಲ್ಲಿ ತೊಡಗಿಸಿ ವರ್ಷಾಶನವನ್ನು ಪಡೆಯಬಹುದು. 
7) ಮುಂದೂಡಿದ ಅವಧಿಯ ಕೊನೆಗೆ, ಪಾಲಿಸಿಧಾರಕ ಬೇಕೆನಿಸಿದರೆ, ಬೆಳೆದು ನಿಂತ ವರ್ಷಾಶನ ನಿಧಿಯ 1/3 ಭಾಗದವರೆಗಿನ  ಬೆಲೆ (Commutation Value) ಯನ್ನು ನಗದು ರೂಪದಲ್ಲಿ ವಾಪಸು ಪಡೆಯಬಹುದು. ತದ ನಂತರ ನಿಧಿಯ ಉಳಿದ ಭಾಗಕ್ಕೆ ವರ್ಷಾಶನವನ್ನು ಪಡೆಯುವನು.
8) ಕಂಪನಿಗೆ ನೀಡಲಾದ ವಿಮಾಕಂತುಗಳ ಮೇಲೆ, ಆಯ ಕರ ರಿಯಾಯತಿಯನ್ನು ಸೆಕ್ಶನ್ 80 ಸಿಯ ಪ್ರಕಾರ ಪಡೆಯಬಹುದು. ಹೆಚ್ಚುವರಿ ವಿಮಾ ಸೌಲಭ್ಯಗಳ ಕಂತಿನ ಮೇಲೂ ಸಂಬಂಧಿಸಿದ ಆಯ ಕರ ರಿಯಾಯತಿ (Income Tax Rebate) ಗಳನ್ನು  ಪಡೆಯಬಹುದು.

2 ಡಿಸೆಂಬರ್ 2014

ವರ್ಷಾಶನ (Annuity) ಗಳ ನಮೂನೆಗಳು ಯಾವುವು?

ಉತ್ತರ : ವರ್ಷಾಶನದ ನಮೂನೆಗಳು ಕೆಳಗಿನಂತಿವೆ.
1) ಆಜೀವ ವರ್ಷಾಶನ – (Life Annuity)  ಆಜೀವ ಪರ್ಯಂತ ವರ್ಷಾಶನವನ್ನು ನೀಡಲಾಗುವದು. ಫಲಾನುಭವಿಯ ನಿಧನದ ನಂತರ ವರ್ಷಾಶನ ನೀಡಿಕೆ ನಿಲ್ಲುವದು.
2) ಖಾತರಿ ಅವಧಿಯ ವರ್ಷಾಶನ -(Guaranteed Period Annuity)  ಆಜೀವ ಪರ್ಯಂತ ವರ್ಷಾಶನವನ್ನು ನೀಡಲಾಗುವದು. ಒಂದು ವೇಳೆ ಪಾಲಸಿಧಾರಕನು, ಖಾತರಿ ಅವಧಿಯೊಳಗೆ ನಿಧನನಾದರೆ, ನಿಧನದ ನಂತರ ಖಾತರಿ ಅವಧಿ ಮುಗಿಯುವ ವರೆಗೆ ಪಾಲಸಿಧಾರಕನ                         ನಾಮಿನೀ, ಅಥವಾ ವಾರಸುದರನಿಗೆ  ವರ್ಷಾಶನವನ್ನು ಮುಂದುವರೆಸಲಾಗುವದು.
3) ಸಂಯುಕ್ತ ಜೀವದ ಆದರೆ ಕೊನೆಯವನು ಜೀವಿಸಿರುವ ವರೆಗೆ ಮುಂದುವರೆಸುವ ವರ್ಷಾಶನ (Joint Life, last survivor Annuity) : ಇಲ್ಲಿ ಇಬ್ಬರು ಜೀವಿಗಳ ಮೇಲೆ ಒಂದೇ ವರ್ಷಾಶನದ ಪಾಲಿಸಿಯನ್ನು ನೀಡಲಾಗುವದು. ಇಬ್ಬರಲ್ಲಿ ಒಬ್ಬರು ನಿಧನನಾದರೆ, ಆತನ ನಿಧನದ ನÀಂತರ, ಬದುಕಿ ಉಳಿದ ಇನ್ನೊಬ್ಬನು ಜೀವಿಸಿರುವವನಿಗೂ ವರ್ಷಾಶನವನ್ನು 100% ಇಲ್ಲವೇ 50% ದರದಲ್ಲಿ ಮುಂದುವರೆಸಲಾಗುವದು.
4) ವೃದ್ಧಿಸುವ ಆಜೀವ ವರ್ಷಾಶನ (Increasing Life Annuity)   – ಆಜೀವ  ಪರ್ಯಂತ  ವರ್ಷಾಶನವನ್ನು  ನೀಡಲಾಗುವದು. ಫಲಾನುಭವಿಯ ನಿಧನದ ನಂತರ ವರ್ಷಾಶನ ನೀಡಿಕೆ ನಿಲ್ಲುವದು. ಇಲ್ಲಿ ಪ್ರತಿ ವರ್ಷ ವರ್ಷಾಶನವು ನಿಗದಿತ ದರದಲ್ಲಿ ಹೆಚುತ್ತ ಹೋಗುತ್ತದೆ, ಅದು ಒಂದು ಮಟ್ಟ ತಲುಪಿದ ಮೇಲೆ, ವೃದ್ಧಿಸುವದು ನಿಲ್ಲುತ್ತದೆ. 
5) ಖರೀದಿ ಬೆಲೆ ಮರಳಿ ದೊರೆಯುವ ಆಜೀವ ವರ್ಷಾಶನ (Life Annuity with return of purchase price)   - ಆಜೀವ ಪರ್ಯಂತ ವರ್ಷಾಶನವನ್ನು ನೀಡಲಾಗುವದು. ಫಲಾನುಭವಿಯ ನಿಧನದ ನಂತರ ವರ್ಷಾಶನ ನೀಡಿಕೆ ನಿಲ್ಲುವದು, ಮತ್ತೆ ಅದೇ ಕಾಲಕ್ಕೆ ವರ್ಷಾಶನದ ಖರೀದಿ ಬೆಲೆಯನ್ನು, ಫಲಾನುಭವಿಯ ನಾಮಿನೀಗೆ, ಅಥವಾ ವಾರಸುದಾರರಿಗೆ ಮರಳಿಸಲಾಗುವದು.

1 ಡಿಸೆಂಬರ್ 2014

ವರ್ಷಾಶನದ ಪಾಲಿಸಿ (Annuity Policy) ಗಳನ್ನು ಖರೀದಿಸಲು ಬೆಲೆ ಸಂದಾಯವನ್ನು ಯಾವ ರೀತಿಯಲ್ಲಿ ಮಾಡಬಹುದು?

ಕೂಡಲೇ ಪ್ರಾರಂಭವಾಗುವ ವರ್ಷಾಶನ ಪಾಲಿಸಿ (Immeಜiಚಿಣe ಂಟಿಟಿuiಣಥಿ ಠಿoಟiಛಿಥಿ) ಗೆ , ಖರೀದಿ ಬೆಲೆಯನ್ನು ಪಾಲಿಸಿಯನ್ನು ಕೊಳ್ಳುವ ಸಮಯದಲ್ಲಿ ಒಂದೇ ಕಂತಿ (single premium)  ನಲ್ಲಿ ನೀಡ ಬೇಕಾಗುವದು.
1) ಮುಂದೂಡಿದ ವರ್ಷಾಶನ ಪಾಲಿಸಿ (Immediate Annuity policy) ಗೆ, ಖರೀದಿ ಬೆಲೆಯನ್ನು ಪಾಲಿಸಿಯನ್ನು ಕೊಳ್ಳುವ ಸಮಯದಲ್ಲಿ ಒಂದೇ ಕಂತಿ (single premium) ನಲ್ಲಿ ನೀಡಬಹುದು, ಅಥವಾ ಮುಂದೂಡಿದ ಅವಧಿಯಲ್ಲಿ, 1/3/6/12 ತಿಂಗಳ ಅವಧಿಗಳ ಕಂತುಗಳಲ್ಲಿ ನೀಡಬಹುದು.

30 ನವ್ಹಂಬರ್ 2014

 ವರ್ಷಾಶನ (Annuity)  ದ ಪ್ರಕಾರಗಳು ಯಾವುವು?

ವರ್ಷಾಶನದ ಪ್ರಕಾರಗಳು ಕೆಳಗಿನಂತಿವೆ.

1) ಕೂಡಲೇ ಪ್ರಾರಂಭವಾಗುವ ವರ್ಷಾಶನಗಳು (Immediate Annuity). ಈ ರೀತಿಯ ವರ್ಷಾಶನ ಪಾಲಿಸಿಗಳನ್ನು ಒಂದು ದೊಡ್ಡ ಮೊತ್ತದ ಹಣದಿಂದ ಖರೀದಿಸಿ, ತದ ನಂತರ ಕೂಡಲೇ ಆಜೀವ ಪರ್ಯಂತ ಚಿಕ್ಕ ಮೊತ್ತದ ವರ್ಷಾಶನಗಳನ್ನು ಪಡೆಯುವರು.

2) ಮುಂದೂಡಿದ ವರ್ಷಾಶನಗಳು (Deferred Annuity). ಈ ರೀತಿಯ ವರ್ಷಾಶನ ಪಾಲಿಸಿಗಳಲ್ಲಿ, ಆಜೀವ ಪರ್ಯಂತ ಚಿಕ್ಕ ಮೊತ್ತದ ವರ್ಷಾಶನಗಳನ್ನು ಕೂಡಲೇ ಪಡೆಯದೇ. ಒಂದು ನಿರ್ಧಿಷ್ಠ ಅವಧಿ ಮಗಿದ ನಂತರ ವರ್ಷಾಶನಗಳನ್ನು ಪಡೆಯಲು ಪ್ರಾರಂಭಿಸುವರು. ಈ ನಿರ್ಧಿಷ್ಠ ಅವಧಿಗೆ ಮುಂದೂಡಿದ ಅವಧಿ (Deferment Period) ಎಂದು ಕರೆಯುವರು. ವರ್ಷಾಶನ ಸೌಲಭ್ಯಗಳ ಖರೀದಿ ಬೆಲೆ (Purchase Price) ಯನ್ನು ಪಾಲಿಸಿಯನ್ನು ಕೊಳ್ಳುವ ಸಮಯದಲ್ಲಿ ಒಂದೇ ಕಂತಿನಲ್ಲಿ, ಅಥವಾ ಮುಂದೂಡಿದ ಅವಧಿ (Deferment Period )ಯಲ್ಲಿ, 1/3/6/12 ತಿಂಗಳ ಅವಧಿಗಳ ಕಂತುಗಳಲ್ಲಿ ನೀಡಬಹುದು.
ಮುಂದೂಡಿದ ಅವಧಿ (Deferment Period )ಯಲ್ಲಿ ಪಾಲಸಿಧಾರಕ ನಿಧನನಾದರೆ, ಅವನ ವಾರಸುದಾರನು ಕಂತುಗಳನ್ನು ಬಡ್ಡಿ ಸಹಿತ ವಾಪಸು ಪಡೆಯಬಹದು, ಅಥವಾ ಆ ಹಣಕ್ಕೆ ಸರಿಯಾಗಿ ವರ್ಷಾಶನವನ್ನು ಆಯ್ಕೆ ಮಾಡಿಕೊಳ್ಳಬಹುದು. ಮುಂದೂಡಿದ ಅವಧಿಗೆ, ಮೂಲ ಪಾಲಿಸಿಯ ಜೊತೆಗೆ, ವಿವಿಧ ಹೆಚ್ಚುವರಿ ವಿಮಾ ಸೌಲಭ್ಯ(Riders) ಗಳನ್ನು ಖರೀದಿಸಬಹುದು.

29 ನವ್ಹಂಬರ್ 2014

 ವರ್ಷಾಶನ (Annuity)  ವೆಂದರೇನು?

ಜೀವ ವಿಮೆ ಪಾಲಿಸಿಗಳಲ್ಲಿ ಹಂತ ಹಂತವಾಗಿ ಚಿಕ್ಕ ಕಂತುಗಳನ್ನು ನೀಡಿ, ನಿಗದಿತ ಅವಧಿಯ ಕೊನೆಗೊಮ್ಮೆ ದೊಡ್ಡ ವಿಮಾರಾಶಿಯನ್ನು ಪಡೆಯುವರು. ಇದಕ್ಕೆ ವ್ಯತಿರಿಕ್ತವಾಗಿ ವರ್ಷಾಶನ (ಂಟಿಟಿuiಣಥಿ)   ಪಾಲಿಸಿಗಳಲ್ಲಿ ದೊಡ್ಡ ಮೊತ್ತದ ಒಂದು ಕಂತುನ್ನು ನೀಡಿ, ತದ ನಂತರ ಆಜೀವ ಪರ್ಯಂತ ಚಿಕ್ಕ ಮೊತ್ತದ ಆದಾಯದ ಕಂತುಗಳನ್ನು ವಾಪಸು ಪಡೆಯುವರು.

28 ನವ್ಹಂಬರ್ 2014

ಹೆಚ್ಚುವರಿ ವಿಮಾ ಸೌಲಭ್ಯ (Rider) ಗಳ ಮೇಲೆ ಆಯ್.ಆರ್.ಡಿ.ಎ, ವಿಧಿಸಿದ ನಿರ್ಬಂಧಗಳು ಯಾವುವು?

ಹೆಚ್ಚುವರಿ ವಿಮಾ ಸೌಲಭ್ಯಗಳ ಮೇಲೆ ಆಯ್.ಆರ್.ಡಿ.ಎ, ರಚಿಸಿದ ನಿಯಮಾವಳಿಗಳು :
• ಆರೋಗ್ಯ ಅಥವಾ ಗಂಭೀರ ಕಾಯಿಲೆಗಳಿಗೆ  ಸಂಬಂಧೀಸಿದ ಎಲ್ಲಾ ಹೆಚ್ಚುವರಿ ವಿಮಾ ಸೌಲಭ್ಯ (Health/ Critical Illness Rider) ಗಳ  ಒಟ್ಟಾರೆ ಕಂತುಗಳ ಮೊತ್ತ ಅವಧಿ ವಿಮೆ  ಅಥವಾ ಗುಂಪು ವಿಮೆಯ ( Term/Group Insurance)  ಕಂತಿನ ಮೊತ್ತವನ್ನು ಮೀರ ಕೂಡದು.
• ಉಳಿದೆಲ್ಲಾ ಹೆಚ್ಚುವರಿ ವಿಮಾ ಸೌಲಭ್ಯಗಳ  ಒಟ್ಟಾರೆ ಕಂತುಗಳ ಮೊತ್ತ ಮೂಲ ವಿಮಾ ಕಂತಿನ 30% ಮೊತ್ತವನ್ನು ಮೀರ ಕೂಡದು.
• ಪ್ರತಿಯೊಂದು ಹೆಚ್ಚುವರಿ ವಿಮಾ ಸೌಲಭ್ಯಗಳ ವಿಮಾ ರಾಶಿ (Sum ಂssuಡಿeಜ), ಮೂಲ ಪಾಲಿಸಿಯ ವಿಮಾ ರಾಶಿ (Sum Assured) ಯನ್ನು ಮೀರ ಕೂಡದು.  
 ಆಯ್.ಆರ್.ಡಿ.ಎ, ರಚಿಸಿದ ಈ ನಿಯಮಾವಳಿಗಳು ಭವಿಷ್ಯದಲ್ಲಿ ಬದಲಾಗ ಬಹುದಾದ ಸಾಧ್ಯತೆಯೂ ಇದೆ.

27 ನವ್ಹಂಬರ್ 2014

ಹೆಚ್ಚುವರಿ ವಿಮಾ ಸೌಲಭ್ಯ (Rider) ಗಳ ಲಕ್ಷಣಗಳು ಯಾವುವು?

 ಹೆಚ್ಚುವರಿ ವಿಮಾ ಸೌಲಭ್ಯಗಳ ಲಕ್ಷಣಗಳು ಕೆಳಗಿನಂತಿವೆ.
• ಇದನ್ನು ಸ್ವತಂತ್ರವಾಗಿ ಮಾರಲಾಗದು. ಮೂಲ ಸರಕಿನೊಂದಿಗೆ ಹೆಚ್ಚುವರಿಯಾಗಿಯೇ ಮಾರುವದು.
• ಇದರ ದರ ತುಂಬಾ ಅಗ್ಗವಾಗಿರುತ್ತದೆ.
• ಅನಕೂಲಕ್ಕೆ ತಕ್ಕಂತೆ ಹೊಂದಾಣಿಕೆಗೆ ಅನಕೂಲವಾಗುವ ಸೌಲಭ್ಯಗಳು.
• ಯಾವಾಗ ಬೇಕಾದರೂ ನಿಲ್ಲಿಸಬಹುದಾದ ಸೌಲಭ್ಯಗಳು.
• ಕರ ರಿಯಾಯತಿಗಳಿಗೆ ಅರ್ಹವಾಗುವ ಸೌಲಭ್ಯಗಳು.

26  ನವ್ಹಂಬರ್ 2014

ಎಷ್ಟು ಬಗೆಯ ಹೆಚ್ಚುವರಿ ವಿಮಾ ಸೌಲಭ್ಯ ( Insurance Rider Benefits ) ಗಳಿವೆ?

1) ಅಪಘಾತ ಮರಣ ಹೆಚ್ಚುವರಿ ವಿಮಾ ಸೌಲಭ್ಯ ( Accidental Death  Benefit Rider ): ಅಪಘಾತದಿಂದ ಮರಣ ಸಂಭವಿಸಿದರೆ, ಸಾಮಾನ್ಯ ಮರಣ ವಿಮಾ ಪರಿಹಾರದ ಜೊತೆಗೆ, ಅಪಘಾತ ಮರಣ ಹೆಚ್ಚುವರಿ ವಿಮಾ ಪರಿಹಾರವನ್ನೂ ಹೆಚ್ಚಿಗೆ ನೀಡಲಾಗುವದು.

2) ಸಹಜ ಮರಣ ಹೆಚ್ಚುವರಿ ವಿಮಾ ಸೌಲಭ್ಯ ( Term Insurance  Benefit Rider )   : ಮರಣ ಸಂಭವಿಸಿದರೆ, ಸಾಮಾನ್ಯ ಮರಣ ವಿಮಾ ಪರಿಹಾರದ ಜೊತೆಗೆ, ಸಹಜ ಮರಣ ಹೆಚ್ಚುವರಿ ವಿಮಾ ಪರಿಹಾರವನ್ನೂ ಹೆಚ್ಚಿಗೆ ನೀಡಲಾಗುವದು.

3) ಗಂಭೀರ ಕಾಯಿಲೆ ಹೆಚ್ಚುವರಿ ವಿಮಾ ಸೌಲಭ್ಯ  ( Critical Illness  Benefit Rider ): ಪೂರ್ವ ನಿರ್ಧಾರಿತ ಗಂಭೀರ ಕಾಯಿಲೆಗೆ ತುತ್ತಾದಾಗ, ಅಪಘಾತ ಮರಣ ಹೆಚ್ಚುವರಿ ವಿಮಾ ಪರಿಹಾರವನ್ನು ಪ್ರತ್ಯೇಕವಾಗಿ ನೀಡಲಾಗುವದು.

4) ಕಂತು ವಿನಾಯತಿ ಹೆಚ್ಚುವರಿ ವಿಮಾ ಸೌಲಭ್ಯ ( Premium Waiver Benefit Rider )  :  :    
1)ಅಪಘಾತದಿಂದ ವಿಮಾ ಕೋರಿಕೆದಾರ ಸಂಪೂರ್ಣ ಅಂಗವಿಕಲತೆಯನ್ನು ಪಡೆದಾಗ, ಪಾಲಸಿಯಲ್ಲಿ ತದ ನಂತರ ಬಾಕಿಯಾಗುವ ವಿಮಾ ಕಂತುಗಳ ನೀಡಿಕೆಗೆ, ವಿನಾಯತಿ ಸೌಲಭ್ಯವನ್ನು ನೀಡುವರು.

2)ಮಕ್ಕಳ ಪಾಲಸಿಯಲ್ಲಿ, ಮಕ್ಕಳು ಪಾಲಸಿಯ ಮಾಲಿಕತ್ವವನ್ನು ಪಡೆಯುವ ಮುಂZ,É ವಿಮಾಕೋರಿಕೆದಾರ ನಿಧನನಾದರೆ, ಅಲ್ಲಿಂದ ಮಕ್ಕಳು ಪಾಲಸಿಯ ಮಾಲಿಕತ್ವವನ್ನು ಪಡೆಯುವವರೆಗಿನ ಅವಧಿಯಲ್ಲಿ, ಬಾಕಿಯಾಗುವ ವಿಮಾ ಕಂತುಗಳ ನೀಡಿಕೆಗೆ, ವಿನಾಯತಿ ಸೌಲಭ್ಯವನ್ನು ನೀಡುವರು.

5) ಶಸ್ತ್ರ ಚಿಕಿತ್ಸಾ ಕಾಳಜಿ ಹೆಚ್ಚುವರಿ ವಿಮಾ ಸೌಲಭ್ಯ( Surgical Care  Benefit Rider ): ವಿಮಾರಕ್ಷಿತನಿಗೆ ಶಸ್ತ್ರ ಚಿಕಿತ್ಸೆಗೆ ಒಳಗಾಗುವ ಪ್ರಸಂಗ ಒದಗಿದರೆ, ಶಸ್ತ್ರ ಚಿಕಿತ್ಸಾವೆಚ್ಚವನ್ನು ಭರಿಸಲು ನಿಗದಿತ ಮೊತ್ತವನ್ನು ನೀಡಲಾಗುವದು. 

6) ಆಸ್ಪತ್ರೆ ಚಿಕಿತ್ಸಾ ಕಾಳಜಿ ಹೆಚ್ಚುವರಿ ವಿಮಾ ಸೌಲಭ್ಯ (Hospitalisation Care  Benefit Rider ) : ವಿಮಾರಕ್ಷಿತನಿಗೆ ಆಸ್ಪತ್ರೆಗೆ ಸೇರುವ ಪ್ರಸಂಗ ಒದಗಿದರೆ, ಆಸ್ಪತ್ರೆ ಚಿಕಿತ್ಸಾವೆಚ್ಚವನ್ನು ಭರಿಸಲು ನಿಗದಿತ ಮೊತ್ತವನ್ನು ನೀಡಲಾಗುವದು.

7) ಖಾತರಿ ವಿಮೆಯ ಅರ್ಹತಾ ಹೆಚ್ಚುವರಿ ವಿಮಾ ಸೌಲಭ್ಯ  (Guaranteed Insuribility Option  Benefit Rider) :ನಿರ್ಧಿಷ್ಠ ಘಟನೆಗಳು ಜರುಗಿದಾಗ, ಪಾಲಸಿಧಾರಕನು ನಿರ್ಧಿಷ್ಠ ಮೊತ್ತದ ಹೆಚ್ಚುವರಿ ವಿಮೆಯನ್ನು ಖರೀದಿಸಲು ಅರ್ಹತೆ ಪಡೆಯುತ್ತಾನೆ.

25 ನವ್ಹಂಬರ್ 2014

 ಆರೋಗ್ಯ ವಿಮಾ ಸೌಲಭ್ಯ ಯೋಜನೆಗಳ ಲಕ್ಷಣಗಳು,ಶರ್ಯತ್ತುಗಳು ಯಾವುವು?
ಆರೋಗ್ಯ ವಿಮಾ ಸೌಲಭ್ಯ ಯೋಜನೆಗಳ ವಿಶೇಷತೆಗಳು,

1)ಬೆಲೆ-(Price) : ವಯಸ್ಸು, ವ್ಯಕ್ತಿಗತ ಆರೋಗ್ಯ ಸ್ಥಿತಿ, ಹವ್ಯಾಸ, ಕೌಟುಂಬಿಕ ಆರೋಗ್ಯ ಹಿನ್ನೆಲೆ, ಮುಂತಾದವುಗಳ ಮೇಲೆ ಅವಲಂಬಿತವಾಗಿರುತ್ತವೆ. ವಯಸ್ಸು ಹೆಚ್ಚಾದಂತೆ ಕಂತಿನ ಬೆಲೆ ಹೆಚ್ಚಾಗುತ್ತದೆ.

2)ನಗದು ರಹಿತ ಸೌಲಭ್ಯ (Cashless Facility): ಆರೋಗ್ಯ ವಿಮಾ ಪಾಲಸಿಧಾರಕ, ನಿಗದಿತ ಆಸ್ಪತ್ರಗಳಲ್ಲಿ ಚಿಕಿತ್ಸೆ ಪಡೆದರೆ ಹಣ ಪಡೆಯದೇ ಚಿಕಿತ್ಸೆ ಪಡೆಯಬಹುದು.

3)ಆರೋಗ್ಯ ಪರೀಕ್ಷೆ (Medical Examination) ಯ ನಂತರವೇ ವಿಮಾಸೌಲಭ್ಯ ಪ್ರಾಪ್ತಿ.

4)ಈ ಹಿಂದೆ ಅನುಭವಿಸಿದ ಕಾಯಿಲೆ (Pre existing disease) ಗಳಿಗೆ ವಿಮಾರಕ್ಷಣೆ ಇಲ್ಲಾ. ಕೊನೇ ಪಕ್ಷ ಕೆಲವು ಅವಧಿಯವರೆಗಾದರೂ ರಕ್ಷಣೆ ಇಲ್ಲಾ.

5)ಪರಿಹಾರ ಕೋರಿಕೆ ಸಲ್ಲಿಸದೇ ಇರುವವರಿ(Immediate Care) ಗೆ ಬೋನಸ್ಸು  No Claim Bonus)  ನೀಡಲಾಗುವದು. ಮುಂದಿನ ಕಂತುಗಳನ್ನು ನೀಡುವಾಗ ಅದನ್ನು ನೀಡುವರು.

6)ಶಾಶ್ವತವಾಗಿ ಕೆಲವು ಕಾರಣ (Permanent Exclusions) : ಗಳಿಗೆ ವಿಮಾ ರಕ್ಷೆ ಇಲ್ಲಾ.

7)ವಿಮಾ ಪಾಲಿಸಿ ನೀಡಿದ ತಕ್ಷಣ ರಕ್ಷಣೆ (Immediate Care) : ಪ್ರಾರಂಭವಾಗುತ್ತದೆ.

8) ಉಳಿತಾಯ/ಸಾಲದಿಂದ ದೊಡ್ಡಮೊತ್ತದ ಹಣ ತೆಗೆಯುವ ಅವಶ್ಯಕತೆಯಿಲ್ಲ ( No need for lump sum from Savings or Loans).

24  ನವ್ಹಂಬರ್ 2014

ಆರೋಗ್ಯ ವಿಮಾ ಸೌಲಭ್ಯ ಯೋಜನೆ (Health insurance  Benefit Plan)ಗಳ ವಿಶೇಷತೆಗಳು ಯಾವುವು?

ಆರೋಗ್ಯ ವಿಮಾ ಸೌಲಭ್ಯ ಯೋಜನೆ (Health insurance  Benefit Plan)ಗಳ ವಿಶೇಷತೆಗಳು,

1)ಆರೋಗ್ಯ ವಿಮೆ ಕಂತಿನ ಬೆಲೆ (Pricing of Health Insurance): ಬೆಲೆಯ ನಿರ್ಧಾರ, ಆರೋಗ್ಯದ ಸ್ಥಿರತೆ, ಚಟಗಳು,ಹಾಗೂ ಪರಿವಾರದ ಆರೊಗ್ಯದ ಇತಿಹಾಸದ ಮೇಲೆ ಜರುಗುತ್ತದೆ.
ವ್ಯಕ್ತಿಯ ವಯಸ್ಸು ಚಿಕ್ಕದಿದ್ದಾಗ, ಆರೋಗ್ಯದ ಸ್ಥಿತಿ ಚೆನ್ನಾಗಿದ್ದಾಗ, ಆರೋಗ್ಯ ವಿಮೆ ಪಾಲಿಸಿ ಸುಲಭವಾಗಿ ಕಡಿಮೆ ದರದಲ್ಲಿ ಸಿಗುತ್ತದೆ. ವ್ಯಕ್ತಿಯ ವಯಸ್ಸು ದೊಡ್ಡದಾದಾಗ,, ಆರೋಗ್ಯದ ಸ್ಥಿತಿ ಚೆನ್ನಾಗಿರದಾಗ, ಆರೋಗ್ಯ ವಿಮೆ ಪಾಲಿಸಿ ಸುಲಭವಾಗಿ ಸಿಗುವದಿಲ್ಲಾ. ಸಿಕ್ಕರೂ ಹೆಚ್ಚಿನ ದರದಲ್ಲಿ ಸಿಗುತ್ತದೆ. ಹೀಗಾಗಿ ಚಿಕ್ಕ ವಯಸ್ಸಿಗೇ ಆರೋಗ್ಯ ವಿಮೆ ಪಾಲಿಸಿ ಖರೀದಿಸುವದು ಜಾಣತನದ ಲಕ್ಷಣವಾಗಿರುತ್ತದೆ.

2)ನಗದು ರಹಿತ ಸೌಲಭ್ಯ (Cashless facility) : ಆರೋಗ್ಯ ವಿಮಾ ಪಾಲಸಿಧಾರಕ, ವಿಮಾ ಕಂಪನಿಗಳೊಂದಿಗೆ ಒಪ್ಪಂದ ಮಾಡಿಕೊಂಡ ಆಸ್ಪತ್ರಗಳ ಸಮೂಹದಲ್ಲಿ ಚಿಕಿತ್ಸೆ ಪಡೆದಾಗ ನಗದು ಹಣ ನೀಡಬೇಕಾಗಿಲ್ಲಾ. ಚಿಕಿತ್ಸೆಯ ನಂತರ, ಚಿಕಿತ್ಸಾ ವೆಚ್ಚವನ್ನು, ಕಂಪನಿಯು ನೇರವಾಗಿ ಈ ಆಸ್ಪತ್ರೆಗೆ ತಲುಪಿಸುತ್ತದೆ.

3) ಆರೋಗ್ಯ ಪರೀಕ್ಷೆ (Medical Examination): ಆರೋಗ್ಯ ವಿಮಾ ಪಾಲಸಿ ಖರೀದಿಸುವ ಮುನ್ನ, ಗ್ರಾಹಕನ ಆರೋಗ್ಯ ಸ್ಥಿತಿಯನ್ನರಿಯಲು, ಆತನ ಆರೋಗ್ಯ ಪರೀಕ್ಷೆಯನ್ನು ವಿಮಾ ಕಂಪನಿಯು ಬಯಸುತ್ತದೆ.

4) ಹಿಂದೆ ಅನುಭವಿಸಿದ ಕಾಯಿಲೆಗಳು (Pre existing illness) : ಗ್ರಾಹಕನು ಈ ಹಿಂದೆ ಅನುಭವಿಸಿದ ಕಾಯಿಲೆಗಳಿಗೆ, ಪಾಲಿಸಿ ನೀಡಿದ ಕೂಡಲೇ, ಕಂಪನಿಯು ವಿಮಾ ರಕ್ಷಣೆಯನ್ನು ಅನುಗ್ರಹಿಸುವದಿಲ್ಲಾ. ಸಂದರ್ಭಕ್ಕೆ  ಅನುಸಾರವಾಗಿ, ಈ ಕಾಯಿಲೆಗಳನ್ನು ರಕ್ಷಣೆಯ ವ್ಯಾಪ್ತಿಯಿಂದ ಸದಾಕಾಲ ಇಲ್ಲವೆ ಕೆಲವು ಸಮಯ, ಹೊರಗಿಡಬಹುದು. ಎಷ್ಟು ಅವಧಿಯ ವರೆಗೆ ರಕ್ಷಣೆಯನ್ನು ಹೊರಗಿಡುತ್ತಾರೋ, ಆ ಅವಧಿಗೆ ನಿರೀಕ್ಷಣಾ ಅಥವಾ ಕಾಯುವ ಅವಧಿ (Wಚಿiಣiಟಿg Peಡಿioಜ ) ಎನ್ನುತ್ತಾರೆ.

5) ಪರಿಹಾರ ಕೇಳದ್ದಕ್ಕೆ ಬೋನಸ್ (No Claim Bonus): ವಿಮೆಯಲ್ಲಿ ಗ್ರಾಹಕರು ನೀಡುವ ಕಂತಿನ ಹಣ, ಅವರು ಪಡೆಯುವ ಪರಿಹಾರದ ಹಣಕ್ಕಿಂತ , ತೀರ ಚಿಕ್ಕದ್ದಾಗಿರುತ್ತದೆ. ಹೀಗಾಗಿ ಪರಿಹಾರ ಪಡೆದವರಿಗೆ ಪಾಲಸಿ ಮುಂದುವರೆಸುವಲ್ಲಿ ಯಾವ ಸಂಕೋಚ, ಅನಾಸಕ್ತಿ ಉಂಟಾಗುವದಿಲ್ಲಾ.
ಪರಿಹಾರ ಪಡೆಯದ ಗ್ರಾಹಕರಿಗೆ ಕೆಲವು ಬಾರಿ, ತಾವು ಹಿಂದೆ ‘ವ್ಯರ್ಥವಾಗಿ ವಿಮಾ ಕಂತು ನೀಡಿದೆವು’, ಅನ್ನುವ ಭಾವನೆ ಬರುವದು ಸುಲಭ. ಅವರು ಪಾಲಸಿಯನ್ನು ಮುಂದುವರೆಸಲು ಕೆಲವು ವೇಳೆ ಹಿಂದೇಟು ಹಾಕಬಹುದು. ಪರಿಹಾರ ಪಡೆಯದ ಇಂತಹ ಗ್ರಾಹಕರಿಗೆ ಪಾಲಿಸಿಯನ್ನು ಮುಂದುವರೆಸಲು, ಪ್ರೋತ್ಸಾಹ ನೀಡುವ ಸಲುವಾಗಿ ಕಂಪನಿಯು ಅವರಿಗೆ ಬೋನಸ್ ನೀಡುವದು. ಇದಕ್ಕೆ ಪರಿಹಾರ ಕೇಳದ್ದಕ್ಕೆ ನೀಡಲಾಗುವ ಬೋನಸ್ ಎಂದು ಕರೆಯ ಬಹುದು. ಇವರು ಮುಂದುವರೆಸುವ ವಿಮಾಕಂತನ್ನು ನೀಡುವಾಗ, ಆ ವಿಮಾಕಂತಿನಲ್ಲಿ ಈ ಬೋನಸ್ಸಿನ ಹಣವನ್ನು ಕಡಿಮೆ ಮಾಡಲಾಗುವದು.

6)ಶಾಶ್ವತವಾಗಿ ಅನ್ವಯವಾಗದ ಕೆಲವು ಕಾರಣಗಳು (Permanent Exclusions): ಮಾದಕ ದೃವ್ಯ ಸೇವನೆ, ವೈದ್ಯರ ಸಲಹೆಯನ್ನು ದಿಃಖರಿಸುವದು, ಇತ್ಯಾದಿ ಕಾರಣಗಳು, ವಿಮಾ ಪರಿಹಾರವನ್ನು ವಿಮೆಯ ವ್ಯಾಪ್ತಿಯಿಂದ ಶಾಶ್ವತವಾಗಿ ಹೊರಗೆ ಇಡುತ್ತವೆ.

7)ತತ್‍ಕ್ಷಣದಿಂದ ರಕ್ಷಣೆ ಪ್ರಾರಂಭ (Immediate Care ): ವಿಮಾ ಪಾಲಿಸಿಯ ಪ್ರಥಮ ಕಂತಿನ ರಸೀದಿ ನೀಡಿದ ತಕ್ಷಣದಿಂದಲೇ ವಿಮಾ ರಕ್ಷಣೆಯ ಕಾರ್ಯ ಪ್ರಾರಂಭವಗುತ್ತದೆ.

8)ಉಳಿತಾಯ/ಸಾಲದಿಂದ ದೊಡ್ಡಮೊತ್ತದ ಹಣದ ಅವಶ್ಯಕತೆಯಿಲ್ಲ (No need for Lump Sum from Savings or Loans) : ಈ ಪಾಲಸಿಯನ್ನು ತೆಗೆದುಕೊಂಡರೆ, ಅನಾರೋಗ್ಯ, ಗಂಭೀರ ಕಾಯಿಲೆಗಳನ್ನು ಎದುರಿಸುವ ಸಲುವಾಗಿ, ದೊಡ್ಡ ಮೊತ್ತದ ಹಣವನ್ನು ಪ್ರತ್ಯೇಕವಾಗಿ ತೆಗೆದಿಡುವ ಪ್ರಸಂಗ ತಪ್ಪುತ್ತದೆ, ಆಥವಾ ಇಂತಹ ಘಟನೆಗಳು ಸಂಭವಿಸಿದಾಗ ದೊಡ್ಡ ಮೊತ್ತದ ಸಾಲವನ್ನು ಮಾಡುವ ಪ್ರಸಂಗ ತಪ್ಪುತ್ತದೆ.

23 ನವ್ಹಂಬರ್ 2014

ದೈನಂದಿನ ಆಸ್ಪತ್ರೆ ನಗದು ಸೌಲಭ್ಯ ಯೋಜನೆಯ (Daily Hospitalisation Cash Benefit   Plan) ವಿಶೇಷತೆಗಳು ಯಾವುವು?

ದೈನಂದಿನ ಆಸ್ಪತ್ರೆ ನಗದು ಸೌಲಭ್ಯ ಯೋಜನೆಯ ವಿಶೇಷತೆಗಳು, ಆಸ್ಪತ್ರಗೆ ದಾಖಲಾದರೆ,
• ಪೂರ್ವ ನಿಗದಿತ ದರದಲ್ಲಿ ದೈನಂದಿನ ವೆಚ್ಚಕ್ಕೆ ಪರಿಹಾರ.
• ದೈನಂದಿನ ನಿಜವಾದ ವೆಚ್ಚ ಎಷ್ಟೇ ಆದರೂ, ಪರಿಹಾರ ನೀಡಿಕೆ ಪೂರ್ವ ನಿಗದಿತ ದರದಲ್ಲಿಯೇ.
• ತುರ್ತು ನಿಗಾ ಘಟಕ (Emergency Cell) ದಲ್ಲಿ ಚಿಕಿತ್ಸೆ ಪಡೆದರೆ , ದೈನಂದಿನ ಪರಿಹಾರ ಮೊತ್ತದಲ್ಲಿ ಹೆಚ್ಚಳ.

22 ನವ್ಹಂಬರ್ 2014

ಆರೋಗ್ಯ ವಿಮೆ (Health Insurance) ಯ ಪ್ರಕಾರಗಳು ಯಾವುವು?

ಆರೋಗ್ಯ ವಿಮೆಯ (Health Insurance) ಪ್ರಕಾರಗಳು,
• ವ್ಯಕ್ತಿಗತ ಆರೋಗ್ಯ ವಿಮಾ ಪಾಲಿಸಿ. (ಸ್ವಂತಕ್ಕಾಗಿ) (Individual Health Insurance Policy for Self.)
• ಫ್ಯಾಮಿಲಿ ಫ್ಲೋಟರ್ ಆರೋಗ್ಯ ವಿಮಾ ಪಾಲಿಸಿ. (ಕುಟುಂಬದ ಸದಸ್ಯರೆಲ್ಲರಿಗೂ) (Family Floater  Health Insurance Policy for family members)
• ಗುಂಪು ಆರೋಗ್ಯ ವಿಮಾ ಪಾಲಿಸಿ. (ಗುಂಪಿನ ಸದಸ್ಯರೆಲ್ಲರಿಗೂ) (Group Health Insurance Policy for group members)
• ದೈನಂದಿನ ಆಸ್ಪತ್ರೆ ನಗದು ಸೌಲಭ್ಯ ಯೋಜನೆ (Daily Hospitalisation Cash Benefit Plan),
     

21 ನವ್ಹಂಬರ್ 2014

ಪೆನ್ಶನ್ ಯೋಜನೆ (Pension Plans) ಗಳು ಯಾಕೆ ಬೇಕು?

ಪೆನ್ಶನ್ ಯೋಜನೆ (Pension Plans) ಗಳು ಯಾಕೆ ಬೇಕೆಂದರೆ,

• ಜೀವಿತ ಅವಧಿ (Longitivity period) ಯು ಹೆಚ್ಚಾಗುತ್ತಿದೆ.
• ನಿವೃತ್ತಿ ನಂತರವೂ ಜೀವನ ಶೈಲಿ ಮಟ್ಟ (level of life style) ವನ್ನು ಕಾಪಾಡಿಕೊಳ್ಳುವದು ಅವಶ್ಯಕವಾಗಿದೆ.
• ಬದಲಾದ ಸಾಮಾಜಿಕ ಪರಿಸ್ಥಿತಿಯಲ್ಲಿ, ನಿವೃತ್ತಿ ಜೀವನಕ್ಕೆ ಬೇರೆಯವರ ಮೇಲೆ ಅವಲಂಬಿಸುವದು ಕಷ್ಟಕರವಾಗಿದೆ.
     
  

20 ನವ್ಹಂಬರ್ 2014

ಹೆಚ್ಚುವರಿ ವಿಮಾ ಸೌಲಭ್ಯ (ಖiಜeಡಿ ಃeಟಿeಜಿiಣs ) ಗಳನ್ನು ಖರೀದಿಸುವಲ್ಲಿ ಹೆಚ್ಚಿನ ಪ್ರಯೋಜನಗಳೇನು?

• ಹೆಚ್ಚುವರಿ ವಿಮಾ ಸೌಲಭ್ಯ (Rider Benefits)ಗಳನ್ನು ಪ್ರತ್ಯೇಕವಾಗಿ ಖರೀದಿಸಲು ಬರುವದಿಲ್ಲಾ. ಅವುಗಳನ್ನು ಮೂಲ ವಿಮಾಸರಕುಗಳಿಗೆ ಜೊತೆಯಾಗಿಯೇ ಖರೀದಿಸ ಬೇಕಾಗುವದು.
• ಮೂಲ ಸರಕುಗಳ ಜೊತೆ ಮಾರಾಟವಾಗುವ, ಹೆಚ್ಚುವರಿ ವಿಮಾ ಸೌಲಭ್ಯ (Insurance Rider Benefits) ಗಳು, ಬೆಲೆಯಲ್ಲಿ ತುಂಬಾ  ಅಗ್ಗವಾಗಿರುತ್ತವೆ.
• ಹೆಚ್ಚುವರಿ ವಿಮಾ ಸೌಲಭ್ಯ (Insurance Rider Benefits) ಗಳನ್ನು , ವಿವಿಧ ರೀತಿಗಳಲ್ಲಿ, ವಿವಿಧ ಪ್ರಮಾಣಗಳಲ್ಲಿ, ಅನಕೂಲಕರ ಅವಧಿಗಳಿಗೆ ಜೋಡಿಸಲು ಸಾಧ್ಯವಿರುವದರಿಂದ, ಒಟ್ಟಾರೆ ವಿಮಾ ಸೌಲಭ್ಯಗಳ ಬೇಡಿಕೆಗಳನ್ನು ಸಮರ್ಥವಾಗಿ ಈಡೇರಿಸಬಹುದು.

19 ನವ್ಹಂಬರ್ 2014

 ಆರೋಗ್ಯವಂತನಾಗಿದ್ದಾಗಲೇ ಆರೋಗ್ಯ ವಿಮೆ (Health Insurance) ಯನ್ನು ಯಾಕೆ ಖರೀದಿಸಬೇಕು?

 ಆರೋಗ್ಯವಂತನಾಗಿದ್ದಾಗಲೇ ಆರೋಗ್ಯ ವಿಮೆಯನ್ನು ಯಾಕೆ ಖರೀದಿಸಬೇಕು, ಯಾಕಂದರೆ:
• ದೀರ್ಘ ಜೀವನದಲ್ಲಿ ಸದಾಕಾಲ, ಆರೋಗ್ಯವಂತನಾಗಿರುವದು ಅಸಾಧ್ಯ.
• ಕಾಯಿಲೆ ಸಂಭವಿಸಿದಾಗ ಆರೋಗ್ಯ ಪಾಲನೆ ವೆಚ್ಚ ದುಬಾರಿಯಾಗಿದೆ.
• ಆರೋಗ್ಯವಂತನಾಗಿದ್ದಾಗಲೇ ಆರೋಗ್ಯ ವಿಮೆಯನ್ನು ಖರೀದಿಸುವದು ಸುಲಭ.
• ಅನಾರೋಗ್ಯವಂತನಿಗೆ ಆರೋಗ್ಯ ವಿಮೆಯನ್ನು ಖರೀದಿಸುವದು ಅಸಾಧ್ಯ.

18  ನವ್ಹಂಬರ್ 2014

 ಆರೋಗ್ಯ ವಿಮೆ (Health Insurance) ಯ ಅವಶ್ಯಕತೆ ಯಾಕೆ ಹೆಚ್ಚಾಗಿದೆ?

 ಆರೋಗ್ಯ ವಿಮೆಯ ಅವಶ್ಯಕತೆ ಯಾಕೆ ಹೆಚ್ಚಾಗಿದೆಯೆಂದರೆ,
• ಮಹಾ ಶಸ್ತ್ರ ಚಿಕಿತ್ಸೆಗಳ ವೆಚ್ಚ (Major Surgical Expense) ದುಬಾರಿಯಾಗಿದೆ.
• ದೀರ್ಘಕಾಲೀನ ಆಸ್ಪತ್ರೆ ಚಿಕಿತ್ಸೆ (Long term Hospitalisation expense) ವೆಚ್ಚವೂ ದುಬಾರಿಯಾಗಿದೆ.
• ಜೀವಿತ ಅವಧಿಯ ಹೆಚ್ಚಳದೊಂದಿಗೆ, ಅನಾರೋಗ್ಯಕ್ಕೆ ಈಡಾಗುವ ಸಾಧ್ಯತೆಯೂ ಹೆಚ್ಚಾಗಿದೆ.

17  ನವ್ಹಂಬರ್ 2014

ಭಾರತದಲ್ಲಿ ಜೀವಿತ ಅವಧಿಯ ಕಾಲ (Longitivity Period )  ಎಷ್ಟಿದೆ?

ಭಾರತದಲ್ಲಿ ಜೀವಿತ ಅವಧಿಯ ಕಾಲ (Longitivity Period ) , ಉದ್ಯೋಗ ನಿವೃತ್ತಿಯ ವಯಸ್ಸಿ (Retirement age)  ಗಿಂತ, ಅಂದರೆ 60 ವರ್ಷಗಳಗಿಂತ ಅಧಿಕವಾಗಿದೆ.

16 ನವ್ಹಂಬರ್ 2014

ಉಳಿತಾಯ ಸರಕುಗಳ ಕಾಲಾವಧಿ- (Term of Saving Products ) ಎಂದರೇನು?

 ಅವಶ್ಯಕೆಗಳನ್ನು ಕಾಲಾವಧಿಗಳಿಗೆ ತಕ್ಕಂತೆ, ಚಿಕ್ಕ ಕಾಲಾವಧಿಯ, ಮಧ್ಯಮ ಕಾಲಾವಧಿಯ, ದೀರ್ಘ ಕಾಲಾವಧಿಯ ಅವಶ್ಯಕತೆಗಳೆಂದು ವಿಂಗಡಿಸ ಬಹುದು. ಇದಕ್ಕೆ ಸಮಾನಾಂತರವಾಗಿ ಉಳತಾಯದ ಸರಕುಗಳನ್ನೂ, ಚಿಕ್ಕ ಕಾಲಾವಧಿಯ, ಮಧ್ಯಮ ಕಾಲಾವಧಿಯ, ದೀರ್ಘ ಕಾಲಾವಧಿಯ ಸರಕುಗಳೆಂದು ವಿಂಗಡಿಸ ಬಹುದು. ಉದಾಹರಣೆಗೆ ;
1) ಚಿಕ್ಕ ಕಾಲಾವಧಿಯ ಸರಕುಗಳು (Short Term Products ) : 1 ರಿಂದ 5 ವರ್ಷಗಳ ಅವಧಿಗಳ   ಸರಕುಗಳು.
2) ಮಧ್ಯಮ ಕಾಲಾವಧಿಯ ಸರಕುಗಳು (medium Term Products ) : 6 ರಿಂದ 14 ವರ್ಷಗಳ ಅವಧಿಗಳ ಸರಕುಗಳು.
3) ದೀರ್ಘ ಕಾಲಾವಧಿಯ ಸರಕುಗಳು (Long Term Products )   : 15 ವರ್ಷಗಳಿಗೆ ಮಿಕ್ಕದ ವರ್ಷಗಳ ಅವಧಿಗಳ ಸರಕುಗಳು.

15 ನವ್ಹಂಬರ್ 2014

 ಉಳಿತಾಯದ ಅವಶ್ಯಕತೆಗಳ ಆದ್ಯತೆಗಳನ್ನು ಹೇಗೆ ನಿರ್ಧರಿಸ ಬೇಕು? 

• ಪ್ರಥಮ ಆದ್ಯತೆ  :  ತುರ್ತು ನಿಧಿಗಾಗಿ ಉಳಿಸುವದು - (Save for Emergencu Fund) .ಹಟಾತ್ತನೆ ಉದ್ಭವಿಸುವ ಆದರೆ ತಪ್ಪಿಸಿ ಕೊಳ್ಳಲಾಗದ ಆರ್ಥಿಕ ಬೇಡಿಕೆಗಳ ಈಡೇರಿಕೆಗಾಗಿ, (ಅನಾರೋಗ್ಯ/ಅಪಘಾತ/ನಿರುದ್ಯೋಗ/ಇತ್ಯಾದಿ.) ಕನಿಷ್ಠ 6 ತಿಂಗಳ ಆದಾಯದ ಗಾತ್ರದ ತುರ್ತು ನಿಧಿಯನ್ನು ನಿರ್ಮಿಸಬೇಕು. ತುರ್ತು ನಿಧಿಗಾಗಿ ಎರಡು ತಿಂಗಳ ಹಣವನ್ನು ಬ್ಯಾಂಕ ಎಸ್.ಬಿ. ಖಾತೆಯಲ್ಲಿ, ಬಾಕೀ ಹಣವನ್ನು ಮ್ಯೂಚುವಲ್ ಫಂಡಿನ ಸಾಲನಿಧಿಯಲ್ಲಿ ಹೂಡಿಕೆ ಮಾಡ ಬಹುದು.              
• ಎರಡನೆಯ ಆದ್ಯತೆ : ವಿಮೆಗಾಗಿ ಉಳಿಸುವದು- (Save for Insurance). 
ಆಕಸ್ಮಿಕ ಮರಣ (un anticipated death )ದಿಂದ ಆದಾಯ ಮೂಲ ಗಳಿಕೆಗಳನ್ನು ಸಂರಕ್ಷಿಸುವದು. ಸಾಕಾಗುವಷ್ಟು ಮೊತ್ತಕ್ಕೆ ವಿಮೆ ಖರೀದಿಸುವದನ್ನು ಮರೆಯ ಬಾರದು. ಅವಧಿ ವಿಮೆಯನ್ನು ತುಂಬಾ ಅಗ್ಗದ ದರದಲ್ಲಿ ಖರೀದಿಸಬಹುದು. ಸಾಕಾಗುವಷ್ಟು ಮೊತ್ತಕ್ಕೆ ವಿಮೆ ಖರೀದಿಸಿದ ನಂತರವೇ ಉಳಿದ ಉಳಿತಾಯದ ಅವಶ್ಯಕತೆಗಳ ಬಗ್ಗೆ ಯೋಚಿಸ ಬೇಕು. 
      
ಆಕಸ್ಮಿಕ ಅಪಘಾತ  (un anticipated accident) ಗಳಿಂದ ಆದಾಯ ಮೂಲ ಗಳಿಕೆಗಳನ್ನು  ಸಂರಕ್ಷಿಸುವದು.ಅಪಘಾತಗಳಿಂದ ಬದುಕಿ, ಆದಾಯ ನಿಂತು ಹೋದರೆ, ಸರಿಯಾದ ವ್ಯವಸ್ಥೆ ಮಾಡಿಕೊಳ್ಳಲು ಹೆಚ್ಚುವರಿ ಅಪಘಾತ ವಿಮೆ ಸೌಲಭ್ಯಗಳನ್ನು ಖರೀದಿಸುವದಕ್ಕೆ ಮರೆಯಬಾರದು. ಕೆಲವು ಬಾರಿ  ಪ್ರತ್ಯೇಕ ಅಪಘಾತ ವಿಮೆ ಪಾಲಸಿಗಳನ್ನು ಖರೀದಿಸ ಬಹುದು.
ಆಕಸ್ಮಿಕ ಗಂಭೀರ ಕಾಯಿಲೆ (un anticipated critical illness) ಗಳಿಂದ ಆದಾಯ ಮೂಲ ಗಳಿಕೆಗಳನ್ನು ಸಂರಕ್ಷಿಸುವದು. ಆಕಸ್ಮಿಕ ಗಂಭೀರ ಕಾಯಿಲೆಗಳಿಂದ  ಆದಾಯ ನಿಂತು ಹೋದರೆ, ಸರಿಯಾದ ವ್ಯವಸ್ಥೆ ಮಾಡಿಕೊಳ್ಳಲು ಹೆಚ್ಚುವರಿ ಅಪಘಾತ ವಿಮೆ ಸೌಲಭ್ಯಗಳನ್ನು ಖರೀದಿಸುವದಕ್ಕೆ ಮರೆಯಬಾರದು. ಕೆಲವು ಬಾರಿ  ಪ್ರತ್ಯೇಕ ಅಪಘಾತ ವಿಮೆ ಪಾಲಸಿಗಳನ್ನು ಖರೀದಿಸಬಹುದು. ಕುಟುಂಬದ ಸದಸ್ಯರೆಲ್ಲರಿಗೂ ಒಂದೇ ಪಾಲಿಸಿಯ ಮೂಲಕ ಅಪಘಾತ ವಿಮೆ ಪಾಲಸಿ ಖರೀದಿಸ ಬಹುದು.  
       
• ನಂತರದ ಆದ್ಯತೆ  :  ಮಕ್ಕಳ ಶಿಕ್ಷಣ/ಮದುವೆ (children’s education / marriage) ಗೆ ಅನಕೂಲಕರ ವಿಮೆ ಪಾಲಸಿಗಳ ಮೂಲಕ ಉಳಿತಾಯ ಮಾಡುವದು.
       ಈ ಪಾಲಿಸಿಗಳಲ್ಲಿ ವಿಮಾ ಖರೀದಿದಾರ ನಿಧನನಾದರೂ, ಕೂಡಲೇ ಹಣ ನೀಡದೆ, ಮಕ್ಕಳ  ಶಿಕ್ಷಣ/ ಮದುವೆಯ ಸಮಯದಲ್ಲಿಯೇ ಪರಿಹಾರ ಹಣವನ್ನು ನೀಡಲಾಗುವದು.    
        ಸಕಾಲದಲ್ಲಿ ಪಡೆದ ಹಣದ ಮೌಲ್ಯ ಅಘಾದವಾಗಿರುತ್ತದೆ.
• ನಂತರದ ಆದ್ಯತೆ  : ಆಸ್ತಿಗಳ ಗಳಿಕೆಗಾಗಿ/ರಕ್ಷಣೆಗಾಗಿ ಉಳಿಸುವದು - (Save for creation / maintainance of assets).     
       ಮನೆ/ವಾಹನ/ಜೀವನಾವಶ್ಯಕ ವಸ್ತುಗಳಿಗಾಗಿ. ಇವುಗಳಿಗಾಗಿ ಉಳಿಕೆಯ ಹಣ ಬಳಸ ಬಹುದು, ಅಥವಾ ಸಾಲದ ಹಣ ಪಡೆಯ ಬಹುದು. ಸಾಲದ ಹಣಕ್ಕೆ ವಿಮೆ 
       ತೆಗೆದುಕೊಳ್ಳುವದನ್ನು ಮರೆಯ   ಬಾರದು. ಸಾಲ ವಾಪಸಾತಿ ಕಂತಿನ ನಿವ್ವಳದ ಗರಿಷ್ಠ ಮೊತ್ತ, ನಿವ್ವಳ ವೇತನದ 40% ಮಿಕ್ಕಬಾರದು. ಮನೆ ಖರೀದಿಸಲು ಸಾಲ  
       ಪಡೆಯುವಾಗ, ಬ್ಯಾಂಕುಗಳು ಮನೆಯ ಬೆಲೆಯ 100% ಮೊತ್ತಕ್ಕೆ ಸಾಲ  ನೀಡದೇ 75% ಅಥವಾ 80% ಮೊತ್ತಕ್ಕೆ ಸಾಲ ನೀಡುತ್ತದೆ.      
• ಕೊನೆಯ ಆದ್ಯತೆ  :  ನಿವೃತ್ತಿ ಜೀವನಕ್ಕೆ ಉಳಿಸುವದು - (Save for Retired Life) .                                                
ನೌಕರ ವರ್ಗಕ್ಕೆ ನಿವೃತ್ತಿ ವೇತನ ಸೌಲಭ್ಯಗಳು; ಪೆನ್ಶನ್, ಇ.ಪಿ.ಎಫ್, ಸೌಲಭ್ಯಗಳು ಮಾಲೀಕರಿಂದ ದೊರೆಯತ್ತವೆ. ಇವುಗಳು ಸಾಕಾಗದಿದ್ದರೆ ಹೆಚ್ಚಿ ಹಣಕ್ಕೆ ನಿವೃತ್ತಿ ಸೌಲಭ್ಯ ಸರಕುಗಳನ್ನು ಕೊಳ್ಳಬೇಕು. ಸ್ವತಂತ್ರವಾಗಿ ಗಳಿಸುವ ಜನರು ನಿವೃತ್ತಿ ವೇತನ ಸೌಲಭ್ಯಗಳಿಗಾಗಿ ಸಂಪೂರ್ಣ ಉಳಿತಾಯವನ್ನು ತಾವೇ ಸ್ವತಃ ಮಾಡಿಕೊಳ್ಳ ಬೇಕಾಗುತ್ತದೆ. ಇದಕ್ಕಾಗಿ ದೀರ್ಘಾವಧೀ ಸರಕುಗಳಲ್ಲಿ ಉಳಿತಾಯ ಮಾಡಬೇಕು.•



ಇನ್ನೂ ಕೊನೆಯ ಆದ್ಯತೆ : ಆದಾಯ ಕರ ರಿಯಾಯತಿಗಾಗಿ ಉಳಿತಾಯ ಮಾಡುವದು - (Save for Income Tax Rebate) .  ಆದಾಯ ಕರ ರಿಯಾಯತಿಗಾಗಿಯೇ  ಉಳಿಸುವದು ಜಾಣರ ಲಕ್ಷಣವಲ್ಲ. ಅವಶ್ಯಕತೆಗಳ ಈಡೇರಿಕೆಗಾಗಿ ಸರಕುಗಳನ್ನು ಖರೀದಿಸುವಾಗ ದೊರೆಯ ಬಹುದಾದ ಕರ ರಿಯಾಯತಿಗಳನ್ನು ನಿರ್ಲಕ್ಷಿಸುವದು ಮೂರ್ಖತನವಾಗುತ್ತದೆ. 

14 ನವ್ಹಂಬರ್ 2014

 ಉಳಿತಾಯ ಸರಕುಗಳ ಗಳಿಕೆಯ ದರ (Rate of Return)    ದ ಮೇಲೆ, ರಿಝರ್ವ ಬ್ಯಾಂಕ ನಿರ್ಧರಿಸುವ ಬಡ್ಡಿ ದರದ ಪರಿಣಾಮ ಏನಾಗುತ್ತದೆ?

 ರಿಝರ್ವ ಬ್ಯಾಂಕ ಆಫ್ ಇಂಡಿಯಾ ತನ್ನ ಬಡ್ಡಿ ದರ (Rate of Interest)   ದಲ್ಲಿ ಬದಲಾವಣೆ ಕೈಕೊಳ್ಳುವ ಮೂಲಕ, ಆರ್ಥಿಕ ಕ್ಷೇತ್ರದ ಬೆಳವಣಿಗೆಯ ಮೇಲೆ ನಿಯಂತ್ರಣ ಸಾಧಿಸ ಬಯಸುತ್ತದೆ.
ರಿಝರ್ವ ಬ್ಯಾಂಕ ಆಫ್ ಇಂಡಿಯಾ ತನ್ನ ಬಡ್ಡಿ ದರ (Rate of Interest)   ಹೆಚ್ಚಿಸಿದಾಗ, ಬ್ಯಾಂಕ ಠೇವಣಿ/ಬಾಂಡ್ ಹೂಡಿಕೆಗಳ ಗಳಿಕೆ ದರದಲ್ಲಿ ಹೆಚ್ಚಳ ಉಂಟಾಗುತ್ತದೆ. ಶೇರುಗಳ ಬೆಲೆ ಇಳಿಮುಖವಾಗಿತ್ತದೆ.
(ಇದಕ್ಕೆ ಕಾರಣ : 1) ಕಂಪನಿಗಳು ಪಡೆದ ಸಾಲದ ಬಡ್ಡಿಯ ಭಾರ ಹೆಚ್ಚಾಗಿ ಅವುಗಳ ಲಾಭ ಕಡಿಮೆಯಾಗುತ್ತದೆ. 2) ಬ್ಯಾಂಕ ಠೇವಣಿ/ಬಾಂಡ್ ಹೂಡಿಕೆಗಳ ಬಡ್ಡಿ ದರ ಹೆಚ್ಚಾಗುವದರಿಂದ, ಹೆಚ್ಚಿನ ಪ್ರಮಾಣದ ಹೂಡಿಕೆಯ ಹಣ ಪ್ರವಾಹ ಈ ದಿಕ್ಕಿನಲ್ಲಿ ಭರದಿಂದ ಸಾಗುತ್ತದೆ, ಮತ್ತು ಶೇರು ಮಾರುಕಟ್ಟೆಯಲ್ಲಿ ನಿಧಾನವಾಗಿ ಸಾಗುತ್ತದೆ.) 
ರಿಝರ್ವ ಬ್ಯಾಂಕ ಆಫ್ ಇಂಡಿಯಾ ತನ್ನ ಬಡ್ಡಿ ದರ (Rate of Interest)   ಇಳಿಸಿದಾಗ, ಬ್ಯಾಂಕ ಠೇವಣಿ/ಬಾಂಡ್ ಹೂಡಿಕೆಗಳ ಗಳಿಕೆ ದರ(Rate of Return) ದಲ್ಲಿ   ಕಡಿತÀ ಉಂಟಾಗುತ್ತದೆ. ಶೇರುಗಳ ಬೆಲೆ ಆಕರ್ಷಕವಾಗಿ ಏರುಮುಖವಾಗಿತ್ತದೆ.
(ಇದಕ್ಕೆ ಕಾರಣ : 1) ಕಂಪನಿಗಳು ಪಡೆದ ಸಾಲದ ಬಡ್ಡಿಯ ಭಾರ ಕಡಿಮೆಯಾಗಿ ಅವುಗಳ ಲಾಭ ಹೆಚ್ಚಾಗುತ್ತದೆ. 2) ಬ್ಯಾಂಕ ಠೇವಣಿ/ಬಾಂಡ್ ಹೂಡಿಕೆಗಳ ಬಡ್ಡಿ ದರ ಕಡಿಮೆಯಾಗುವದರಿಂದ, ಹೆಚ್ಚಿನ ಪ್ರಮಾಣದ ಹೂಡಿಕೆಯ ಹಣ ಪ್ರವಾಹ ಈ ದಿಕ್ಕಿನಲ್ಲಿ ಕ್ಷೀಣವಾಗಿ ಸಾಗುತ್ತದೆ, ಮತ್ತು ಶೇರು ಮಾರುಕಟ್ಟೆಯಲ್ಲಿ ಭರದಿಂದ ಸಾಗುತ್ತದೆ.) 

13  ನವ್ಹಂಬರ್ 2014

9- ಖಾಲೀ ನಿವೇಶನ/ಬೆಳ್ಳಿ ಬಂಗಾರ/ ಕಲಾತ್ಮಕ ವಸ್ತುಗಳಲ್ಲಿ ಹೂಡಿಕೆಗಳು.

1. ಹೂಡಿಕೆಯ ರೀತಿ -(Investment  style)  : ಸಾಮಾನ್ಯವಾಗಿ ಒಂದೇ ಕಂತಿನಲ್ಲಿ.

2. ಆದಾಯದ  ರೀತಿ-( Income style of Investment):  ಆಸ್ತಿ ಮಾರಾಟಮಾಡಿದಾಗ ದೊರಕುವ ಲಾಭದ ಮೂಲಕ.

3. ಗಳಿಕೆಯ ಖಚಿತತೆ- ( Guarantee for income from  Investment) :           ಖಚಿತವಾದ ಗಳಿಕೆದರ ಇಲ್ಲಾ.

4. ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆತಕ್ಕೆ  ಅವಕಾಶ - ( Scope for withdrawl  from  Investment)   : ಹೂಡಿಕೆಯ  ಹಿಂತೆಗೆತಕ್ಕೆ  ಅವಕಾಶ  ಇಲ್ಲಾ. ಮಾರಾಟದ ಮೂಲಕವೇ ಹೂಡಿಕೆ ಹಣ ಮರಳಿ ಪಡೆಯಬೇಕು. ಹಿಂತೆಗೆತದ ವಿಧಾನ ಸುಲಭವಿಲ್ಲಾ.

5 ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆದರೆ ದಂಡ.  (Penalty for withdrawl  from  I.nvestment) :    ಹೂಡಿಕೆಯ  ಹಿಂತೆಗೆತಕ್ಕೆ  ಅವಕಾಶ  ಇಲ್ಲಾ. ಹೀಗಾಗಿ ದಂಡಕ್ಕೆ ಆಸ್ಪದವಿಲ್ಲಾ. ಮಾರುಕಟ್ಟೆಯ ಪರಿಸ್ಥಿತಿ ಅನಾನಕೂಲವಾಗಿದ್ದಾಗ ಆಸ್ತಿ ಮಾರಾಟ ಮಾಡಿದರೆ, ಭಾರಿ ಹಾನಿಯನ್ನುಂಟು ಮಾಡುತ್ತದೆ.

6.ಹೂಡಿಕೆಯಲ್ಲಿ - ಅಪಾಯ ಮಟ್ಟ (risk in investment) : 
    ಗಳಿಕೆಯ ದರದಲ್ಲಿ ಬಾರೀ ಅನಿಶ್ಚಿತತೆ ಇದೆ. ಮಾರಾಟ ಮಾಡಿದ ಸಮಯದಲ್ಲಿದ್ದ, ಮಾರುಕಟ್ಟೆಯ ದರದ ಮೇಲೆಯೇ ಗಳಿಕೆದರ ನಿರ್ಧಾರವಾಗುತ್ತದೆ.

12 ನವ್ಹಂಬರ್ 2014

8 - ಮ್ಯೂಚುವಲ್ ಫಂಡಗಳು (ನಿಧಿಗಳು.)

1 .ಹೂಡಿಕೆಯ ರೀತಿ -(Investment  style) :  ಒಂದೇ ಕಂತಿನಲ್ಲಿ, ಇಲ್ಲವೇ ನಿರಂತರ ಕಂತುಗಳಲ್ಲಿ,
ಅಸಂಖ್ಯಾತ ಗ್ರಾಹಕರು, ವಂತಿಗೆಗಳ ಮೂಲಕ ಹಣವನ್ನು, ಫಂಡ ಮ್ಯಾನೇಜರ ಮೂಲಕ ಶೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡುವನು. ಹೂಡಿಕೆ ಹಣಕ್ಕೆ ಶೇರುಗಳಿಗೆ ಬದಲಿಯಾಗಿ ಯುನಿಟ್‍ಗಳನ್ನು ಮಾರುಕಟ್ಟೆ ದರದಲ್ಲಿ ಪಡೆಯುವರು.

2. ಆದಾಯದ  ರೀತಿ- ( Income style of Investment) :   ಯುನಿಟ್‍ಗಳ ಮೇಲೆ ಡಿವಿಡೆಂಡ ಸಿಗುವದು, ಕೆಲವು ಬಾರಿ ಬೋನಸ್ ಯುನಿಟ್‍ಗಳು ದೊರಕಬಹುದು. ಯುನಿಟ್‍ಗಳನ್ನು ಮಾರಾಟ ಮಾಡಿದಾಗ ಲಾಭ/ಹಾನಿಗಳ ಸಾಧ್ಯತೆ ಇದೆ.

3. ಗಳಿಕೆಯ ಖಚಿತತೆ ( Guarantee for income from  Investment) : ಖಚಿತವಾದ ಗಳಿಕೆದರ ಇಲ್ಲಾ. 

4. ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆತಕ್ಕೆ  ಅವಕಾಶ-( Scope for withdrawl  from  Investment) :  ಮಾರುಕಟ್ಟಯಲ್ಲಿ ಮರಾಟದ ಮೂಲಕ, ಹೂಡಿಕೆಯ ಹಿಂತೆಗೆತಕ್ಕೆ  ಅವಕಾಶ  ಇದೆ. ಹಿಂತೆಗೆತದ ವಿಧಾನ ಸುಲಭವಾಗಿದೆ.

5. ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆದರೆ ದಂಡ - (Penalty for withdrawl  from  Investment) :    ಲಾಕ್ ಇನ್ ಅವಧಿಗೆ ಮುಂಚೆ ಮಾರಿದರೆ ದಂಡ ನೀಡಬೇಕಾಗುವದು.

6. ಹೂಡಿಕೆಯಲ್ಲಿ - ಅಪಾಯ ಮಟ್ಟ (risk in investment) :
  ಫಂಡ ಮ್ಯಾನೇಜರ ತಜ್ಞನಾಗಿರುದರಿಂದ, ಹೂಡಿಕೆಯು ವಿವಿಧ ಕಂಪನಿಗಳಲ್ಲಿ ಹಂಚಿ ಹೋಗುವದರಿಂದ, ಹೂಡಿಕೆಯ ಅಪಾಯ ಮಟ್ಟವೂ ಕಡಿಮೆಯಾಗಿದೆ. ದೀರ್ಘಾವಧಿಯಲ್ಲಿ ಯೋಗ್ಯ ಮಟ್ಟದ ಗಳಿಕೆ ಮಾಡಿಕೊಳ್ಳಬಹುದು. ಗಳಿಕೆಯ ದರದಲ್ಲಿ ಹೊಯ್ದಾಟ ಕಡಿಮೆಯಾಗಿರುವದು.

7. ಹೂಡಿಕೆಯಲ್ಲಿ -ಬದಲಾವಣೆಗೆ ಆಸ್ಪದ (Scope for changes in  Investment) :   ಇಲ್ಲಾ.

11 ನವ್ಹಂಬರ್ 2014

7 - ಶೇರು ಮಾರುಕಟ್ಟೆ ಸರಕುಗಳು.

1. ಹೂಡಿಕೆಯ ರೀತಿ-( Invetment style):  ಒಂದೇ ಕಂತಿನಲ್ಲಿ, 

2. ಆದಾಯದ  ರೀತಿ-( Income style of Investment) :    ಶೇರುಗಳ ಮೇಲೆ ಡಿವಿಡೆಂಡ ಸಿಗುವದು, ಕೆಲವು ಬಾರಿ ಬೋನಸ್ ಶೇರು ದೊರಕ ಬಹುದು. ಶೇರು ಮಾರಾಟ ಮಾಡಿದಾಗ ಲಾಭ/ಹಾನಿಗಳ ಸಾಧ್ಯತೆ ಇದೆ.

3. ಗಳಿಕೆಯ ಖಚಿತತೆ- ( Guarantee for income from  Investment):   ಖಚಿತವಾದ ಗಳಿಕೆದರ ಇಲ್ಲಾ. 

4. ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆತಕ್ಕೆ  ಅವಕಾಶ     ( Scope for withdrawl  from  Investment)   ಶೇರು ಮಾರುಕಟ್ಟಯಲ್ಲಿ ಮರಾಟದ ಮೂಲಕ, ಹೂಡಿಕೆಯ  ಹಿಂತೆಗೆತಕ್ಕೆ  ಅವಕಾಶ  ಇದೆ.ಹಿಂತೆಗೆತದ ವಿಧಾನ ಸುಲಭವಾಗಿದೆ.

5. ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆದರೆ ದಂಡ. (Penalty for withdrawl  from  Investment) :  ದಂಡದ ಪ್ರಶ್ನೆ ಉದ್ಭವಿಸುವದಿಲ್ಲಾ. ಒಂದೇ ಕಂತಿನಲ್ಲಿ ಹೂಡಿಕೆಯಾಗುವದರಿಂದ, ಹೂಡಿಕೆಗೆ ಯಾವ ಅವಧಿ ಇಲ್ಲಾ. 

6. ಹೂಡಿಕೆಯಲ್ಲಿ - ಅಪಾಯ ಮಟ್ಟ (risk in investment) :  ಗಳಿಕೆಯ ದರದಲ್ಲಿ ತುಂಬಾ ಹೊಯ್ದಾಟ ಇರುವದು ಇಲ್ಲಾ. ಮಾರುಕಟ್ಟೆಯಜ್ಞಾನ/ತಾಳ್ಮೆ/ಚಾಣಾಕ್ಷತನವದ್ದವನು ದೀರ್ಘಾವಧಿಯಲ್ಲಿ ಹೆಚ್ಚಿನ ಗಳಿಕೆ ಮಾಡಿಕೊಳ್ಳಬಹುದು.

7. ಹೂಡಿಕೆಯಲ್ಲಿ -ಬದಲಾವಣೆಗೆ ಆಸ್ಪದ (Scope for changes in  Investment) :    ಇಲ್ಲಾ.


ರವಾಗುತ್ತದೆ.

7. ಹೂಡಿಕೆಯಲ್ಲಿ -ಬದಲಾವಣೆಗೆ ಆಸ್ಪದ (Scope for changes in  Investment) :    ಇಲ್ಲಾ.

10 ನವ್ಹಂಬರ್ 2014

6 - ಬಾಂಡ್ ಮಾರುಕಟ್ಟೆ ಸರಕುಗಳು.

1. ಹೂಡಿಕೆಯ ರೀತಿ -  (Investment  style):  ಒಂದೇ ಕಂತಿನಲ್ಲಿ.

2 . ಆದಾಯದ  ರೀತಿ - (Income style of Investment)  :  ಬಡ್ಡಿಯನ್ನು ಆವಧಿಯ ಕೊನೆಗೆ ಒಂದೇ ಬಾರಿ, ಅಥವಾ ನಿಗದಿತ ಅವಧಿಯೊಳಗೆ ನಿರಂತರವಾಗಿ ನೀಡುವರು.

3. ಗಳಿಕೆಯ ಖಚಿತತೆ ( Guarantee for income from  Investment) : ಖಚಿತವಾದ ಗಳಿಕೆದರ ಇದೆ. 

4 .ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆತಕ್ಕೆ  ಅವಕಾಶ -( Scope for withdrawl  from  Investment) :   ಹೂಡಿಕೆಯ  ಹಿಂತೆಗೆತಕ್ಕೆ  ಅವಕಾಶ  ಇಲ್ಲಾ. ಆದರೆ ಮಾರುಕಟ್ಟೆಯಲ್ಲಿ ಮಾರಿ ಹಣ ಮರಳಿ ಪಡೆಯಬಹುದು.

5.  ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆದರೆ ದಂಡ- (Penalty for withdrawl  from  Investment):   ಮಾರುಕಟ್ಟೆಯಲ್ಲಿ ಮಾರಿದಾಗ ಲಾಭವನ್ನೂ ಗಳಿಸಬಹುದು, ಹಾನಿಯನ್ನೂ ಅನುಭವಿಸಬಹುದು.

6. ಹೂಡಿಕೆಯಲ್ಲಿ - ಅಪಾಯ ಮಟ್ಟ (risk in investment) :  ಇಲ್ಲಾ. ಗಳಿಕೆಯ ದರದಲ್ಲಿ ಯಾವ ಹೊಯ್ದಾಟ ಇಲ್ಲಾ.
7. ಹೂಡಿಕೆಯಲ್ಲಿ-ಬದಲಾವಣೆಗೆ ಆಸ್ಪದ (Scope for changes in  Investment):  ಇಲ್ಲಾ.

9 ನವ್ಹಂಬರ್ 2014

5 - ಪೋಸ್ಟ ಆಫೀಸ ಉಳಿತಾಯ ಸರಕುಗಳು. 

1.  ಹೂಡಿಕೆಯ ರೀತಿ - (Investment  style)  : ಒಂದೇ ಬಾರಿಗೆ- ಎನ್.ಎಸ್.ಸಿ/ಕೆ.ವಿ.ಪಿ./ಟಿ.ಡಿ/ಪಿ.ಎಫ್/  ಮಾಸಿಕ ಆದಾಯ/ ವರಿಷ್ಠ ನಾಗರಿಕರ ಉಳಿತಾಯ ಯೋಜನೆಗಳಲ್ಲಿ) ನಿರಂತರ ಕಂತುಗಳಲ್ಲಿ–(ಆರ್.ಡಿ/ಎಸ್.ಬಿ,ಯೋಜನೆಯಲ್ಲಿ )

2. ಆದಾಯದ  ರೀತಿ- ( Income style of Investment) :   ಎನ್.ಎಸ್.ಸಿ/ಕೆ.ವಿ.ಪಿ./ಆರ್.ಡಿ./ಟಿ.ಡಿ./ಪಿ.ಪಿ.ಎಫ್. ಉಳಿತಾಯಗಳಲ್ಲಿ ಬಡ್ಡಿಯನ್ನು ಅವಧಿಯ ಕೊನೆಗೆ ನೀಡುವರು. 
ಮಾಸಿಕ ಆದಾಯ,ವರಿಷ್ಠ ನಾಗರಿಕರ ಉಳಿÀತಾಯ, ಎಸ್.ಬಿ,ಯೋಜನೆಗಳಲ್ಲಿ, ತಿಂಗಳಿಗೊಮ್ಮೆ/ಮೂರು/ಆರು ತಿಂಗಳಿಗೊಮ್ಮೆ ಬಡ್ಡಿಯನ್ನು ಅವಧಿ ಮುಗಿಯುವ ವರೆಗೆ ನೀಡುವರು.

3. ಗಳಿಕೆಯ ಖಚಿತತೆ ( Guarantee for income from  Investment) :  
ಖಚಿತವಾದ ಗಳಿಕೆದರ ಇದೆ. 

4. ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆತಕ್ಕೆ  ಅವಕಾಶ -( Scope for withdrawl  from  Investment) :  ಕೆಲವು ಯೋಜನೆಗಳಲ್ಲಿ ಇದೆ.
ಹಿಂತೆಗೆತದ ವಿಧಾನ ಸುಲಭವಾಗಿದೆ.

5. ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆದರೆ ದಂಡ -  (Penalty for withdrawl  from  Investment):    ಅವಧಿಗೆ ಮುಂಚೆ ಹಿಂತೆಗೆದರೆ ಆದಾಯದಲ್ಲಿ ಸ್ವಲ್ಪ ಕಡಿತ ಉಂಟಾಗುವದು.

6. ಹೂಡಿಕೆಯಲ್ಲಿ - ಅಪಾಯ ಮಟ್ಟ -(risk in investment) :  ಇಲ್ಲಾ. ಗಳಿಕೆಯ ದರದಲ್ಲಿ ಯಾವ ಹೊಯ್ದಾಟ ಇಲ್ಲಾ.

7 .ಹೂಡಿಕೆಯಲ್ಲಿ -ಬದಲಾವಣೆಗೆ ಆಸ್ಪದ -(Scope for changes in  Investment) :   ಇಲ್ಲಾ.

8 ನವ್ಹಂಬರ್ 2014

4 - ಬ್ಯಾಂಕ ಠೇವಣಿ ಯೋಜನೆಗಳು.

1. ಹೂಡಿಕೆಯ ರೀತಿ-(Investment  style) :  ಒಂದೇ ಕಂತಿನಲ್ಲಿ, ಇಲ್ಲವೇ ನಿರಂತರ ಕಂತುಗಳಲ್ಲಿ,

2.  ಆದಾಯದ  ರೀತಿ-( Income style of Investment) :  ಕ್ಯುಮುಲೇಟಿವ್/ಆರ್.ಡಿ ಠೇವಣಿಗಳಲ್ಲಿ ಬಡ್ಡಿಯನ್ನು ಅವಧಿಯ ಕೊನೆಗೆ ನೀಡುವರು. 
ಟೈಮ್ ಠೇವಣಿಗಳಲ್ಲಿ ಬಡ್ಡಿಯನ್ನು 1/3/6/12 ತಿಂಗಳಿಗೊಮ್ಮೆ ಅವಧಿ ಮುಗಿಯುವ ವರೆಗೆ ನೀಡುವರು.

3. ಗಳಿಕೆಯ ಖಚಿತತೆ- ( Guarantee for income from  Investment): ಖಚಿತವಾದ ಗಳಿಕೆದರ ಇದೆ. 

4. ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆತಕ್ಕೆ  ಅವಕಾಶ -(Scope for withdrawl from  Investment) :  ಹೂಡಿಕೆಯ  ಹಿಂತೆಗೆತಕ್ಕೆ  ಅವಕಾಶ  ಇದೆ. ಹಿಂತೆಗೆತದ ವಿಧಾನ ಸುಲಭವಾಗಿದೆ.

5. ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆದರೆ ದಂಡ- (Penalty for withdrawl : from  Investment)          ಹಿಂತೆಗೆದ ಅವಧಿಗೆ ಅನ್ವಯವಾಗುವ ಸಾಮಾನ್ಯ ಬಡ್ಡಿ ದರಕ್ಕಿಂತ, ಸ್ವಲ್ಪ ಕಡಿಮೆ ದರದ ಬಡ್ಡಿಯನ್ನು ಅನ್ವಯಿಸುವರು.

6. ಹೂಡಿಕೆಯಲ್ಲಿ - ಅಪಾಯ ಮಟ್ಟ (risk in investment) :  ಇಲ್ಲಾ. ಗಳಿಕೆಯ ದರದಲ್ಲಿ ಯಾವ ಹೊಯ್ದಾಟ ಇಲ್ಲಾ.

7 .ಹೂಡಿಕೆಯಲ್ಲಿ -ಬದಲಾವಣೆಗೆ ಆಸ್ಪದ (Scope for changes in  Investment) :    ಇಲ್ಲಾ.

7 ನವ್ಹಂಬರ್ 2014

 3 - ಜೀವ ವಿಮೆಯ ವರ್ಷಾಶನ ಯೋಜನೆಗಳು.

1. ಹೂಡಿಕೆಯ ರೀತಿ - (Investment  style) : ಒಂದೇ ಕಂತಿನಲ್ಲಿ, ಇಲ್ಲವೇ ನಿರಂತರ ಕಂತುಗಳಲ್ಲಿ,

2. ಆದಾಯದ  ರೀತಿ- ( Income style of Investment): ಒಂದೇ ಕಂತಿನ ಪಾಲಸಿಯಲ್ಲಿ ಕೂಡಲೇ, ನಿರಂತರ ಕಂತಿನ ಪಾಲಸಿಯಲ್ಲಿ ಅವಧಿಯ ಕೊನೆಗೆ; ಆಜೀವ ವರ್ಷಾಶನಗಳನ್ನು, ಮಾಸಿಕ/ತ್ರೈಮಾಸಿಕ/ಅರೆವಾರ್ಷಿಕ/ ವಾರ್ಷಿಕ  ರೂಪಗಳಲ್ಲಿ ನೀಡುತ್ತಾರೆ.

3. ಗಳಿಕೆಯ ಖಚಿತತೆ -( Guarantee for income from  Investment) : ಯುಲಿಪ್ ಪಾಲಿಸಿಯಲ್ಲಿ ಕನಿಷ್ಠ ಗಳಿಕೆ ದರದ ಭರವಸೆ ಇದೆ, ಸಾಂಪ್ರದಾಯಕ ವರ್ಷಾಶನಗಳಲ್ಲಿ. ಲಾಭ ಬೋನಸ್ ಮೂಲಕ ಸಿಗುವದು.
ಯುಲಿಪ್ ವರ್ಷಾಶನಗಳಲ್ಲಿ ಹೆಚ್ಚಿನ ಲಾಭ ಆಯ್ಕೆ ಮಾಡಿದ ನಿಧಿಯ ಬೆಳವಣಿಗೆಯ ಮೇಲೆ ಅವಲಂಬಿತವಾಗಿದೆ.

4. ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆತಕ್ಕೆ  ಅವಕಾಶ -( Scope for withdrawl  from  Investment) :   3 ವರ್ಷಗಳ ನಂತರ (ಯುಲಿಪ್‍ಗಳಲ್ಲಿ 5 ವರ್ಷಗಳ ನಂತರ)  ಆದರೆ ವರ್ಷಾಶನ ಪ್ರಾರಂಭವಾಗುವ ತನಕ; ಹೂಡಿಕೆಯ ಹಣ ಹಿಂತೆ- -ಗೆತಕ್ಕೆ  ಅವಕಾಶ ಇದೆ. ಹಿಂತೆಗೆತದ ವಿಧಾನ ಸುಲಭವಾಗಿದೆ. 
ವರ್ಷಾಶನ ಪ್ರಾರಂಭವಾಗುವ ಸಮಯ 1/3 ಭಾಗದಷ್ಟು   ಮಾತ್ರ ಬೆಳೆದ ಭಂಡವಾಳವನ್ನು ಹಿಂತೆಗೆಯ ಬಹುದು. ನಂತರ ಹೂಡಿಕೆಯ ಹಣದ  ಹಿಂತೆಗೆತಕ್ಕೆ ಅವಕಾಶವಿಲ್ಲಾ.

5. ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆದರೆ ದಂಡ- (Penalty for withdrawl :  from  Investment) : ವರ್ಷಾಶನ ಪ್ರಾರಂಭವಾಗುವ ಮೊದಲು ಹಿಂತೆಗೆದರೆ ಹಾನಿ ಯಾಗುತ್ತದೆ. ಸಾಂಪ್ರದಾಯಕ/ಯುಲಿಪ್ ಪಾಲಿಸಿಗಳಲ್ಲಿ, ಹಾನಿ  ಪ್ರಮಾಣ ಅವುಗಳ ನಮೂನೆಗಳ ಮೇಲೆ ಅವಲಂಬಿಸಿರುತ್ತದೆ. 
ವರ್ಷಾಶನ ಪ್ರಾರಂಭವಾಗುವ ಸಮಯಕ್ಕೆ  1/3 ಭಾಗದಷ್ಟು ಬೆಳೆದ ಭಂಡವಾಳವನ್ನು ಹಿಂತೆಗೆದರೆ ಯಾವ ಹಾನೀ ಇಲ್ಲಾ. 

6 .ಹೂಡಿಕೆಯಲ್ಲಿ - ಅಪಾಯ ಮಟ್ಟ (risk in investment) : 
  ಸಾಂಪ್ರದಾಯಕ ಪೆನ್ಶನ್ ಯೋಜನೆಯಲ್ಲಿ ಗಳಿಕೆಯ ದರದಲ್ಲಿ ಸಂಭವನೀಯ ಹೊಯ್ದಾಟ ಇರುವದಿಲ್ಲ. ಹೂಡಿಕೆಯ ಹೊಣೆಯನ್ನು ಕಂಪನಿಯೇ ತೆಗೆದು ಕೊಳ್ಳುತ್ತದೆ.
ಯುಲಿಪ್ ಪೆನ್ಶನ್ ಯೋಜನೆಯಲ್ಲಿ ಗಳಿಕೆಯ ದರದಲ್ಲಿ ಸಂಭವನೀಯ ಹೊಯ್ದಾಟ, ಗ್ರಾಹಕ ಆಯ್ಕೆ ಮಾಡಿಕೊಂಡ ನಿಧಿಯ ನಮೂನೆಯ ಮೇಲೆ ಅವಲಂಬಿತವಾಗಿದೆ.

7. ಹೂಡಿಕೆಯಲ್ಲಿ -ಬದಲಾವಣೆಗೆ ಆಸ್ಪದ - (Scope for changes in  Investment) :   ಗ್ರಾಹಕನು ಯಾವಾಗ ಬೇಕಾದಾಗ, ನಿಧಿಯ ಹೂಡಿಕೆಯ ರೀತಿ-- ಯನ್ನು ಮನ ಬಂದಂತೆ ಬದಲಾಯಿಸಬಹುದು.

6 ನವ್ಹಂಬರ್ 2014
  
 

2 - ಜೀವ ವಿಮೆಯ ಯುಲಿಪ್ ಯೋಜನೆಗಳು.

1. ಹೂಡಿಕೆಯ ರೀತಿ (Investment  style) : ಒಂದೇ ಕಂತಿನಲ್ಲಿ, ಇಲ್ಲವೇ ನಿರಂತರ ಕಂತುಗಳಲ್ಲಿ,

2. ಆದಾಯದ  ರೀತಿ ( Income style of Investment) : ಲಾಭ ಯುನಿಟ್ ಬೆಲೆಯ ಹೆಚ್ಚಳದ ಮೂಲಕ ಅವಧಿಯ ಕೊನೆಗೆ ಒಂದೇ ಕಂತಿನಲ್ಲಿ ಸಿಗುವದು.
(ಮನೀ ಬ್ಯಾಕ್‍ನಂತಹ ಪಾಲಸಿಗಳಲ್ಲಿ ಯಲ್ಲಿ ಪ್ರತಿ 3/4/5 ವರ್ಷಗಳ ಕೊನೆಯಲ್ಲಿ ಲಾಭವನ್ನು ಮುಂಚಿತವಾಗಿ ಹಿಂದಕ್ಕೆ ಪಡೆಯುವ ವ್ಯವಸ್ಥೆ ಇದೆ.)

3. ಗಳಿಕೆಯ ಖಚಿತತೆ (Guarantee for income from  Investment) :  
ಖಚಿತವಾದ ಗಳಿಕೆದರ ಇಲ್ಲಾ. ಆಯ್ಕೆ ಮಾಡಿದ ನಿಧಿಯ ಬೆಳವಣಿಗೆಯ ಮೇಲೆ ಲಾಭ ಅವಲಂಬಿತವಾಗಿದೆ.

4. ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆತಕ್ಕೆ  ಅವಕಾಶ ( Scope for withdrawl  from  Investment) :
  ಹೂಡಿಕೆಯ  ಹಿಂತೆಗೆತಕ್ಕೆ  ಅವಕಾಶ   ಐದು ವÀರ್ಷಗಳ ನಂತರ ಇದೆ, ಹಿಂತೆಗೆತದ ವಿಧಾನ ಸುಲಭವಾಗಿದೆ.

5. ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆದರೆ ದಂಡ. (Penalty for withdrawl  from  Investment) :   ನಾಲ್ಕು, ಐದನೇ ವರ್ಷಗಳಲ್ಲಿ ಹಿಂತೆಗದರೆ ಹೆಚ್ಚಿನ ಹಾನಿ ಇದೆ. ಐದು ವರ್ಷಗಳ ನಂತರ ಯಾವ ದಂಡ ನೀಡ ಬೇಕಾಗಿಲ್ಲಾ.

6 .ಹೂಡಿಕೆಯಲ್ಲಿ - ಅಪಾಯ ಮಟ್ಟ (risk in investment)  :  
  ಗಳಿಕೆಯ ದರದಲ್ಲಿ ಸಂಭವನೀಯ ಹೊಯ್ದಾಟ, ಗ್ರಾಹಕ ಆಯ್ಕೆ ಮಾಡಿಕೊಂಡ ನಿಧಿಯ ನಮೂನೆಯ ಮೇಲೆ ಅವಲಂಬಿತವಾಗಿದೆ.

7. ಹೂಡಿಕೆಯಲ್ಲಿ -ಬದಲಾವಣೆಗೆ ಆಸ್ಪದ (Scope for changes in  Investment) : 
ಗ್ರಾಹಕನು ಯಾವಾಗ ಬೇಕಾದಾಗ, ನಿಧಿಯ ಹೂಡಿಕೆಯ ರೀತಿಯನ್ನು ಮನ ಬಂದಂತೆ ಬದಲಾಯಿಸ ಬಹುದು.

5 ನವ್ಹಂಬರ್ 2014
  

  1 - ಜೀವ ವಿಮೆಯ ಸಾಂಪ್ರದಾಯಕ ಯೋಜನೆಗಳು.

1. ಹೂಡಿಕೆಯ ರೀತಿ   (Investment  style) : ಒಂದೇ ಕಂತಿನಲ್ಲಿ, ಇಲ್ಲವೇ ನಿರಂತರ ಕಂತುಗಳಲ್ಲಿ.

2. ಆದಾಯದ  ರೀತಿ  ( Income style of Investment) :   ಲಾಭ ಬೋನಸ್ ಮೂಲಕ ಅವಧಿಯ ಕೊನೆಗೆ ಒಂದೇ ಕಂತಿನಲ್ಲಿ ಸಿಗುವದು. (ಮನೀ ಬ್ಯಾಕ್‍ನಂತಹ ಪಾಲಸಿಗಳಲ್ಲಿ ಯಲ್ಲಿ ಪ್ರತಿ 3/4/5 ವರ್ಷಗಳ ಕೊನೆಯಲ್ಲಿ ಲಾಭವನ್ನು ಮುಂಚಿತವಾಗಿ ಹಿಂದಕ್ಕೆ ಪಡೆಯುವ ವ್ಯವಸ್ಥೆ ಇದೆ.)

3. ಗಳಿಕೆಯ ಖಚಿತತೆ ( Guarantee for income from  Investment):   
ಖಚಿತವಾದ ಗಳಿಕೆ ದರ ಇಲ್ಲಾ. ಲಾಭ ಬೋನಸ್ ಮೂಲಕ ಸಿಗುವದು.(ಕೆಲವು ಪಾಲಿಸಿಗಳಲ್ಲಿ ಭರವಸೆಯ ಬೋನಸ್ಸು ದೊರೆಯುವದು.)

4. ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆತಕ್ಕೆ  ಅವಕಾಶ ( Scope for withdrawl  from  Investment)       ಹೂಡಿಕೆಯ  ಹಿಂತೆಗೆತಕ್ಕೆ  ಅವಕಾಶ  ಮೂರು ವÀರ್ಷಗಳ ನಂತರ ಇದೆ, ಹಿಂತೆಗೆತದ ವಿಧಾನ ಸುಲಭವಾಗಿದೆ.

5. ಆವಧಿಗೆ  ಮುಂಚೆ  ಹೂಡಿಕೆಯ ಹಣ ಹಿಂತೆಗೆದರೆ ದಂಡ.  (Penalty for withdrawl  from  Investment)   ತೀರ ಪ್ರಾರಂಭದಲ್ಲಿ ಹೆಚ್ಚಿನ ಹಾನಿ ಅನುಭವಿಸುವರು,ತೀರ ಕೊನೆಯಲ್ಲಿ ತಕ್ಕ ಮಟ್ಟಿನ ಹಾನಿ ಅನುಭವಿಸುವರು,

6. ಹೂಡಿಕೆಯಲ್ಲಿ - ಅಪಾಯ ಮಟ್ಟ (risk in investment)    
    ಗಳಿಕೆಯ ದರದಲ್ಲಿ ಸಂಭವನೀಯ ಹೊಯ್ದಾಟ ಇರುವದಿಲ್ಲ. ಹೂಡಿಕೆಯ ಹೊಣೆಯನ್ನು ಕಂಪನಿಯೇ ತೆಗೆದು ಕೊಳ್ಳುತ್ತದೆ.

7. ಹೂಡಿಕೆಯಲ್ಲಿ -ಬದಲಾವಣೆಗೆ ಆಸ್ಪದ (Scope for changes in  Investment)   ಸಾಮಾನ್ಯವಾಗಿ ಇಲ್ಲಾ. ಕೆಲವು ಪಾಲಿಸಿಗಳಲ್ಲಿ, ಇನ್ನೊಂದು ಬಗೆಯ ವಿಮೆಗೆ ಬದಲಾಯಿಸಬಹುದು.

4 ನವ್ಹಂಬರ್ 2014

ಜನಪ್ರಿಯ ಉಳಿತಾಯದ ಸರಕುಗಳು ಯಾವುವು? 

1) ಜೀವ ವಿಮೆಯ ಸಾಂಪ್ರದಾಯಕ ಯೋಜನೆಗಳು. (Traditional Life Insurance Plans)      
2) ಜೀವ ವಿಮೆಯ ಯುಲಿಪ್ ಯೋಜನೆಗಳು. (Unit linked Life Insurance Plans)         
3) ಜೀವ ವಿಮೆಯ ವರ್ಷಾಶನ ಯೋಜನೆಗಳು. (Annuity  Insurance Plans)           
4) ಬ್ಯಾಂಕ ಠೇವಣಿಗಳು. (Bank Deposits)      
5) ಪೋಸ್ಟ ಆಫೀಸ ಉಳಿತಾಯಗಳು. (Post office savings)     
6) ಬಾಂಡ್ ಮಾರುಕಟ್ಟೆ ಸರಕುಗಳು. (Bond market products)      
7) ಶೇರು ಮಾರುಕಟ್ಟೆ ಸರಕುಗಳು. (Share market products)     
8) ಮ್ಯೂಚುವಲ್ ಫಂಡಗಳು. (Mutual Funds.)
9) ಖಾಲೀ ನಿವೇಶನ/ ಬೆಳ್ಳಿ ಬಂಗಾರ/ ಕಲಾತ್ಮಕ ವಸ್ತುಗಳಲ್ಲಿ ಹೂಡಿಕೆಗಳು.
( Investment in vacant sites/ gold or silver/ Art pieces)
        ಈ ಎಲ್ಲ ಸರಕುಗಳ ಸಂಕ್ಷಿಪ್ತ ವಿವರಣೆಗಳು ಮುಂದಿನಂತಿವೆ.    

3 ನವ್ಹಂಬರ್ 2014

ಉಳಿತಾಯ ಸರಕುಗಳನ್ನು ತಿಳಿದುಕೊಳ್ಳ ಬೇಕಾದರೆ ಯಾವ ಆಧಾರಗಳ ಮೇಲೆ ವಿಶ್ಲೇಷಿಸಬೇಕು?

   ಉಳಿತಾಯ ಸರಕುಗಳ ವಿಶ್ಲೇಷಣೆ (Analysis) ಯನ್ನು ಕೆಳಗಿನಂತೆ ಮಾಡಬಹುದು.

• ಹೂಡಿಕೆಯ ರೀತಿ (Investment  style) : ಒಂದೇ ಕಂತಿನಲ್ಲಿಯೋ? ನಿರಂತರವಾದ ಕಂತುಗಳಲ್ಲಿಯೋ?

• ಹೂಡಿಕೆಯ ಆದಾಯದ ರೀತಿ  :  ಆದಾಯ, ಹಂತ ಹಂತವಾಗಿ ದೊರೆಯುವದೋ? ಅಥವಾ ಇಡೀ     ( Income style of Investment)   ಅವಧಿ ಮುಗಿದ ನಂತರ ಒಮ್ಮೆಲೇ ದೊರೆಯುವದೋ?   ಹಂತ ಹಂತವಾಗಿ ದೊರೆಯುವಂತಿದ್ದರೆ, ಆ ಆದಾಯದ  ಪ್ರಾರಂಭ ಕೂಡಲೇ ಪ್ರಾರಂಭವಾಗುವದೋ ಅಥವಾ ಕೆಲ ಸಮಯದ ನಂತರ ಪ್ರಾರಂಭವಾಗುವದೋ?

• ಹೂಡಿಕೆಯ ಆದಾಯದ ಖಚಿತತೆ      : ಆದಾಯಕ್ಕೆ ಖಾತ್ರಿ ಇದೆಯೋ, ಇಲ್ಲವೋ?
( Guarantee for income from  Investment)    

• ಹೂಡಿಕೆಯ ಹಿಂತೆಗೆತಕ್ಕೆ ಅವಕಾಶ     : ಅವಧಿಗೆ ಮುಂಚೆ ಹಿಂತೆಗೆತಕ್ಕೆ ಅವಕಾಶ ಇದೆಯೋ,       ( Scope for withdrawl  from  Investment)   ಇಲ್ಲವೋ? ಇದ್ದರೆ ಆ ದಾರಿ ಸುಲಭವೋ, ಕಷ್ಟವೋ?

• ಹೂಡಿಕೆಯಲ್ಲಿ ಹಿಂತೆಗೆತಕ್ಕೆ ತಪ್ಪು ದಂಡ  :    ಅವಧಿಗೆ ಮುಂಚೆ ಹಿಂತೆಗೆತಕ್ಕೆ ಅವಕಾಶ ಇದ್ದರೆ,    (Penalty for withdrawl  from  Investment) ನೀಡಬೇಕಾದ ತಪ್ಪು ದಂಡ.                             

• ಹೂಡಿಕೆಯಲ್ಲಿ  ಅಪಾಯ ಮಟ್ಟ  : ಹೂಡಿಕೆಯಲ್ಲಿ  ಅಪಾಯ ಮಟ್ಟವನ್ನು ಯಾರು ನಿರ್ಧರಿಸಬೇಕು?
(risk in investment)    

• ಹೂಡಿಕೆಯಲ್ಲಿ ಬದಲಾವಣೆಗೆ ಆಸ್ಪದ   : ಸುಲಭವಾಗಿ ಬದಲಾವಣೆಗೆ ಆಸ್ಪದ ಇದೆಯೋ ಇಲ್ಲವೋ?  
                             (Scope for changes in  Investment)

2 ನವ್ಹಂಬರ್ 2014

ಹೂಡಿಕೆಗೆ ದೊರಕುವ ಉಳಿತಾಯದ ಹಣ ಯಾವ ಸಂಗತಿಗಳ ಮೇಲೆ ಅವಲಂಬಿತವಾಗಿದೆ?

ಹೂಡಿಕೆಗೆ ದೊರಕುವ ಉಳಿತಾಯದ ಹಣ ಕೆಳಗಿನ ಸಂಗತಿಗಳ ಮೇಲೆ ಅವಲಂಬಿತವಾಗಿz.É 
• ವ್ಯಕ್ತಿಯ ಆದಾಯ ಹಾಗೂ ಆತನ ಜೀವನ ಪದ್ಧತಿ (life style)  .
• ಆತನ ಅವಲಂಬಿತರ ಸಂಖ್ಯೆ. (Number of dependents)
• ಆತನ ಬಳಿಯಲ್ಲಿರುವ ಆಸ್ತಿ/ಹೊರೆ/ಸಾಲಗಳು (Assets/Liabilitues/Loans).

1 ನವ್ಹಂಬರ್ 2014

ಯಶಸ್ವೀ ಹೂಡಿಕೆ  (successful investment) ಯ ಮಾರ್ಗದರ್ಶಿ ಸೂತ್ರಗಳು (Guidelines) ಯಾವುವು?

ಯಶಸ್ವೀ ಹೂಡಿಕೆಯ ಮಾರ್ಗದರ್ಶಿ ಸೂತ್ರಗಳು :
• ಬೇಡಿಕೆಗಳ ಪೂರೈಕೆಗೆ ಲಭ್ಯವಿರುವ ಹೂಡಿಕೆಯ ಆವಧಿ ತಿಳಿದುಕೊಳ್ಳುವದು.
• ಹೂಡಿಕೆ ಲಭ್ಯವಿರುವ ಉಳಿತಾಯದ ಹಣ ತಿಳಿದುಕೊಳ್ಳುವದು.
• ಸಧ್ಯಕ್ಕೆ ಬಳಿಯಲ್ಲಿರುವ ಆಸ್ತಿ/ಹೊರೆ/ಸಾಲಗಳ ವಿವರಗಳನ್ನು ತಿಳಿದುಕೊಳ್ಳುವದು.

31 ಅಕ್ಟೋಬರ್ 2014

ಆಸ್ತಿಯಿರುವ ವ್ಯಕ್ತಿಯೊಬ್ಬನ ಉಳಿತಾಯದ ಅವಶ್ಯಕತೆಗಳನ್ನು ಸಾಮಾನ್ಯವಾಗಿ ಹೇಗೆ ವಿಶ್ಲೇಷಿಸಬೇಕು?

ಆಸ್ತಿಯಿರುವ ವ್ಯಕ್ತಿಯೊಬ್ಬನ ಉಳಿತಾಯದ ಅವಶ್ಯಕತೆಗಳನ್ನು ಸಾಮಾನ್ಯವಾಗಿ ವಿಶ್ಲೇಷಣೆ (Analysis)  ಮಾಡುವಾಗ ಕೆಳಗಿನ ಆದ್ಯತೆ (Prioriry) ಗಳನ್ನು ಗಮನಿಸ ಬೇಕು.
• ಈಗಿದ್ದ ಆಸ್ತಿ (assets) ಗಳನ್ನು ಹಾಳಾಗದಂತೆ ರಕ್ಷಿಸುವದು.
• ಈಗಿದ್ದ ಆಸ್ತಿಗಳನ್ನು ಇನ್ನೂ ಬೆಳೆಯುವಂತೆ ನೋಡಿಕೊಳ್ಳುವದು.
• ಹಣದ ಉಳಿಕೆ (savings) ಗೆ, ಉಳಿಕೆ ಹಣದ ಹೂಡಿಕೆ (Investment) ಗೆ ಯೋಗ್ಯ ಕ್ರಮ ಕೈಕೊಳ್ಳುವದು.
• ಆಸ್ತಿಯು ವಾರಸುದಾರರಿಗೆ ಸುಲಭವಾಗಿ ಹಸ್ತಾಂತರ (transfer) ವಾಗುವಂತೆ ನೋಡಿಕೊಳ್ಳುವದು.

30 ಅಕ್ಟೋಬರ್ 2014

ಆಸ್ತಿಯಿಲ್ಲದ ವ್ಯಕ್ತಿಯೊಬ್ಬನ ಉಳಿತಾಯದ ಅವಶ್ಯಕತೆಗಳನ್ನು ಸಾಮಾನ್ಯವಾಗಿ ಹೇಗೆ ವಿಶ್ಲೇಷಿಸಬೇಕು?

ಆಸ್ತಿಯಿಲ್ಲದ ವ್ಯಕ್ತಿಯೊಬ್ಬನ ಉಳಿತಾಯದ ಅವಶ್ಯಕತೆಗಳನ್ನು ಸಾಮಾನ್ಯವಾಗಿ ವಿಶ್ಲೇಷಿಸುವಾಗ ಕೆಳಗಿನ ಆದ್ಯತೆ ( Priority) ಗಳನ್ನು ಗಮನಿಸಬೇಕು.
ಮೊದಲ ಆದ್ಯತೆ :  ತುರ್ತು ನಿಧಿ (Emergency Fund) ಯನ್ನು ನಿರ್ಮಿಸುವದು.
ಹಟಾತ್ತನೆ ಉದ್ಭವಿಸುವ ಆದರೆ    ತಪ್ಪಿಸಿ ಕೊಳ್ಳಲಾಗದ  ಆರ್ಥಿಕ ಬೇಡಿಕೆಗಳ ಈಡೇರಿಕೆಗಾಗಿ. ಉದಾ : ಅನಾರೋಗ್ಯ (Illness) /  ಅಪಘಾತ (Accident) /ನಿರುದ್ಯೋಗ (Unemloyment) /ಇತ್ಯಾದಿ (etc).              
ನಂತರದ ಆದ್ಯತೆ :  ಮಕ್ಕಳ ಶಿಕ್ಷಣ/ಮದುವೆಗೆ ಉಳಿತಾಯ ಮಾಡುವದು.
ನಂತರದ ಆದ್ಯತೆ :  ಮನೆ/ವಾಹನ/ಮನರಂಜನೆ ಸೌಲಭ್ಯಗಳಿಗೆ ಉಳಿತಾಯ ಮಾಡುವದು.
ಕೊನೆಯ ಆದ್ಯತೆ :  ವರ್ಷಾಶನ ಸೌಲಭ್ಯ (Annuity Benefits) ಗಳಿಗೆ ಉಳಿತಾಯ ಮಾಡುವದು. (ಆದಾಯ  ನಿಲುಗಡೆಯಾದಾಗ ಆರ್ಥಿಕ ಸ್ವಾವಲಂಬನೆಯನ್ನು ಪಡೆಯಲು.)
ಮೇಲಿನ ಕ್ರಮಾಂಕಗಳಲ್ಲಿಯೇ ಆರ್ಥಿಕ ಅವಶ್ಯಕತೆಗಳನ್ನು ಪೂರೈಸಿಕೊಳ್ಳಲು ಉಳಿತಾಯಕ್ಕೆ ಆದ್ಯತೆಗಳನ್ನು ನೀಡಬೇಕು.

29 ಅಕ್ಟೋಬರ್ 2014

ಎಲ್ಲಾ ವ್ಯಕ್ತಿಗಳ ಸರ್ವೇ ಸಾಮಾನ್ಯ ಬೇಡಿಕೆಗಳನ್ನು (common demand) ಅರ್ಥ ಮಾಡಿಕೊಳ್ಳಲು ಗಮನಿಸ ಬೇಕಾದ ಸಂಗತಿಗಳು ಯಾವುವು?

ಎಲ್ಲಾ ವ್ಯಕ್ತಿಗಳ ಸರ್ವೇ ಸಾಮಾನ್ಯ ಬೇಡಿಕೆಗಳನ್ನು ಅರ್ಥ ಮಾಡಿಕೊಳ್ಳಲು ಗಮನಿಸ ಬೇಕಾದ ಸಂಗತಿಗಳು; 
1) ಅವನು ಆಸ್ತಿ (asset) ಹೊಂದಿದ ವ್ಯಕ್ತಿಯಾಗಿದ್ದಾನೆಯೋ? ಅಥವಾ
2) ಅವನು ಆಸ್ತಿಯಿಲ್ಲದ ವ್ಯಕ್ತಿಯಾಗಿದ್ದಾನೆಯೋ?

28ಅಕ್ಟೋಬರ್ 2014

ಉಳಿತಾಯದ ಅವಶ್ಯಕತೆ (Saving Need) ಗಳನ್ನು ನಿರ್ಧರಿಸುವಾಗ ಗಮನಿಸ ಬೇಕಾದ ಸಂಗತಿಗಳು ಯಾವುವು?

ವ್ಯಕ್ತಿಯ ಉಳಿತಾಯದ ಅವಶ್ಯಕತೆ (Saving Need) ಗಳನ್ನು ಗುರುತಿಸುವಾಗ ಎರಡು ಸಂಗತಿಗಳನ್ನು ಗಮನಿಸಬೇಕು.
• ಎಲ್ಲಾ ವ್ಯಕ್ತಿಗಳ ಸರ್ವೇ ಸಾಮಾನ್ಯ ಬೇಡಿಕೆ (Common demand) ಗಳನ್ನು ಅರ್ಥ ಮಾಡಿಕೊಳ್ಳುವದು.
• ನಿರ್ಧಿಷ್ಠ ವ್ಯಕ್ತಿಯೊಬ್ಬನ ವ್ಯಕ್ತಿಗತ ಬೇಡಿಕೆ (Individual  demand)  ಗಳನ್ನು ತಿಳಿದು ಕೊಳ್ಳುವದು.

27 ಅಕ್ಟೋಬರ್ 2014

ಏಜಂಟನು ಆರ್ಥಿಕ ಯೋಜನೆ (Financial Planning) ತಯಾರಿಕೆಯಲ್ಲಿ ಹೇಗೆ ಸಹಾಯ ಸಲ್ಲಿಸ ಬಹುದು?

• ವಿಶಾಲ ಶ್ರೇಣಿಯ ಉಳಿತಾಯ ಸರಕುಗಳ ಬಗ್ಗೆ ತಿಳುವಳಿಕೆ ನೀಡುವ ಮೂಲಕ,
• ಗ್ರಾಹಕನ ಅವಶ್ಯಕತೆಗಳಿಗೆ ಸರಿ ಹೊಂದುವ ಸರಕುಗಳನ್ನು ಶಿಫಾರಸು ಮಾಡುವ ಮೂಲಕ,

• ಆದಾಯ ಕರ ರಿಯಾಯತಿಗಳ ಹಿನ್ನೆಲೆಯಲ್ಲಿ ಗಳಿಕೆಯನ್ನು ವಿಶ್ಲೇಷಿಸಿ ಆಕರ್ಷಣೀಯವನ್ನಾಗಿ ಮಾಡುವದು.

26 ಅಕ್ಟೋಬರ್ 2014

ಆರ್ಥಿಕ ಯೋಜನೆ ತಯಾರಿಕೆ (Financial Planning) ಯಲ್ಲಿ ಅಂದರೆ ಉಳಿತಾಯ ಹಾಗೂ ಹೂಡಿಕೆಗಲ್ಲಿ ಪ್ರತಿಯೊಬ್ಬ ವ್ಯಕ್ತಿಗೆ ಎದುರಾಗುವ ಅಡತಡೆಗಳು (Inconveniences)   ಯಾವುವು?

• ಆರ್ಥಿಕ ಯೋಜನೆಯ ವಿಧಾನದ ಬಗ್ಗೆ ಇರುವ ಅಜ್ಞಾನ. ದೀರ್ಘಾವದಿ ಯೋಜನೆ (Long Term Planning)  ಗಳ ಅವಶ್ಯಕತೆ (need) ಗಳನ್ನು ಮನಸ್ಸು ಮುಂದೂಡುತ್ತದೆ,
• ತಾತ್ಕಾಲಿಕ (temporary) ಆದರೆ ಮಹತ್ವವಲ್ಲದ ಬೇಡಿಕೆಗಳಿಗೆ ಮನ ಸೋಲುತ್ತದೆ.
• ಆರ್ಥಿಕ ಸರಕುಗಳ ಬಗ್ಗೆ ಇರುವ ಅಜ್ಞಾನ. ಜೊತೆಗಾರರ ಪ್ರಭಾವದಲ್ಲಿ ಯಾವುದೋ ಒಂದೆರಡು ಸರಕಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಾನೆ.

25 ಅಕ್ಟೋಬರ್ 2014

ಆರ್ಥಿಕ ಯೋಜನೆ ತಯಾರಿಕೆಯಲ್ಲಿ ಆರ್ಥಿಕ ಸಲಹೆಗಾರ (Financial Consultant)  ನ ಪಾತ್ರವೇನು?

 ಅನೇಕ ಜನರಿಗೆ ಹೂಡಿಕೆಯ ಮಹತ್ವದ ಅರಿವು ಅಥವಾ ಹೂಡಿಕೆಯ ಕೌಶಲ್ಯಗಳೆರಡೂ ಇರುವದಿಲ್ಲಾ. 
1) ಬಹಳಷ್ಟು ಜನರು ಹೂಡಿಕೆಯ ನಿರ್ಣಯವನ್ನು ಸುತ್ತ ಮತ್ತಲಿನವರ ಪ್ರಭಾವದ ಮೇಲೆ ಕೈಕೊಳ್ಳುತ್ತಾರೆ.
2) ಅನೇಕ ಬಾರಿ ಕರರಿಯಾತಿಗಳ ಆಸೆಗಾಗಿ ಹೂಡಿಕೆ ಮಾಡಿ, ನಿಜವಾದ ಅವಶ್ಯಕತೆಗಳನ್ನು ನಿರ್ಲಕ್ಷಿಸುತ್ತಾರೆ.
ಹೀಗಾಗಿ ಆರ್ಥಿಕ ಯೋಜನೆ ತಯಾರಿಕೆಯಲ್ಲಿ ಆರ್ಥಿಕ ಸಲಹೆಗಾರನ ಅವಶ್ಯಕತೆ ಬಹಳವಾಗಿದೆ.

24 ಅಕ್ಟೋಬರ್ 2014

ಉಳಿತಾಯ (saving) ಹಾಗೂ ಹೂಡಿಕೆ (Investment) ಗಳಲ್ಲಿರುವ ವ್ಯತ್ಯಾಸವೇನು?

• ಗಳಿಕೆಯ ಒಂದು ಭಾಗವನ್ನು ವೆಚ್ಚ ಮಾಡದೇ, ಒಂದೆಡೆ ಬೇರೆಯಾಗಿಟ್ಟು ಹಣ ಸಂಗ್ರಹ ಮಾಡುವದಕ್ಕೆ ಉಳಿತಾಯ (Saving) ಎನ್ನುವರು.
• ಉಳಿತಾಯದ ಹಣವನ್ನು ಬೆಳೆಸುವದಕ್ಕೆ ಬೇರೆಡೆ ತೊಡಗಿಸುವದಕ್ಕೆ ಹೂಡಿಕೆ (Investment)  ಎಂದು ಕರೆಯುತ್ತಾರೆ.
ಆರ್ಥಿಕ ಯೋಜನೆ ತಯಾರಿಸುವಾಗ; ಉಳಿತಾಯದ ಹವ್ಯಾಸ (saving habit)  ಹಾಗೂ ಹೂಡಿಕೆಯ ಕೌಶಲ್ಯ (Investment skill) ಗಳೆರಡೂ ಮಹತ್ವ ಪಡೆದುಕೊಳ್ಳುತ್ತದೆ.

23 ಅಕ್ಟೋಬರ್ 2014

ಜನ ಸಾಮಾನ್ಯರನ್ನು ಗಮನದಲ್ಲಿಟ್ಟುಕೊಂಡು ತಯಾರಿಸಬಹುದಾದ, ಮಾದರಿ ಅವಶ್ಯಕತೆಗಳ ಆದ್ಯತಾಕರಣ ಪಟ್ಟಿ Ideal schedule of Priortisation of Needs) ಹೇಗಿರಬೇಕು?

ಅವಶ್ಯಕತೆ ಈಡೇರಿಕೆಗಾಗಿ,
ಪ್ರಥಮ ಆದ್ಯತೆ :    ತುರ್ತು ನಿಧಿ (Emergency fund) ಗಾಗಿ ವ್ಯವಸ್ಥೆ ಮಾಡುವದು. ಹಟಾತ್ತನೆ ಉದ್ಭವಿಸುವ   ಆದರೆ ತಪ್ಪಿಸಿ ಕೊಳ್ಳಲಾಗದ ಆರ್ಥಿಕ ಬೇಡಿಕೆಗಳ ಈಡೇರಿಕೆಗಾಗಿ, (ಅನಾರೋಗ್ಯ/ ಅಪಘಾತ /ನಿರುದ್ಯೋಗ/ಇತ್ಯಾದಿ.)               
ಎರಡನೆಯ ಆದ್ಯತೆ  :  ಆಕಸ್ಮಿಕ ಮರಣ (Un anticipated death)  ದಿಂದ ಆದಾಯ ಮೂಲ ಗಳಿಕೆಗಳನ್ನು  ಸಂರಕ್ಷಿಸುವದು.
ನಂತರದ ಆದ್ಯತೆ   :  ಆಕಸ್ಮಿಕ ಅಪಘಾತ (Un anticipated accident )  ಗಳಿಂದ ಆದಾಯ ಮೂಲ ಗಳಿಕೆಗಳನ್ನು ಸಂರಕ್ಷಿಸುವದು. 
ನಂತರದ ಆದ್ಯತೆ   :  ಆಕಸ್ಮಿಕ ಗಂಭೀರ ಕಾಯಿಲೆ (Un anticipated critical illness )  ಗಳಿಂದ ಆದಾಯ  ಮೂಲ ಗಳಿಕೆಗಳನ್ನು ಸಂರಕ್ಷಿಸುವದು.  
ನಂತರದ ಆದ್ಯತೆ   :  ಮಕ್ಕಳ ಶಿಕ್ಷಣ/ಮದುವೆ (children’s  education/marriage)  ಗೆ ವ್ಯವಸ್ಥೆ ಮಾಡುವದು.
ನಂತರದ ಆದ್ಯತೆ   :  ಮನೆ/ವಾಹನ/ಮನರಂಜನೆ (house/vehicle/Entertainment)  ಸೌಲಭ್ಯಗಳಿಗೆ ವ್ಯವಸ್ಥೆ  ಮಾಡುವದು.
ಕೊನೆಯ ಆದ್ಯತೆ   :  ವರ್ಷಾಶನ ಸೌಲಭ್ಯ (Annuity benefits)  ಗಳಿಗೆ ವ್ಯವಸ್ಥೆ ಮಾಡುವದು. (ಆದಾಯ  ನಿಲುಗಡೆಯಾದಾಗ ಆರ್ಥಿಕ ಸ್ವಾವಲಂಬನೆಯನ್ನು ಪಡೆಯಲು.)
ಮೇಲಿನ ಕ್ರಮಾಂಕಗಳಲ್ಲಿಯೇ ಅವಶ್ಯಕತೆಗಳನ್ನು ಪೂರೈಸಿಕೊಳ್ಳಲು ಉಳಿತಾಯಕ್ಕೆ ಆದ್ಯತೆಗಳನ್ನು ನೀಡಬೇಕು.

22 ಅಕ್ಟೋಬರ್ 2014

ಉಳಿತಾಯದ ಅವಶ್ಯಕತೆಗಳ ಆದ್ಯತಾಕರಣ (Priortisation of saving needs)   ಎಂದರೇನು?

ಉಳಿತಾಯದ ಅವಶ್ಯಕತೆಗಳು ಅನೇಕ ನಮೂನೆಯವುಗಳಾಗಿವೆ. ಈ ಎಲ್ಲಾ ಅವಶ್ಯಕತೆಗಳನ್ನು ಒಂದೇ ಬಾರಿಗೆ ಪೂರೈಸಿಕೊಳ್ಳಲು, ಮಾಡಬೇಕಾದ ಉಳಿತಾಯಗಳ ಸಾಮಥ್ರ್ಯವೂ ಇರುವದಿಲ್ಲಾ. ಆಗ ಕೆಲವು ಮಹತ್ವದ ಅವಶ್ಯಕತೆಗಳನ್ನು ಮಾತ್ರ ಕೈಗೆತ್ತಿಕೋಂಡು, ಅಷ್ಟೊಂದು ಮಹತ್ವದಲ್ಲದ ಅವಶ್ಯಕತೆಗಳನ್ನು ಮುಂದೂಡುವ ಪ್ರಸಂಗ ಒದಗುತ್ತದೆ. ಹೀಗೆ ಮಹತ್ವದ ಆಧಾರದ ಕ್ರಮಾಂಕಗಳ ಮೇಲೆ ಎಲ್ಲಾ ಅವಶ್ಯಕತೆಗಳನ್ನು ಒಂದರ ನಂತರ ಮತ್ತೊಂದನ್ನು ಬರೆದು ಅವಶ್ಯಕತೆಗಳ ಪಟ್ಟಿಯನ್ನು ತಯಾರಿಸುವದಕ್ಕೆ, ಅವಶ್ಯಕತೆಗಳ ಆದ್ಯತಾಕರಣ (Priortisation of  needs)  ಎಂದು ಕರೆಯುತ್ತಾರೆ. ಮೇಲಾಗಿ ಎಲ್ಲಾ ಅವಶ್ಯಕತೆಗಳು ಒಂದೇ ಬಾರಿಗೆ ಹುಟ್ಟಿಕೊಳ್ಳುವದಿಲ್ಲಾ. ಕಾಲ ಕಾಲಕ್ಕೆ ಹೊಸ ಅವಶ್ಯಕತೆಗಳು ಹುಟ್ಟುತ್ತವೆ. ಹಳೇ ಅವಶ್ಯಕತೆಗಳು ಸಾಯುತ್ತವೆ. ಹೀಗಾಗಿ ಪ್ರತಿ ವರ್ಷಕ್ಕೊಮ್ಮೆ ಅವಶ್ಯಕತೆಗಳ ಆದ್ಯತಾಕರಣ ಪಟ್ಟಿಯನ್ನು ಪರಿಶೀಲಸಿ ನವೀಕರಿಸುವದು ಅತಿ ಮಹತ್ವದ ಸಂಗತಿಯಾಗಿದೆ.