6 ಮೇ 2014 

ಜೀವ ವಿಮಾ ಪಾಲಿಸಿಗಳ ವಿವಿಧ ನಮೂನೆಗಳು.

1. ಅವಧಿ ವಿಮೆ(Term Insurance )ಯೋಜನೆ : ನಿಗದಿತ ಅವಧಿಯ ವರೆಗೆ ವಿಮಾರಕ್ಷಣೆ ನೀಡುವ ಯೋಜನೆ. ಈ ಅವಧಿಯೊಳಗೆ ಮರಣ ಸಂಭವಿಸಿದರೆ ಮಾತ್ರ ವಿಮಾ ಪರಿಹಾರ ಸಿಗುವದು.

2. ಆಜೀವ ವಿಮೆ(Whole Life Insurance )ಯೋಜನೆ : ಸಾಯುವ ವರೆಗೆ ವಿಮಾರಕ್ಷಣೆ ನೀಡುವ ಯೋಜನೆ. ಪಾಲಿಸಿ ಪಡೆದ ನಂತರ ಜೀವಿತ ಅವಧಿಯ ಕೊನೆಗೆ, ಅಂದರೆ ಮರಣ ಸಂಭವಿಸಿದಾಗ, ವಿಮಾ ಪರಿಹಾರ ಸಿಗುವದು. 

3. ಶುದ್ಧ ಎಂಡೋಮೆಂಟ್ ವಿಮೆ (Pure Endowment Insurance ) ಯೋಜನೆ : ನಿಗದಿತ ಅವಧಿ ಪೂರ್ತಿ ಬದುಕಿದರೆ ಮಾತ್ರ ವಿಮಾ ಪರಿಹಾರ ಸಿಗುವದು. ನಿಗದಿತ ಅವಧಿಯೊಳಗೆ ಮರಣ ಸಂಭವಿಸಿದರೆ ಏನೂ ಸಿಗುವದಿಲ್ಲಾ.  
   
4. ಎಂಡೋಮೆಂಟ್ ವಿಮೆ (Endowment Insurance) ಯೋಜನೆ : ನಿಗದಿತ ಅವಧಿಯೊಳಗೆ ಮರಣ ಸಂಭವಿಸಿದರೆ ಅಥವಾ ನಿಗದಿತ ಅವಧಿ ಪೂರ್ತಿ ಬದುಕಿದಾಗ ವಿಮಾ ಪರಿಹಾರ ಸಿಗುವದು.

5. ಹಣ ಮರುಪಾವತಿ ವಿಮೆ(Money Back Insurance )  : ಇದು ಎಂಡೋಮೆಂಟ ವಿಮೆಯಂತೆಯೇ ಇದೆ. ಆದರೆ ಪಾಲಸಿಯು ಮ್ಯೆಚುರಿಟಿ ಆಗುವದಕ್ಕೆ ಮುಂಚೆ, ಪ್ರತಿ 3/4/5 ವರ್ಷಗಳ ಪ್ರತಿ ಕಾಲಾವಧಿಗಳ ಕೊನೆಗೆ ಬದುಕಿದ್ದರೆ, ವಿಮಾ ಮೊತ್ತದ ಸ್ವಲ್ಪ ಸ್ವಲ್ಪ ಭಾಗವನ್ನು (ಅಂದರೆ ಮೂಲವಿಮಾ ಮೊತ್ತದ 10/15/20/25% ಭಾಗವನ್ನು) ಮುಂಗಡವೆಂದು ನೀಡುತ್ತಾರೆ. ಈ ಮುಂಗಡ ಹಣದ ಕಂತುಗಳಿಗೆ ಜೀವಿತ ಸೌಲಭ್ಯಗಳೆಂದು ಕರೆಯುತ್ತಾರೆ.

a.ಮ್ಯೆಚುರಿಟಿ ಕಾಲಕ್ಕೆ ಕೊಡಬೇಕಾದ ಹಣದಲ್ಲಿ ಮುಂಗಡವೆಂದು ನೀಡಿದ ಜೀವಿತ ಸೌಲಭ್ಯಗಳ ಹಣವನ್ನು ಕಳೆದು ಉಳಿದುದನ್ನು ಕೊಡುತ್ತಾರೆ.

b.ಒಂದು ವೇಳೆ ಮ್ಯೆಚ್ಯುರಿಟಿಗೆ ಮುಂಚೆಯೇ ಮರಣ ಸಂಭವಿಸಿದರೆ, ಪೂರ್ಣ ವಿಮಾ ಮೊತ್ತವನ್ನು ಗಳಿಸಿದ ಬೋನಸ್ಸುಗಳೊಂದಿಗೆ (ಆ ಮೊದಲು ಮುಂಗಡವೆಂದು ನೀಡಿದ ಜೀವಿತ ಸೌಲಭ್ಯಗಳ ಹಣಗಳನ್ನು ಕಳೆಯದೆಯೇ) ನೀಡುತ್ತಾರೆ. 

6. ಪರಿವರ್ತಿಸ ಬಹುದಾದ ಅವಧಿ ವಿಮೆ(Convertible Term  Insurance ) ಯೋಜನೆ : ಮೂಲತಃ ಇದು ಅವಧಿ ವಿಮೆಯ ಪಾಲಿಸಿಯಾಗಿದ್ದು, ಕೆಲ ನಿರ್ಧಿಷ್ಠ ಅವಧಿಯೊಳಗೆ, ಯಾವಾಗ ಬೇಕಾದರೂ, ಪಾಲಿಸಿಧಾರಕ ಬಯಸಿದರೆ ಅವಧಿ ವಿಮೆಯ ಪಾಲಿಸಿಯನ್ನು ಆಜೀವ ಅಥವಾ ಎಂಡೋಮೆಂಟ್ ಪಾಲಸಿಗೆ ಪರಿವರ್ತಿಸ ಬಹುದು. 

7. ಪರಿವರ್ತಿಸ ಬಹುದಾದ ಆಜೀವ ವಿಮೆ (Convertible Whole Life  Insurance ) ಯೋಜನೆ : ಮೂಲತಃ ಇದು ಆಜೀವ ವಿಮೆಯ ಪಾಲಿಸಿಯಾಗಿದ್ದು, ಕೆಲ ನಿರ್ಧಿಷ್ಠ ಅವಧಿಯ ನಂತರ, ಪಾಲಿಸಿಧಾರಕ ಬಯಸಿದರೆ ಆಜೀವ ವಿಮೆಯ ಪಾಲಿಸಿಯನ್ನು ಎಂಡೋಮೆಂಟ್ ಪಾಲಸಿಗೆ ಪರಿವರ್ತಿಸ ಬಹುದು. 

8. ಸಂಯುಕ್ತ ಜೀವದ ಯೋಜನೆ (Joint Life  Insurance ): ಇದು ಇಬ್ಬರು ವ್ಯಕ್ತಿಗಳು, ವಿಶೇಷವಾಗಿ ದಂಪತಿಗಳು ಪಡೆಯಬಹದಾದ ಎಂಡೋಮೆಂಟ ತರಹದ ಪಾಲಿಸಿಯಾಗಿರುತ್ತದೆ. ಇಬ್ಬರೂ ಅವಧಿ ಪೂರ್ತಿ ಬದುಕಿದರೆ ಮೂಲ ವಿಮಾಮೊತ್ತವನ್ನು ಬೋನಸ್ ಜೊತೆ ನೀಡಲಾಗುತ್ತದೆ. 

a.ಅವಧಿಗೆ ಮುಂಚೆ ಒಬ್ಬನು ನಿಧನನಾದರೆ, ಉಳಿದವನಿಗೆ ಕೂಡಲೇ ಮೂಲ ವಿಮಾರಾಶಿಯನ್ನು ನೀಡಲಾಗುವದು. ಆದರೆ ಪಾಲಿಸಿಯು ಉಳಿದವನ ಸಲುವಾಗಿ, ವಿಮಾ ಕಂತು ಪಡೆಯದೆÉಯೇ ವಿಮಾ ರಕ್ಷೆಯನ್ನು ಮುಂದುವರೆಸುವದು.

b.ಇನ್ನೊಂದು ವಿಮಾ ಮೊತ್ತವನ್ನು (ಗಳಿಕೆಯ ಬೋನಸ್‍ನೊಂದಿಗೆ) ಉಳಿದವನಿಗೆ ಅವಧಿಮಗಿದ ಕೂಡಲೇ, ಅಥವಾ ಅದಕ್ಕೂ ಮೊದಲೇ ಆತ ನಿಧನನಾದರೆ, ನಿಧನ ಸಮಯಕ್ಕೆ ನೀಡಲಾಗುವದು.

9. ಮಕ್ಕಳ ವಿಮೆ (Children Insurance ) ಯೋಜನೆ : ಅಪ್ರಾಪ್ತ ವಯಸ್ಕ ಮಗುವಿನÀ ಸಲುವಾಗಿ/ಪರವಾಗಿ; ತಂದೆ/ತಾಯಿ/ಪೊಷಕರು, ಆ ಮಗುವಿನ ಜೀವದಮೇಲೆ ತೆಗೆದುಕೊಳ್ಳಬಹುದಾದ ಪಾಲಸಿ. ಮಗು ವಯಸ್ಕನಾದ ಮೇಲೆ ಪಾಲಸಿಯ ಮಾಲೀಕತ್ವವನ್ನು ಪಡೆದು, ಅದನ್ನು ಮುಂದುವರೆಸುವ ಹೊಣೆಗಾರಿಕೆಯನ್ನೂ ಪಡೆಯುತ್ತಾನೆ. ಮಗುವಿನ ವಯಸ್ಸು ತೀರ ಚಿಕ್ಕದಾಗಿದ್ದರೆ, ವಿಮಾ ರಕ್ಷಣೆ ಕೂಡಲೇ ಪ್ರಾರಂಭವಾಗದೇ, ಕೆಲ ಅವಧಿಯ ನಂತರ ಪ್ರಾರಂಭವಾಗುವದು. ಈ ಅವಧಿಯಲ್ಲಿ ಮಗು ನಿಧನ ಹೊಂದಿದರೆ, ನೀಡಿದ ವಿಮಾಕಂತುಗಳನ್ನು ಮಾತ್ರ ಮರಳಿಸಲಾಗುವದು. . ಈ ಅವಧಿಯ ನಂತರ ನಿಧನ ಹೊಂದಿದರೆ, ಆ ಸಮಯದಲ್ಲಿ ಯಾರು ಪಾಲಿಸಿಯ ಮಾಲೀಕನಾಗಿರುತ್ತಾರೋ, ಅವನಿಗೆ ವಿಮಾಮೊತ್ತವನ್ನು ನೀಡಲಾಗುವದು. ಅವಧಿ ಪೂರ್ತಿ ಮಗು ಬದುಕಿದರೆ, ಮಗುವಿಗೆ ಮ್ಯಾಚುರಿಟಿ ಹಣವನ್ನು ನೀಡಲಗುವದು. 

10. ವರ್ಷಾಶನ ವಿಮೆ (Annuity  Insurance) ಯೋಜನೆ : ನಿಗದಿತ ದಿನಾಂಕಿನಿಂದ ಆಜೀವ ಆದಾಯ ನಿಯಮಿತವಾಗಿ ಸಂದಾಯವಾಗುವದು.

11. ಯುನಿಟ್ ಜೋಡಣೆಯ ವಿಮೆ ಯೋಜನೆ(Unit Linked  Insurance Plan - ULIP ). ಈ ಪಾಲಿಸಿಯಲ್ಲಿ ನೀಡಲಾಗುವ ಒಟ್ಟು ವಿಮಾಕಂತಿನಿಂದ 

 ಸ್ವಲ್ಪ ಹಣವನ್ನು ಗ್ರಾಹಕನು ಆಯ್ಕೆ ಮಾಡಿಕೊಂಡ ಅವಧಿ/ ಅಪಘಾತ/ ಗಂಭೀರಕಾಯಿಲೆಯ ವಿಮೆಗಳ ಸೌಲಭ್ಯಗಳಿಗೆ ಉಪಯೋಗಿಸಲಾಗುವದು. ಅದರ ಜೊತೆಗೇ ಇನ್ನೂ ಸ್ವಲ್ಪ ಹಣವನ್ನು ಆಡಳಿತ/ಅಲೋಕೇಶನ್ ಶುಲ್ಕ (Administration/Allocation Fees ) ಗಳಿಗಾಗಿ ಉಪಯೋಗಿಸಲಾಗುವದು. 

 ನಂತರ ಉಳಿದ ವಿಮಾಕಂತಿನ ಹಣವನ್ನು ವಿಮಾ ಪಾಲಿಸಿಧಾರಕನಿಗಾಗಿ ಅವನು ಆಯ್ಕೆ ಮಾಡಿಕೊಂಡ ರೀತಿಯಲ್ಲಿ ಮುಕ್ತಮಾರುಕಟ್ಟೆಯಲ್ಲಿ ಹೂಡಿಕೆ (Investment)  ಮಾಡಲಾಗುತ್ತದೆ.  ಈ ಹೂಡಿಕೆಗಾಗಿ ಪಾಲಸಿಧಾರಕನಿಗೆ ಮ್ಯೂಚ್ಯೂವಲ್ ಫಂಡಿನ ಹೂಡಿಕೆಯ ರೀತಿಯಲ್ಲಿ ಯುನಿಟ್‍ಗಳನ್ನು ಹಂಚಲಾಗುತ್ತದೆ. ಪಾಲಿಸಿಧಾರಕನ ಇಚ್ಛೆಯಂತೆಯೇ ಹೂಡಿಕೆಯ ಆಯ್ಕೆಯಾಗುವದರಿಂದ ಪಾಲಿಸಿಯ ಪ್ರತಿಫಲಕ್ಕೆ ಪಾಲಸಿಧಾರಕನೇ ಸಂಪೂರ್ಣವಾಗಿ ಹೊಣೆಗಾರನಾಗುತ್ತಾನೆ.

 ಮೆಚ್ಯೂರಿಟಿಯ ಕಾಲಕ್ಕೆ ಹಂಚಿಕೆಯಾದ ಯುನಿಟ್‍ಗಳಿಂದ ಬೆಳೆದ ನಿಧಿಯ ಪೂರ್ಣ ಹಣವನ್ನು ನೀಡಲಾಗುತ್ತದೆ. 

 ಅವಧಿಗೆ ಮುಂಚೆಯೇ ಮರಣ ಸಂಭವಿಸಿದರೆ, ಆ ಸಮಯದಲ್ಲಿ, 
1)ನಿಧಿಯಲ್ಲಿಯ ಬೆಳೆದ ಹಣ   ಆಥವಾ 
2)ಮೂಲವಿಮಾಮೊತ್ತದ ಹಣ 
ಇವೆರಡವುಗಳಲ್ಲಿ ಯಾವುದು ದೊಡ್ಡದಿರುತ್ತದೆಯೋ ಅದನ್ನು ಪಾಲಸಿಧಾರಕನ ವಾರಸುದಾರನಿಗೆ ನೀಡಲಾಗುವದು. (ಕೆಲವು ಪಾಲಸಿಗಳಲ್ಲಿ ಇವೆರಡೂ ಹಣಗಳನ್ನು ನೀಡುವ ವ್ಯವಸ್ಥೆಯೂ ಇರುತ್ತದೆ.)