14 ಜೂನ 2014

ಮುಂದುವರೆಸಬಹುದಾದ ಕರಾರು (renewable contract) :

ವಿಮಾ ಕರಾರು ದೀರ್ಘಾವಧಿಗೆ ಇರುತ್ತದೆ. ಒಂಟಿ ಕಂತಿನ ಪಾಲಿಸಿ ಹೊರತು ಪಡೆಸಿ ಉಳಿದೆಲ್ಲಾ ಪಾಲಿಸಿಗಳಲ್ಲಿ ವಿಮಾಕಂತುಗಳನ್ನು ಚಿಕ್ಕ ಕಾಲಾವಧಿಗಳಿಗೆ ಸ್ವೀಕರಿಸಲಾಗುತ್ತದೆ.

ಉದಾಹರಣೆಗೆ : ತ್ರೈಮಾಸಿಕ ಕಂತುಗಳ ಪಾಲಿಸಿಯಲ್ಲಿ ವಿಮಾಕಂತನ್ನು ಮೂರು ತಿಂಗಳಿಗೊಮ್ಮೆ ಕೊಡಬೇಕಾಗುತ್ತದೆ. ತ್ರೈಮಾಸಿಕ ಕಂತು ನೀಡಿದಾಗ ಕರಾರು ಮೂರು ತಿಂಗಳ ಅವಧಿಗೆ ಮಾತ್ರ ಊರ್ಜಿತವಾಗುತ್ತದೆ. ತದನಂತರ ಪಾಲಸಿಧಾರಕ ಬೇಕಾದರೆ ಮುಂದಿನ ವಿಮಾಕಂತನ್ನು ನೀಡದೆಯೇ ಕರಾರನ್ನು ನಿಲ್ಲಿಸಬಹುದು, ಅಥವಾ ಇನ್ನೊಂದು ವಿಮಾಕಂತನ್ನು ನೀಡಿ ಕರಾರನ್ನು ಮತ್ತೆ ಮೂರುತಿಂಗಳ ಅವಧಿಗೆ ಮುಂದುವರೆಸಬಹುದು.

 ಹೀಗೆ ಕರಾರನ್ನು ನಿಲ್ಲಿಸಬಹುದಾದ ಅಥವಾ ಮುಂದುವರೆಸಬಹುದಾದ ಆಯ್ಕೆ ಸ್ವಾತಂತ್ರ್ಯ ವಿಮಾ ಗ್ರಾಹಕನಿಗೆ ಇದೆ. ಇಂತಹ ಕರಾರುಗಳಿಗೆ ಮುಂದುವರೆಸಬಹುದಾದ ಕರಾರು (renewable contract)  ಎನ್ನುತ್ತಾರೆ.

ಪಾಲಿಸಿಯ ಇಡೀ ಅವಧಿ ಮುಗಿದನಂತರವೂ, ಕರಾರನ್ನು ಮತ್ತೆ ಹೊಸ ಅವಧಿಗೆ,ಹೊಸ ಶರ್ಯತ್ತಿನೊಂದಿಗೆ ಮುಂದುವರೆಸಲು ಕೆಲವು ಸಂದರ್ಭಗಳಲ್ಲಿ, ವಿಮಾ ಸಂಸ್ಥೆಯು ಗ್ರಾಹಕನಿಗೆ ಅನುಮತಿ ನೀಡಬಹುದಾಗಿದೆ.