4 ಮೇ 2014 

ವಿಮಾ ಸಂಸ್ಥೆಗಳಲ್ಲಿ ಕಾರ್ಯ ನಿರ್ವಹಿಸುವ ವಿವಿಧ ಬಗೆಯ ವೃತ್ತಿದಾರರು.

1. ಏಜೆಂಟ (Agent)   – ವಿಮಾ ಸಂಸ್ಥೆಯ ಪರವಾಗಿ, ಕಮೀಶನ್ ಆಧಾರದ ಮೇಲೆ ವಿಮಾಸರಕುಗಳನ್ನು ಗ್ರಾಹಕರಿಗೆ ಮಾರುವ ವ್ಯಕ್ತಿಗಳು.
2. ಕಾರ್ಪೋರೇಟ್ ಏಜೆಂಟ (Corporate Agent)  – ವಿಮಾ ಸಂಸ್ಥೆಯ ಪರವಾಗಿ, ಕಮೀಶನ್ ಆಧಾರದ ಮೇಲೆ ವಿಮಾಸರಕುಗಳನ್ನು ಗ್ರಾಹಕರಿಗೆ ಮಾರುವ ಸಂಸ್ಥೆಗಳು. ಉದಾ : ಬ್ಯಾಂಕು, ಸೊಸಾಯಿಟಿ, ದಲ್ಲಾಳಿ ಸಂಸ್ಥೆ (ಃಡಿoಞeಡಿ).
3. ಮಧ್ಯವರ್ತಿಗಳು (Intermediaries)  : ಏಜೆಂಟ, ಕಾರ್ಪೋರೇಟ್ ಏಜೆಂಟರೆಲ್ಲರನ್ನೂ ಮಧ್ಯವರ್ತಿಗಳೆಂದು ಕರೆಯುತ್ತಾರೆ.
4. ಆ್ಯಕ್ಚೂರೀಜ್ (Acturies)  : ವಿಮಾ  ಅಪಾಯಗಳ ಅಳತೆ ಮಾಡಿ, ಅವುಗಳಿಗೆ ಸಂಬಂಧಿಸಿದ ವಿಮಾಸರಕುಗಳ ಬೆಲೆಯನ್ನು ನಿರ್ಧರಿಸುವವರು. ವಿಮಾ ಸಂಸ್ಥೆಯ ಒಟ್ಟಾರೆ ಆರ್ಥಿಕ ಜವಾಬ್ದಾರಿಯನ್ನು ಅಳೆದು, ಅದನ್ನು ನಿಭಾಯಿಸಲು ಕಂಪನಿಗೆ ಇರುವ ಆರ್ಥಿಕ ಸಾಮಥ್ರ್ಯವನ್ನು ಕಂಡು ಹಿಡಿಯುವ ಮಹಾ ಮೇಧಾವಿಗಳು. ಪಾಲಿಸಿಗಳಿಗೆ ಘೋಷಿಸಲಾಗುವ ಬೋನಸ್ಸ್ ದರ ನಿರ್ಧರಿಸುವರು. ಕಂಪನಿಯ ಲಾಭ ನಿರ್ಧರಿಸುವವರು.
5. ಅಂಡರ್ ರೈಟರ್ಸ್ (Underwriters)   : ಗ್ರಾಹಕರ ವಿಮಾ ಕೋರಿಕೆಗೆ ನಿರ್ಣಯ ಕೊಡುವವರು. ವ್ಯಕ್ತಿಗತ ಅಪಾಯವನ್ನು ಅಳೆದು, ಅಪಾಯಕ್ಕೆ ವಿಧಿಸಬೇಕಾಗುವ ವಿಮಾ ಶುಲ್ಕವನ್ನು ಹಾಗೂ ಇತರ ಶರ್ಯತ್ತುಗಳನ್ನು ನಿರ್ಧರಿಸುವವರು.
6. ಮೂರನೇ ಪಕ್ಷದ ಆಡಳಿತಗಾರರು (Third Party Administrators)    ; ಆಸ್ಪತ್ರೆಗಳ ಜಾಲಗಳನ್ನು ನಿರ್ಮಿಸಿ, ಆರೋಗ್ಯ ವಿಮಾ ಗ್ರಾಹಕರಿಗೆ ನಗದು ರಹಿತ ವೈದ್ಯಕೀಯ ಸೌಲಭ್ಯ ದೊರಕಿಸಲು ಸಹಾಯ ಮಾಡುವವರು. ಈ ಕಾರ್ಯಕ್ಕಾಗಿ ವಿಮಾ ಸಂಸ್ಥೆಗಳಿಂದ ಕಮೀಶನ್ ಪಡೆಯುವವರು.
7. ಹಾನಿ ಹೊಂದಾಣಿಕೆದಾರರು/ಸರ್ವೇಯರ್‍ಗಳು (Loss Adjusters/Surveyors)  : ಸಾಮಾನ್ಯ ವಿಮೆಯಲ್ಲಿ ಅಪಾಯ ಘಟನೆ ಜರುಗಿದಾಗ, ಸಂಭವಿಸಿದ ಹಾನಿ ಪ್ರಮಾಣವನ್ನು ಅಳೆದು ಸಂಸ್ಥೆಗೆ ವರದಿ ನೀಡುವವರು. ಈ ಕಾರ್ಯಕ್ಕಾಗಿ ವಿಮಾ ಸಂಸ್ಥೆಗಳಿಂದ ಶುಲ್ಕ ಪಡೆಯುವವರು.
8. ನಿಯಂತ್ರಕ (Regulator)  : ವಿಮಾ ಉದ್ದಿಮೆಯ ಹಿತಾಸಕ್ತಿ ಕಾಪಾಡಲು, ವಿಮಾ ಸಂಸ್ಥೆಗಳ/ಮಾರಾಟಗಾರರ ಕಾರ್ಯ ಚಟುವಟಿಕೆಗಳ ಮೇಲೆ ನಿಯಂತ್ರಣ ಹೊಂದಲು ಸರಕಾರದಿಂದ ನೇಮಕಗೊಂಡ ಅಧಿಕಾರೀ ಸಂಸ್ಥೆ. ಭಾರತದಲ್ಲಿ ಆಯ್.ಆರ್.ಡಿ.ಏ.ಯು ವಿಮಾ ಉದ್ದಿಮೆಯ ನಿಯಂತ್ರಕನಾಗಿರುತ್ತದೆ.
9. ತರಬೇತಿ ಸಂಸ್ಥೆಗಳು(Training Institutes): ವಿಮಾ ಉದ್ದಿಮೆಗೆ ಅವಶ್ಯವಿರುವ ಕಾರ್ಯಕುಶಲತೆಯನ್ನು ಪಡೆಯಲು ವಿಮಾ ಸಂಸ್ಥೆಯಲ್ಲಿ ಕೆಲಸಮಾಡುವವರಿಗೆ ತರಬೇತಿ ನೀಡುವ ಸಂಸ್ಥೆಗಳು. ಉದಾ : ಇನ್‍ಶ್ಯೂರೆನ್ಸ್ ಇನ್‍ಸ್ಟೀಟ್ಯೂಟ್ ಆಫ ಇಂಡಿಯಾ ( ಆಯ್.ಆಯ್.ಆಯ್.), ನ್ಯಾಶನಲ್ ಇನ್‍ಶ್ಯೂರೆನ್ಸ್ ಅಕ್ಯಾಡಮಿ.
10. ಎನ್.ಜಿ.ಒ.ಗಳು (NGOs) : ಸೂಕ್ಷ್ಮವಿಮೆ ಮಾರಾಟ ಮಾಡಲು ತಯಾರಾದ ಸ್ವ ಸಹಾಯ ಗುಂಪುಗಳು, ಸರಕಾರೇತರ ಸಂಸ್ಥೆಗಳು.